100
Keke Kinera Zama Leana
1 Mi kera qetuqetu la koe Zihova gamu doduru tinoni pa kasia popoa!
2 Vahesia se Zihova pa qinetuqetu,
mae kera qetuqetu pa kenuna Sa.
3 Mi gilania sapu se Zihova si na Tamasa.
Asa tavete gita si gita, ke tanisa tu si gita.
Gita si na Nana tie, meke na sipi pu ta kopue koa Sa.
4 Nuquru mae pa sasadana sa Nana Zelepade pa vinahesina,
mi zama leana koa Sa, mi vahesia.
5 Ura na leana se Zihova,
sa Nana tataru nabuna si loke kokoina,
meke kopuni Sa sari Nana zinama ninae rane ka rane.