47
Фараоно дэкхэлпэ Иосифохкиряґа їряґа
1 Иосифо джиля фараоностэ тай пхэнда лэсти:
— Муро дад тай пхрала пэхкирэнца гуртонэнца, баро тай хурдо ското, и вса, со лэстэ сля, авиле Ханааностар, тай екхатар вонэ дэ Гошэно.
2 Вов вылиля панч пхралэн тай авиля лэнца фараоностэ.
3 Фараоно пхучля пхралэн:
— Соґа тумэ залэнпэ?
Вонэ пхэндэ фараоности:
— Тирэ копыли — чябануря, кади и амарэ дада. —
4 Инте вонэ пхэндэ: — Амэ авиле кордэ тэ джювэ, пала када со дэ пхув Ханаано бари бокх, тай тирэнди копыленди нинай, тев тэ чяравэ гуртуря. Пала када дэ тирэнди копыленди тэ джювэ дэ Гошэно.
5 Фараоно пхэнда Иосифости:
— Тиро дад тай пхрала авиле тутэ.
6 Пхув Египто англа тутэ. Дэ лэнди тэ джювэ дэ фэдэдэр тхан пэ кадэя пхув. Мэк джювэн дэ Гошэно. Ай сар ту джянэх машкар лэндэ лаче бутярнэ, тхов лэн тэ дэкхэ пала муро ското.
7 Иосифо анда пэхкирэ дадэ Иаково тай тховда лэ англа фараоно, тай Иаково бахталисарда фараоно.
8 Фараоно пхучля лэ:
— Скацик тути бэрш?
9 Иаково пхэнда фараоности:
— Мэ 130 бэрш пхирав пав пхув. Набарэ тай киркэ сле бэрша муря джювимахкирэ, тай лэн сля на кади, сар дадэндирэ бэрша джювимахкирэ.
10 Иаково бахталисардо фараоно тай джиля лэхкиро цэр.
11 Сар прыпхэнда фараоно, Иосифо чюта тэ джювэ дадэ тай пхралэн дэ Египто тай отдэня лэнди фэдэдэр котор пхув надур Раамсесостар.
12 Иосифо анда бут хамо дадэсти, пхралэнди тай всаворэнди, ко сля дэ цэр дадэхкиро.
Иосифо — хулай дэ Египто дэ бокхали вряма
13 Тунчи нитев на ачиля хамо, пала када со сля зорали бокх дэ Египто тай Ханаано.
14 Иосифо битинэлас мандро пала рупь, тай кади стидэня дэ фараонохкиро цэр всавори рупь, сави сля дэ Египто и дэ Ханаано.
15 Кала ни дэ Египто, ни дэ Ханаано на ачилепэ рупь, всаворэ египтянуря авиле Иосифостэ тай пхэндэ:
— Дэ амэнди мандро. Пэ со амэнди тэ мэрэ тутэ пэ якхэн? Нэ рупь амэндэ будэр на ачиляпэ.
16 Иосифо пхэнда:
— Сар тумэндэ нинай будэр рупь, анэн тумаро ското, тай мэ парувава мандро пэ ското.
17 Вонэ андэ Иосифости ското, тай вов парувэлас лэнди мандро пэ грастэн, бакрэн тай бузнен, гурувэн, гурувнен тай магарен. Дэ кодэва бэрш вов парувэлас лэнди мандро пэ ското.
18 Проджиля екх бэрш. Пэ дуйто бэрш вонэ авиле лэстэ тай пхэндэ:
— Амэ на аваґа тэ гаравэ тутар, амаро рай, со ловэн амэндэ нинай, тай амаро ското кана тиро. Кади со амэндэ нисо на ачиляпэ важ амаро раестэ, кацик амэ тай пхув амари.
19 Пэ со амэнди тэ мэрэ тутэ пэ якхэн, амэнди тай амаряти пхуяти? Тин амэн тай амари пхув, парув пэ мандро, ай амэ тай амари пхув аваґа дэ копылен фараоностэ. Дэ амэнди самбуря, соб амэнди тэ джювэ тай на тэ мэрэ, тай соб кадэя пхув тэ на авэл шушы.
20 Кади Иосифо тинда всавори пхув дэ Египто важ фараоно. Египтянуря битиндэ кажно пэхкири маля, пала када со бокх сля бари. Пхув ачиля фараонохкири,
21 ай манушэн Иосифо стерда копыленца екха ригатар дэ Египто ды авря.
22 Вов на тинда кацик пхув рашаендири, пала када со ловэ, савэ дэня лэнди фараоно, лэнди хутилэнас пэ хама, акэ сости вонэ на битиндэ пэхкири пхув.
23 Иосифо пхэнда манушэнди:
— Кана, кала мэ тиндом тумэн тай тумари пхув важ фараоно, акэ тумэнди самбуря, соб тэ чювэ лэн дэ пхув.
24 Кала выбарёла ворзо, отдэн панчто котор фараоности, ай авэр штар котора авэна тумэнди пэ самбуря важ мален тай соб тэ хан тумэ, соб тэ хан тумэ, тумарэ цэрутнэ тай чяворэ.
25 Вонэ пхэндэ:
— Ту фирисардан амэнди джювимо. Тэ аракхах амэ лачимо дэ якхэн амарэ раехкирэ. Кана амэ аваґа фараонохкирэнца копыленца.
26 Кади Иосифо дэня законо дэ Египто, саво и екхатар дэ зора: панчто котор ворзостар авэла фараонохкирэ. Кацик рашаендири пхув на ачиля фараонохкиряґа.
Иаково мангэл Иосифо
27 Израильтянуря джюдэ дэ Египто, дэ пхув Гошэно. Котэ лэндэ сле цэра тай бэяндёнаспэ бут чяворэн.
28 Иаково проджюда дэ Египто дэшуефта бэрша. Всаворо лэхкиро джювимо сля шэл саранда ефта бэрша.
29 Кала авиля лэхкири вряма тэ мэрэ, вов акхарда пэхкирэ чявэ Иосифо тай пхэнда лэсти:
— Сар мэ аракхлём лачимо дэ тирэн якхэн, тхов васт манди тала шолдо тай дэ лав, со сикавэґа манди мила тай чячимо. На гарав ман дэ Египто.
30 Кала мэ сджява мурэндэ дадэндэ, вылиджя ман Египтостар тай гарав котэ, тев вонэ сле гаравдэ.
Иосифо пхэнда:
— Мэ терава кади, сар ту пхэнэх.
31 — Дэ солах, — пхэнда вов.
Иосифо дэня солах лэсти. Израилё смукляпэ пэ пэхкиро дэсто тай тэлиля Дэвлэсти.