12
Abâmi bàhimagwa ebuzûka-zûba bwa Yordani
1 Alaga abâmi bene Israheli bàhimaga, banayûbaka omu cihugo câbo olunda lw’ebuzûka-zûba lwa Yordani, kurhenga oku mugezi gw’Arnoni kuhika oku ntondo ya Hermoni, n’okurhôla Araba yêshi olunda lw’e buzûka zûba lwa Yordani:
2 Sihoni, mwâmi wa banya-Moreni, ayûbakaga aha Hesboni. Obwâmi bwâge bwàli kurhenga ah’Aroweri oli oku burhambi bw’omugezi gw’Arnoni, n’omu karhî k’Arnoni, n’omu karhî k’akabanda, ecihimbi ca Galadi kuhika oku mugezi gwa Yaboki, lubibi na bene Amoni:
3 omu Araba, kuhika eburhambi bw’e buzûka-zûba bw’enyanja ya Kinereti, kuhika oku burhambi bw’e buzûka-zûba bw’enyanja y’Araba, enyanja y’Omunyu, olunda lwa Bet-ha-Yeshimoti; n’olunda lw’e mukondwè omu marhambi g’entondo ya Pisga.
4 Kandi ecihugo ca Ogu, mwâmi w’e Bashani, ali muguma omu Barefayimi babaga aha Ashtaroti n’aha Edreyi.
5 Obwâmi bwâge bwàli kurhenga oku ntondo ya Hermoni, kujà oku Salka kuhika oku lubibi lw’Abanya-Geshuri n’Abanya-Maakati, kandi oku cindi cihimbi ca Galadi, kuhika oku cihugo ca Sihoni, mwâmi w’e Hesboni.
6 Mûsa, omurhumisi wa Nyakasane na bene Israheli ba nacihima abo bâmi. Mûsa, omurhumisi wa Nyakasane, ahima eco cihugo câbo, acihà bene Rubeni na bene Gadi n’ecihimbi ciguma c’omulala gwa Menashè.
Abâmi bahimagwa ebuzika-zûba bwa Yordani
7 Alaga abâmi Yozwè na bene Israheli bahimaga olunda lw’e buzika-zûba lwa Yordani, kurhenga aha Baal-Gadi omu kabanda ka Libano kuhika oku ntondo mpalanguzè eri olunda lwa Seyiri. Yozwè eco cihugo anacicigabira bene Israheli nk’oku emilala yâbo yanali egabanyikîne:
8 omu ntondo n’omu cihugo c’ekabanda, n’omw’irungu, n’omu Nêgebu: ecihugo c’Abahititi, ec’Abamori, ec’Abanyakanâni, ec’Abaperezi, ec’Abahiviti n’ec’Abayebuseni: baligi:
9 Omwâmi w’e Yeriko, muguma; omwâmi w’e Ayi hôfi na Beteli, muguma;
10 omwâmi w’e Yeruzalemu, muguma; omwâmi w’e Hebroni, muguma;
11 omwâmi w’e Yarmuti, muguma; omwâmi w’e Lakishi, muguma;
12 omwâmi we Egloni, muguma; omwâmi w’e Gezeri, muguma;
13 omwâmi w’e Debiri, muguma; omwâmi w’e Gederi, muguma;
14 omwâmi w’e Horma, muguma; omwâmi w’e Aradi, muguma;
15 omwâmi w’e Libna, muguma;
16 omwâmi w’e Odulami, muguma; omwâmi w’e Makeda, muguma; omwâmi w’e Beteli, muguma;
17 omwâmi w’e Tapuaha, muguma; omwâmi w’e Heferi, muguma;
18 omwâmi w’e Apeki, omu Sharoni, muguma; omwâmi w’e Madoni, muguma;
19 omwâmi w’e Hasori, muguma;
20 omwâmi w’e Shimroni-Meroni, muguma; omwâmi w’e Akishafa, muguma;
21 omwâmi w’e Tanaki, muguma; omwâmi w’e Megido, muguma; omwâmi w’e Kedeshi, muguma;
22 omwâmi w’e Yokeneyami, omu Karmeli, muguma;
23 omwâmi w’e Dori, omu nyanya, muguma; omwâmi w’abanya-Galileya, muguma;
24 omwâmi w’e Tirsa, muguma. Boshi bahika omu bâmi makumi asharhu na muguma.