121
Toteco yajaya mitzmocuitlahuis
1 Quema nijtlalanas noxayac huan nitlachiyas ipan nopa tepetini,
nimoilhuía:
“¿Canque huala notlapalehuil?”
2 Notlapalehuil huala tlen TOTECO,
yajaya tlen quichijchijqui elhuicactli huan tlaltepactli.
3 Yajaya ax quema mitzcahuilis para timotepotlamis o tihuetzis.
Yajaya mitzmocuitlahuis huan ax monequi cochis.
4 Quena, TOTECO tlen quinmocuitlahuía israelitame ax ixijcopi,
niyon ax cochi.
5 TOTECO yajaya mitzmocuitlahuía.
Yajaya itztoc monechca para mitzmanahuis.
6 Yajaya mitzmocuitlahuía tonaya huan tlayohua.
7 TOTECO mitzmocuitlahuis para ax mitzajsis niyon se tlamantli tlen ax cuali.
Quena, yajaya quimocuitlahuis moyolis.
8 TOTECO yajaya mitzmocuitlahuis campa hueli tiyas o tihualas,
ama huan para nochipa.