ጌኤዦ ማፃኣፖ ዓይኑሞ ማፃኣፖ 127

127

ፂዮኔ ኬዞ ዓይኑሞ ሴሎሞኔ ዓይናዼሢ

ፆኦሲኮ ኮሹሞሮ ጋላቲንቴ ጋላታ

1 ናንጊና ናንጋ ጎዳ ኬኤሢ ማዢባኣንቴ

ማኣሮ ማዣኔ ጋዓ ዓሳ ላባሢ ጉሪኬ።

ናንጊና ናንጋ ጎዳ ካታሞ ካፒባኣንቴ

ካታሞ ካፓኔ ጋዓ ዓሳ ጉሪ ላባኔ።

2 ጉቴ ዹቡርታ ዔቂ

ጊንሣ ሃሣ ዒባኒ ላሆንዶ ዎዶ ዓኣሢ

ሳዖይዳ ዓኣ ናንጎሮ ላቢፃ ጉሪኬ።

ናንጊና ናንጋ ጎዳ

ዒዚ ናሽካ ዓሶም ሃውሾ ዒንጋኔ።

3 ናይ ናንጊና ናንጋ ጎዳ ዒንጋ ባኣዚኬ፤

ጎኔ ፒዜ ማዔ ዓንጆኬ።

4 ዓሲ ዼጌ ዓኣዖ ሾዓ ዓቲንቄ ናይ

ዖልዚ ዓሲኮ ኩሽካ ዓኣ ሂኢሺጉዴያኬ።

5 ካቲላ ዬያጉዴ ሂኢዦና ኩሜ ዓሲ

ጎኔና ባሊቲ ዓኣ ዓሲኬ፤

ፔ ሞርኮና ዎላ ካታሞ ጌሎ ካራ ማርማኣና

ባሺንቲ ቦርሲንቱዋያኬ። *

* 127:5 127፡5 ዬኖ ዎዶና ማዺንታ ጎይፆ፦ ዬይ ዺቦ ዓቲንቆ ናኣታ ዓዶና ዎላ ዓዶ ዛሎ ማርማኒ ሙካያ ማዒፆ ዔርዛያኬ።