122
ፂዮኔ ኬዞ ዓይኑሞ ዳውቴ ዓይናዼሢ
ዬሩሳላሜ ሄርሺ ዓይናዺንቴ ዓይኑሞ
1 «ናንጊና ናንጋ ጎዳሢ ማኣሪ ኑ ዓኣዾም!» ዔያታ ጋዓኣና
ሚርጌና ታና ዎዛሴኔ።
2 ዬሩሳላሜ!
ካሮና ኔኤኮ ኑኡኒ ጌሊ ጋራ ዔቄኔ።
3 ዬሩሳላሜ ካታማ
ዎላ ካንሢ ጋጋሦናጉዲ ዶዲሺ ማዢንቴ ካታማኬ።
4 ዒስራዔኤሌም ዒንጊንቴ ዳምቦ ጎይፆጉዲ
ናንጊና ናንጋ ጎዳሢም ጋላታ ሺኢሻኒ
ፆኦሲ ፃጳ ቢያ ቡካሢ
ሃኖ ካታሜሎይዳኬ።
5 ዳውቴ ፃጳፓ ካኣታዼ ካኣታ ቢያ
ፔኤኮ ዴሮም ዎጎ ዎጋኒ
ሃኖ ካታሜሎይዳ ዴዓኔ።
6 ዬሩሳላሜ ካታሞይዳ ኮሹሞ ዓኣያ ማዓንዳጉዲ
ሂዚ ጌይ ፆኦሲ ሺኢቁዋቴ፦
«ኔና ናሽካ ዓሳ ቢያ ጊኢጎንጎ፤
7 ኔኤኮ ኬኤሎ ዲፃ ቢያ ኮሺ ማዒ ዴዖንጎ፤
ኔኤኮ ካኣቶ ማኣራ ሜታ ባኣያ ኮሺ ናንጎንጎ።»
8 ታኣኮ ዒጊኖንታ ታ ላጎንታሮ
«ዬሩሳላሜ! ኮሹሞ ኔኤም ማዖንጎ!» ታኣኒ ጋዓንዳኔ።
9 ዬሩሳላሜ!
ናንጊና ናንጋ ጎዳ ማዔ ኑ ፆኦዛሢ ማኣሮ ዛሎሮ
ኔኤም ኮሺ ሙካንዳጉዲ ታ ኮዓኔ።