142
ዳውቴ ዴኖ ዔቶይዳ ዓኣ ዎዶና ዔራቶና ካላሌ ካላሎ
ፆኦሲ ማኣዳንዳጉዲ ሺኢቆ ሺኢጲሢ
1 ዑኡዞ ታኣኒ ዼጊዲ ናንጊና ናንጋ ጎዳ ዋይዞም ዒላታኔ፤
ታና ዒዚ ሚጪንታንዳጉዲ ታ ሺኢቃኔ።
2 ታ ዒዛ ሃዳርሳ ባኮ ቢያ ዒዛ ቤርቶ ሺኢሻኔ፤
ሜቶዋ ታኣኮ ቢያ ታ ዒዛም ኬኤዛኔ።
3 ዒና ታኣኮ ጋፒ ዖያኒ ዑካኣና
ታኣኒ ዓይጎ ዎዳኒ ኮይሳቴያ ዒዚ ዔዔራኔ፤
ታኣኒ ዴንዳ ጎይፆይዳ
ሞርካ ታኣም ፒሮ ዓኣቺ ፒሬኔ።
4 ኮይሎ ታ ሺሪ ዛጋንቴ ታና ዓኣቻንዳ ካይዚ ባይቄኔ፤
ፔቴታዖ ታና ማኣዳ ዓሲ ባኣያ ማዔኔ፤
ታና ካፓያና ታ ዛሎ ሂርጋ ዓሲያኣ ባኣሴ።
5 ናንጊና ናንጋ ጎዳሢዮ! ኔኤኒ ታና ማኣዳንዳጉዲ
ታኣኒ ኔ ባንሢ ዒላታኔ፤
ናንጊና ናንጋ ጎዳሢዮ! ኔኤኒ ታኣኮ ፑኖ ካያሢኬ፤
ሼምፖና ዓኣ ዓሳ ናንጋ ዓጮይዳ ታኣኮ ዓኣያ ማዔሢ ኔናኬ።
6 ታኣኒ ጋፒ ዎዛ ቲቂ ዴዔሢሮ
ኔ ታና ማኣዳንዳጉዲ ኔ ባንሢ ታ ዒላታሢ ዋይዜ፤
ዑሣ ዓኣዼ ታኣም ዔያታ ዎልቃዼሢሮ ታ ሞርኮፓ ታና ዓውሴ።
7 ታኣኒ ኔና ጋላታንዳጉዲ ሃያ ቱኡዛፓ ታና ቡሌ፤
ኔኤኒ ታኣም ማዼ ኔኤኮ ኮሹሞ ማዾ ዛጋዖ
ፂሎ ዓሳ ሙኪ ታ ኮይላ ቡካንዳኔ።