2
Abâna ba Yûda mugala wa Yakôbo
1 Aga go mazîno g’abâna ba Yakôbo, ye naligi Israheli obwo: Rubeni, Simoni, Levi, Yûda, Isakari, Zabuloni,
2 Dani, Yozefu, Benyamini, Nefutali, Gadi na Aseri.
3 Yûda àburha bâna basharhu kuli mukâge w’omunya-Kanâni, mwâli wa Shuwa. Bo: Eri, Onani na Shela. Eri yo yali nfula, agayisa Nyakasane bwenêne kwarhuma amuyîrha.
4 Buzinda bwenêne, Yûda ashubiburha bâna babirhi kuli nwâli-kazi wâge Tamara, bo Peresi na Zera. Kwo kuderha oku abusire bagala barhanu.
5 Bagala ba Peresi, bo: Hesroni na Hamuli.
6 Bagala ba Zera, bo: Zimri, Etani, Hemani, Kalkoli na Dara. Boshi bâna barhanu.
7 Mugala wa Karmi ye Akari, ye walêrhaga obuhanya omu Israheli erhi acîfulikira ecigabi c’eminyago y’oku matabâro càligoshôlirwe Nyamuzinda.
8 Mugala wa Etani ye Azariya.
Ecisiki ca Daudi
9 Bagala ba Hesroni, bo: Yerameyeli, Ramu, Kelubayi.
10 Ramu aburha Abinadabu, Aminadabu anaciburha Nashoni, ye murhambo w’omulala gwa Yûda.
11 Nashoni anaciburha Salma, naye Salma aburha Boozi.
12 Boozi anaciburha Obedi, naye Obedi aburha Yese.
13 Yese aburha Eliyabu, lwo lubere lwâge, owa kabirhi Abinadabu, Shimeya wa kasharhu,
14 Netaneyeli wa kani,
15 Radayi wa karhanu, owa kali ndarhu Osema, na Daudi wa kali nda.
16 Bâli bâbo bo Seruya na Abigayili. Abâna ba Seruya: Abisayi, Yowabu na Asaheli, boshi bantu basharhu.
17 Abigayili anaciburha Amasa, îshe ye wali Yeteri w’e Ismaheli.
Kalebu
18 Kalebu, muguma wa Hesroni, abusire bâna bâni kuli mukâge Azuba: munyere muguma, ye Yeriyoti, na barhabana basharhu, Yesheri, Shobabu na Ardoni.
19 Erhi Azuba afà, Kalebu arhôla omukazi ye Efrata, amuburhira omugala Huri.
20 Huri anaciburha Uri, na Uri aburha Besaleli.
21 Hesroni erhi ajira myâka makumi gali ndarhu abusirwe, ayanka omunyere, mwâli wa Makiri, îshe wa Galadi, amuburhira omugala Segubu.
22 Segubu naye anaciburha Yairi, ye warhegekaga bishagala makumi abirhi na bisharhu by’ecihugo c’e Gadi.
23 Ci kwône abâmi b’e Geshuri n’e Aramu banyaga ebishagala bya Yairi, haguma n’ecishagala ca Kenati n’ebindi bishagala by’eburhambi, byoshi haguma mirhundu makumi gali ndarhu. Ababiyûbakagamwo boshi bâli b’oku bûko bwa Makiri, îshe wa Gadi.
24 Erhi Hesroni àfà, àligwêrhe omukazi ye Abiya, Kalebu ashubiyanka Efrata, amuburhira omugala ye Ashuru, ye Cûbaka w’e Tekowa.
Yerameli
25 Yerameli, lubere lwa Hesroni, naye aburha abàge bâna: Ramu lwo lubere lwâge, ahirakwo Buna, na Oreni, Osemu, Ahiya.
26 Yerameli arhôla omukazi wa kabirhi, izîno lyâge ye Atara, ye wali nnina wa Onamu.
27 Bagala ba Ramu lubere lwa Yerameli, bo: Maasi, Yamini na Ekeri;
28 Bagala ba Onamu, bo: Shamayi na Yada. Bagala ba Shamayi, bo: Nadabu na Abishuru.
29 Mukà Abishuru ye wali Abihayili. Amuburhira Abani na Molidi.
30 Bagala ha Nadabu, bo: Seledi na Efrayimu. Seledi afà buzira mwâna.
31 Mugala wa Efrayimu ye wali Yisheyi. Mugala Yisheyi ye wali Sheshani. Mugala wa Sheshani ye wali Ahalayi.
32 Bagala ba Yada, mulumuna wa Shamayi, bo: Yeteri na Yônatani. Yeteri afà buzira mwâna.
33 Bagala ba Yônatani, bo: Peleti na Zaza. Abo bo bâli bâna ba Yerameeli.
34 Sheshani arhaburhaga mwâna-rhabana, ci banyere bônene. Agwêrhe mujà muguma warhengaga e Mîsiri, izîno lyâge Yara.
35 Lêro Sheshani anacihà oyo mujà Yara omwâli mpu abè mukâge. Amuburhira Atayi.
36 Atayi anaciburha Natani; Natani aburha Zabadi.
37 Zabadi anaciburha Eflali; Eflali aburha Obedi.
38 Obedi aburha Yehu, Yehu anaciburha Azariya;
39 Azariya aburha Helesi; Helesi anaciburha Eleyasa;
40 Eleyasa aburha Sismayi; Sismayi anaciburha Shalumu;
41 Shalumu aburha Yekamiya; Yekamiya aburha Elishamaʿ.
Abandi bagala ba Kalebu
42 Abâna ba Kalebu, mwene wâbo Yerameli: omurhanzi ye Mesha, y’îshe wa Zifu. Naye aburha owâge mwâna ye Maresha, naye ye wali îshe wa Hebroni.
43 Bagala ba Hebroni, bo: Kora, Tapuwa, Rekemi na Shema.
44 Shema aburha Rahamu, naye Rahamu aburha Yorkowamu. Rekemi anaciburha Shamayi,
45 Shamayi aburha Maoni, na Maoni aburha Bet-Suri.
46 Kalebu àgwêrhe mukâge wa kabirhi, ye Efa. amuburhira Harani, Mosa na Gazezi.
47 Bagala ba Yohdayi, bo: Regemu, Yotamu, Geshani, Peleti, Efa na Shaafu.
48 Kalebu ayanka owundi mukazi, ye Maaka, amuburhira Sheberi na Tirhana.
49 Buzinda kandi ashubiburha omugala Shaafu, naye ye îshe wa Madmanaa Sheva, naye Sheva ye îshe wa Makbena na Gibeya. Kandi Kalebu abusire omwânanyere, izîno Iyâge ye Aksa.
50 Abo bo bâna ba Kalebu.
Huri
Huri, lubere lwa mukâge Efrata, abusire bâna basharhu: Shobali, owarhondêraga Kiriyati-Yearimu,
51 Salma naye arhondêra Betelehemu, na Harefu arhondêra Bet-Gaderi.
52 Shobali warhondêraga Kiriyati-Yearimu abusire abâna: abayûbakaga e Harowe n’ecihimbi c’ab’e Menuhoti.
53 n’amûko g’e Kiriyati-Yearimu, bo baligi Bayitri, Bashuma n’Abamishra bo bayûbasire ebishagala by’e Sora n’eby’e Eshtaoli.
54 Abâna ba Salma: bo bantu b’e Betelehemu, b’e Netofa, b’e Atroti- Bet-Yowabu, n’ecihimbi c’ab’e Manahati, ab’e Sora,
55 n’amûko g’abandisi b’e Yabesi, bo baligi Batireya, Bashimeya, Basuka. Abo baligi Bakeniti, nkomôka ya kuli Hamati, shakulûza w’omulala gw’Abarekabu.