14
Pê Petrô cô cwỳrpê mõ
Matew 14.28-33
28 Mã Petrô Jeju mã:
— Quê ha apê ijõ pahhi na mã, ca ha imã garkwa ta, wa ha awỳr mõ, cô cwỳrpê — hajỹr.
29 Mã Jeju cumã:
— Mẽr hõhõ, ajpên iwỳr mõ! — hane. Mã Petrô pàr kre pĩn iwrỳc ne ma cô cwỳrpê Jeju wỳr mõ.
30 Hamre, mã kôc apêa to apê, mã Petrô mã hũpaa to hũpa, ne ma mrõr to mõ. Mã hamre, caràr kam cute ihtẽm ne Jeju mã:
— Pahhiti, ipytà! — hajỹr.
31 Mã ata caxuaw, Jeju te Petrô mã hũhkra pẽr ne cute hũhkra na ipyr ne hũtàr ne cumã:
— Ampo na mã ca cormã kyre pê ito amji mã ahimpej? — hajỹr.
32 Mã ajkam pàr kre kam me hàpir. Mã hamre, kôc te amji to pec.
33 Mã Jeju kôt me ipa catêjê te me Jeju pejti na me harẽn ne cumã:
— Xãmte ampeaj kam apê Pahpãm kra to ihkra — hajỹr.