100
Tembeeze pa Merere raama lelende ambai
Mboe tabe tapakur Anutu pa i
1 Niom karkari ta karao pa toono ma ila na, kalŋoyom isala mi menmeen yom pa Yooba!
2 Kembeeze pini raama leleyom ambai.
Kamar kereene uunu, mi kombo mboe raama menmeen yom.
3 Mi kuute kat ta kembei: Yooba, ni ta Anutu ŋonoono.
Ni iur iti, mi ikam ti ma tewe lene kek.
Iti sipsip kini tau. Tana ni mataana piti mi imborro iti.
4 Kapaŋuru urum kini kwoono mi leleyom ambai pini.
Kombo mboe pini mi kapakuri.
Leleyom ambai pini mi kiwit uruunu pa kampeŋana kini.
5 Pa Yooba, ni ambaiŋana.
Ni ko iurur leleene pa wal kini mi imuŋaiŋai zin ma alok.
Mi mataana iŋgalŋgal sua kini mbukŋana, mi iseeŋge iseeŋge ma ila.