3
Xili Gieghasan Yaheiya Moni Zhunbei Giezho
(Mat 3:1-12; Mak 1:1-8; Yah 1:19-28)
1 Qibiliu fugie honshan danlazhi 15 nien olukude Benjiu-BiladoYudayade shenzhan danlazho. HherodeJialilide on danlazho, jiuni FeiliItuliyaji Telakenide on danlazho, LisanieYabilinide on danlazho.
2 Yanasi, Gaiyafaghala zui fugie buwa danlazho. Hhe shihoude Hudai kielien Sajialiyani kewon Yaheiyade bouzhewo. Yaheiya hontande souzho.
3 Hhe Yedanheni hhemien enemiende yozhi kunlade xili gieghazhi, "Ta geizhen giendu, Huda tai zuini rouliene." giezhi chonjizhi kieliezho.
4 Isaiya xienzhini shu jiere huaizho,
"Hontande nie kun waradazho,
'Ezhanni moni zhunbei gie!
Hhei moni zhidagha!
5 Ghonni man jienjizhi pindaghane.
Fugie ula ga ulalani man pindaghane.
Onjisan molani zhidaghazhi goudaghane.
Oko danlanlani pienjizhi goudaghane.
6 Ingiese kunla man Hudai jiuikuni uzhene.'"
7 Yaheiya xili jienliele iresan kunlade kieliewo, "Du mogheini zhunzhughala, kien tande jianlai ireku Hudai hokukuse anda shidane giezhi kieliewo?
8 Ta geizhen giesanne giekughala zhenmin gie. Iburaheimushi bijienyi xienren wo giezhi ta zhughedene bu sumula. Bi tande kielieye, Huda ene tashilani Iburaheimuni houdei gholugha shidane.
9 Ede sugiei mutun genzide teiwo. Gou alima ulie souku mutunlani man chizhidene khande teine."
10 Kunla asawo, "Qingiese bijien matugiene?"
11 Yaheiya kieliewo, "Ghua jien bisan kunla jien witu kunlade ogi. Ijiewuni bisan kunla ye qingiezhi gie."
12 Shui shanjisan kunlaye xili giele iredene asawo, "Loushi, bijien matugiese gouwo?"
13 Yaheiya kieliewo, "Zhao hhe shuzighala kere, hhense olon bu kere."
14 Pse niezhan buduilaye asawo, "Bijien matugiese gou wo?" Yaheiya kieliewo, "Kunlani ayighazhi baer bu kere. Kunlai hu bu zha. Tande ogisan gunzi kuzho gie."
15 Hhe shihoude kunla man Mexihani panjizho. Ingiese kunla zhughedene sumulazhi Yaheiyashi Mexiha wo giezho.
16 Yaheiya hhelade kieliewo, "Bi usughala tai xili gieghazhoma, mase khuina irechen kun mase nenli fugie wo. Bi hhende mahei deizi andaghaseye pei dane. Hhe Shenlin, khanghala tai xili gieghane.
17 Hhe khadene baqi bareizhi tughonni boudeii baqiliezhi agidene cankude zhonlone. Arasunlai ulie xinieku khande teine."
18 Yaheiya pse olon kielienghala kunlade gouxioxini jianjizhi kieliewo.
19 Melieshida Hherode on jiune bierei Xilojini agiwo. Hhe melieshidase huaishi olon giewo. Yaheiya hheni kheilasenu
20 pse nie huaishi giezhi Yaheiyani bafanzide khawo.
Ersa Xilini Jienliezho
(Mat 3:13-17; Mak 1:9-11)
21 Yaheiya kunlai xili gieghakude Ersaiye hhantu gieghawo. Ersa onxian giekude asiman keidene
22 Shenlin hhei jiere bouzhewo. Yanzini ghoghochenyi xianli. Ingiedene asiman jierese shenqi irezhi kieliewo, "Chishi bi oresan kewon wo. Bi chade xiqi wo."
Ersani Xienrenla
(Mak 1:1-17)
23 Ersa chonji keise chabudu 30 olune.
Kunla uzhese Ersashi Yusufuni kewon wo.
Yusufushi Xilini kewon wo.
24 Xilishi Matani kewon wo.
Matashi Liwini kewon wo.
Liwishi Maijini kewon wo.
Maijishi Yanaini kewon wo.
Yanaishi Yusufuni kewon wo.
25 Yusufushi Mataqiyani kewon wo.
Mataqiyashi Yamosini kewon wo.
Yamosishi Nahunni kewon wo.
Nahunshi Isilini kewon wo.
Isilishi Nagaini kewon wo.
26 Nagaishi Mayani kewon wo.
Mayashi Mataqiyani kewon wo.
Mataqiyashi Ximeini kewon wo.
Ximeishi Yesekeni kewon wo.
Yesekeshi Yedani kewon wo.
27 Yedashi Yehananni kewon wo.
Yehananshi Lisani kewon wo.
Lisashi Solobaboni kewon wo.
Solobaboshi Salaqieni kewon wo.
Salaqieshi Nilini kewon wo.
28 Nilishi Maijini kewon wo.
Maijishi Yajini kewon wo.
Yajishi Gesanni kewon wo.
Gesanshi Imodanni kewon wo.
Imodanshi Erni kewon wo.
29 Ershi Yeshuyani kewon wo.
Yeshuyashi Iliixieni kewon wo.
Iliixieshi Yelinni kewon wo.
Yelinshi Matani kewon wo.
Matashi Liwini kewon wo.
30 Liwishi Ximienni kewon wo.
Ximienshi Yudani kewon wo.
Yudashi Yusufuni kewon wo.
Yusufushi Yenanni kewon wo.
Yenanshi Iliyajinni kewon wo.
31 Iliyajinshi Miliyani kewon wo.
Miliyashi Mainanni kewon wo.
Mainanshi Madatani kewon wo.
Madatashi Nadanni kewon wo.
Nadanshi Dawudeni kewon wo.
32 Dawudeshi Yexini kewon wo.
Yexishi Ebeideni kewon wo.
Ebeideshi Boasini kewon wo.
Boasishi Samenni kewon wo.
Samenshi Nashunni kewon wo.
33 Nashunshi Yaminadani kewon wo.
Yaminadashi Yaminni kewon wo.
Yaminshi Yanini kewon wo.
Yanishi Xisilunni kewon wo.
Xisilunshi Falesini kewon wo.
Falesishi Yudani kewon wo.
34 Yudashi Yagebuni kewon wo.
Yagebushi Isagheini kewon wo.
Isagheishi Iburaheimuni kewon wo.
Iburaheimushi Talani kewon wo.
Talashi Naheni kewon wo.
35 Naheshi Xiluni kewon wo.
Xilushi Lawuni kewon wo.
Lawushi Faleni kewon wo.
Faleshi Iboni kewon wo.
Iboshi Shalani kewon wo.
36 Shalashi Gainanni kewon wo.
Gainanshi Yafasani kewon wo.
Yafasashi Shemuni kewon wo.
Shemushi Nuhhani kewon wo.
Nuhhashi Lamaini kewon wo.
37 Lamaishi Matusalani kewon wo.
Matusalashi Idileisini kewon wo.
Idileisishi Yareni kewon wo.
Yareshi Malelieni kewon wo.
Malelieshi Gainanni kewon wo.
38 Gainanshi Inoshini kewon wo.
Inoshishi Saiteni kewon wo.
Saiteshi Adanni kewon wo.
Adanshi Hudai kewon wo.