131
Suŋŋana ki tomtom ta ipakur itunu som, mi ipase pa Merere men
Mboe kizin wal ta tizalla pa Yerusalem Mboe ki Dabit
1 O Yooba, ŋgar pakurŋana sa imbot la leleŋ som,
aŋwidit ituŋ som,
mi aŋkamam be aŋwe biibi som.
Tana koroŋ bibip mi uraata bibip ta aŋrao pa som na, aŋmaŋmaŋ pa som.
2 Pa aŋpase pu tau. Tana aŋkototo ituŋ, mi aŋur niŋ ma aŋbotmbot.
Mi kopoŋ rru som, mi leleŋ ambai men,
kembei pikin ta iwin tui ma irao, mi naana imbaraari na.
3 O niom Israel, kapase pa Yooba, mi kuur motoyom pini be iuulu yom,
ta buri, mi iseeŋge iseeŋge ma ila.