3
ዳውቴ ፔ ናኣዚ ዓብሴሎሜፓ ቶላኒ ጳሽኬያና ዓይናዼ ዓይኑሞ
ማኣዶሮ ጉቴና ሺኢቂንቴ ሺኢጲሢ
1 ናንጊና ናንጋ ጎዳሢዮ! ሞርካ ታኣኮ ዎዚ ሚርጌዖ!
ዓኣፒኒ ዓሲ ታ ዑፃ ፑርቱሞና ዔቄዖ!
2 ሜርጌ ዓሳ፦ «ፆኦሲ ዒዛ ዓውሲንዱዋሴ» ጌይ ጌይ
ታ ዛሎ ጌስታኔ።
3 ናንጊና ናንጋ ጎዳሢዮ! ኔኤኒ ታኣኮ ጊቲማሢኬ፤
ታ ባሻንዳጉዲ ማሂ ቦንቾ ታኣም ዒንጌሢ ኔናኬ።
4 ታኣኒ ዑኡዞ ዼጊዲ ናንጊና ናንጋ ጎዳ ባንሢ ዒላታኔ፤
ዒዚያኣ ፔኤኮ ዱማዼ ዹኮ ዑፃ ማዒ ታ ዒላቶ ዋይዛኔ።
5 ታ ላሃኔ፥ ጊንዓኔ፤
ናንጊና ናንጋ ጎዳ ዋንቶ ቢያ ታና ካፔሢሮ
ጊንዓስካፓኣ ጊንሣ ታኣኒ ጴጫኔ።
6 ዓጮ ታኣኮ ማንጊ ዓኣ
ፓይዲንቱዋ ታ ሞርኮ ታኣኒ ዒጊጩዋሴ።
7 ናንጊና ናንጋ ጎዳሢዮ! ዔቄ!
ታ ፆኦዛሢዮ! ሙኪ ታና ዓውሴ!
ታ ሞርኮኮ ባንጋሎ ሜንሤ፤
ዓጮዋ ዔያቶኮ ኬይሴ።
8 ዓሲ ዓውሳይ ናንጊና ናንጋ ጎዳኬ፤
ፆኦሲዮ! ዓንጃ ኔኤሲ ኔ ዴሮም ማዖንጎ።