16
ዳውቴ ካላሎ
ፆኦሲ ጉሙርቂ ሺኢቂንቴ ሺኢጲሢ
1 ፆኦሲዮ!
ታኣኒ ኔና ጉሙርቃሢሮ ታና ካፔ።
2 ናንጊና ናንጋ ጎዳም ታኣኒ፦ «ኔኤኒ ታኣኮ ጎዳኬ፤
ኔኤፓ ዓታዛ ኮሺ ባኣዚ ታኣም ባኣሴ» ጌዔኔ።
3 ፆኦሲም ዱማዼያ ማዒ ሳዖይዳ ናንጋ ዓሳ
ቦንቺንቴያኬ፤ ታኣኒያኣ ዔያቶ ዛጋዖ ዎዛዻኔ።
4 ሜሌ ፆኦዞ ካኣሽካ ዓሶ
ሚርጌ ዖዪሳ ባኣዚ ሄላንዳኔ፤
ታኣኒ ዬያጉዴ ሜሌ ፆኦዞ ሹኪ ዑሻዓኬ፤
ዬያቶም ታኣኒ ዚጊያኣ ካኣሽካዓኬ።
5 ናንጊና ናንጋ ጎዳሢዮ! ታኣኮ ዴናሢንታ ዑዣሢያ ኔናኬ፤
ታ ዛላ ባኣዚ ቢያ ኔ ኩጮ ጋራኬ።
6 ታኣም ዴኖ ፓቃኒ ዓጊንቴ ሱዛ ኮሺ ቤስካ ኬዴኔ፤
ጎኔና ታና ዎዛሳ ኮሺ ዴኔ ታና ሄሌኔ።
7 ታና ዞራ ናንጊና ናንጋ ጎዳ ታኣኒ ጋላታኔ፤
ዋንቶ ማዔቴያ ዒና ታኣኮ ፒዜ ማዔ ባኣዚ ታና ዔርዛኔ።
8 ቢያ ዎዴ ታኣኒ ናንጊና ናንጋ ጎዳ ቤርታሳኔ፤
ዒዚ ታኣኮ ሚዛቆ ዛሊናታሢሮ ታኣኒ ዓጊፃዓኬ።
9 ዬያሮ ዒና ታኣኮ ኮሺ ዎዛዻኔ፤
ዑፃኣ ታኣኮ ሂርጋ ባኣያ ሃውሻኔ።
10 ኔኤኒ ሼምፓሢ ታኣኮ ዱኡፖ ዔታ ሃሺንዱዋሴ፤
ኔኤም ዱማዼሢያኣ ኔኤኒ ዎዒሲንዱዋሴ።
11 ኔኤኒ ናንጊ ጎይሢ ታና ዻዋንዳኔ፤
ኔ ኮራ ሚርጌ ዎዛ ኩሜያኬ፤
ኔኤኮ ሚዛቆ ዛላ ናንጊና ሃውሺሢያኣ ዓኣኔ።