8
Matanni Zui Fugie Buwa Ersa
1 Ede kieliesan zhunyonishi matande intu nie zui fugie buwa wine. Hhe asiman jieredu famatu Hudai baozoi borun miende souzho.
2 Ganjin oronde, yeshijiu zhenzhenji zhanfande wilie giezho. Ene zhanfanshi kun daisan pusho, Ezhan daisan wo.
3 Jien zui fugie buwalashi mure ogizhi sidagha gieghane giezhi danlaghasan wo. Ingiese matanyi ene nie zui fugie buwaye yama ogiku dunxi kerene.
4 Hhe zemin jiere bise buwa ulie danlakushi guijin mutun sidagha giechen buwala wine.
5 Enezighan buwala giesan wilieshi asiman jieredu shiqinni yanzi wo, xiujie wo. Musa ganjin zhanfanni daine giekude Huda jingao giezhi kieliesan mutun, "Chi xioxin giezhi yanyanji giekulai bi chade ulade uzheghasan yanzi mutun gie."
6 Ersa ede genjia zhiguitu wiliei jienliewo. Hheshi genjia gou yenjisanyi dundadu kun wo. Eneshi genjia gou dain jiere jinjisan wo.
7 Ji 1 gie yenjisande yama ese chaizhoshi ji 2 gie yenjisanyi kereku biyo uwo.
8 Huda hhelai kheilazhi kieliezho,
"Uzhe, bi Isilie kun, Yuda kunlare shini yenjisanyi jinjiku udu khuzhene.
Eneshi Ezhan kieliesan wo.
9 Ene yenjisanshi bi hhelai xienrenlaini khai laizhi
Aijise uduruzhi khizhekude
Hhelare jinjizhi yenjisanghala buxian wo.
Hhela mii yenjisanyi izhi ese zunjizho.
Ingiese biye hhelai ese gonjiwo.
Eneshi Ezhan kieliesan wo.
10 Hhezighan udu daose
bi Isilie kunlare jinjiku yenjisanshi ingiezho.
Bi guijinne hhelai sumulakude teizhi
zhughedeni huaine.
Bi hhelade Huda danlane.
Hhela made bexin danlane.
Eneshi Ezhan kieliesan wo.
11 Jien kunla giebeizi, gaijiuladene
chi ezhanni tani giezhi surughaku biyo uwo.
Zui ganise zui fugienide kurutula
man mii tanine.
12 Bi hhelai codasanyi rouliene.
Hhelai zuini pse ulie jilane."
13 "Shini yenjisan" giezhi kieliese melieshiku khuichenrazho. Khuichenrazhi bixindasanla deigo man widane.