6
Tomtomuei Ahi. Mena bue gerigeri mena bue gerigeri garo gai welu. Ahi noi Devet.
1 Huqe lolo nomu lolobute go mese veve vohogi eu sige
lolo nom meroana go mese haharau.
2 Huqe go haharagi na gareana lawe au huri neu nam wiriwiri,
Huqe go vaga vagamwasoi eu huri a hui gu ram rurururu.
3 Me neu gaheau, nam romasi liu.
?Nge nigo Huqe goin bului eu tagaha?
4 Huqe gon tudori gon bului eu.
Me lo nom hahagavi vagitue gon vaga vagamwasoi eu.
5 Huri lolo mateana a tangaloi vin lado bibigo tea.
?Me hine lolo qaru vin ware hagegi nigo?
6 Neu nam wiriwiri gena nongu ngarana;
Mena nongu tinengi nam vaga bibilugi na heregu
mena qanagu lolo bongi gena nongu tingeni.
7 Mataku mo dodo gena romasi,
Me a matagu mo asi gena nongu tavului vuro.
8 Nen vano den eu gimiu doluegi nem vai gineu rau esi vohogi,
huri Huqe mo rongo na nongu ngarana.
9 A Huqe nge u rongo na nongu ngarana huri na hahagavi,
siu i Huqe vin duvi na nongu tataro.
10 Nongu tavalui vuro doluegi rain matagu lawuagi,
me rain maemae rain toa dori siseri deni eu siu rain maemae.