1 Li pu len nar ka m sobi yeli ya piini lin ka ba tisid Winaꞌam nidib yelaa. 2 M miꞌ ye ya mor potenꞌer ye ya suŋ, ka nweꞌed nyoꞌog ne Masedonia nidib ya yela, n yeli ba ye Winaꞌam nidib bane be Akaia teŋin la tiꞌeb ye ba suŋ yuum sa. Ka yanam mor potenꞌer ye ya suŋ la kpeꞌeŋi ba bedego sa. 3 Ka m ye m tum ti baꞌabiis bama ye lin ka m nweꞌed nyoꞌog ya yela yelkaŋa nwa ni la ku a pianꞌad maꞌanee, ka lee a sida, ka ya sid tiꞌeb ne ya piini la wuu man yel siꞌem la. 4 Ka li yaꞌa kaꞌ alaa ka Masedonia dim sieba yaꞌa doli m ka nye ka ya pu tiꞌebe, nyan na dii ti bedego, ka m pu len yet yanam yelaa. Nyan na dii ti tiname daa tenꞌes ye ya na tiꞌeb ne ya piini la zug. 5 Ka dinzug ka m gos ka li nar ka m kpeꞌeŋ ti baꞌabiis bama ye ba gaad tuon ka deŋim tiꞌeb piini kan ka ya ziꞌel noor ye ya tis la. Ka ala ka m yaꞌa ti paa na, ya na pun tiꞌeb ne ya piini la. Ka li na paꞌal ye ya tisidne ne ya boodim ka kaꞌane ne mugusugo.

6 Tenꞌesimi neꞌ. Niŋkane but bielim biꞌela yaꞌa ti bun, o ku nye bedegoo. Amaa one but bedego me yaꞌa ti bun, o na nye bedego. 7 Keli ka ya soꞌ mekama niŋ wuu on gbanꞌe siꞌem la, ka kaꞌane susaꞌaŋ bee soꞌ mugusidi yaa. Winaꞌam noŋ one tisid piini ne sumalisim, 8 ka na nyaŋe tisi ya ka li gaad yaname bood siꞌem. Ka ya na yiti mor yanam meŋi bood siꞌem la wusa, ka na nyaŋe tis piini ye ya suŋ tuumsuma wusa. 9 Li dolne lin da sob Winaꞌam gbauŋin popielnam yela siꞌem la ye,

12 Suŋir kan ka ya tisid Winaꞌam nidib la pu suŋidi ban maꞌane, amaa li me ket ka nidib bedego puꞌusid Winaꞌam bareka. 13 Ka suŋir kaŋa paꞌan yanam a siꞌem ka ke ka nidib nyet ka ya siaki dol Kiristo labasuŋ la. Dinzug ka ba na zunꞌe Winaꞌam ka puꞌus o bareka yaname mor noor yinni ne ba n tisidi ba piintitaꞌar la, ka me mor noor yinni ne Winaꞌam nidib wusa la. 14 Winaꞌam n tisi ya yelsumtitaꞌar la zug ka ba na noŋi ya bedego ka sos Winaꞌam tisi ya. 15 Keli ka ti puꞌus Winaꞌam bareka o piintitaꞌar line gati ti pianꞌad ben la.