ಅಪೊಸ್ತಲರ ಕೃತ್ಯಗಳು
ಅಪೊಸ್ತಲೊ ಕರಲ ಕಾಮೊ
ವಳಕ
ಅಪೊಸ್ತಲ ಕೃತ್ಯನು ಪುಸ್ತಕ ಸಭೆ ಕಿಮ್ಮ ಶುರು ಥಯು ವರಿ ಸಭೆ ಕಿಮ ಯೆರುಸಲೆಮ, ಯುದಾಯ, ಸಮಾರ್ಯಾ, ವರಿ ತಿನಾ ಆಜು಼ ಬಾಜು಼ಮಾ ಫೈಲಿಸ ಕವಾನು ಕ್ಹರಿ ರ‍್ಹಯಲ ಕಾನಿನಾ ಹುತಿ ಇಮಾ ಬರ್ದಲ ಛೆ. ಯೆಸು ಪರಲೊಕೆ ಜಾ಼ವಾತಿ ಅಗ್ದುರ ಕದಲ ತರಿಕಾಮಾ 1.8 ಎ ಪುಸ್ತಕ ಲುಕಾ ಬರ್ದ್ಯೊಸ. ವರಿ ಲುಕಾನಿ ಸುವಾರ್ತೆ ಪುಸ್ತಕಬಿ ಬರ್ದ್ಯೊಸ. ಎ ಡಾಕ್ಟರ ವ್ಹತ್ತೊ. ವರಿ ಘನ್ನಿ ಹುಶಾರಕಿ ಕ್ಹು ದಾಖಲೆ ಕರೆಟ್ಟ ಕರಿನೆ ದಿದ್ಯೊಸ. ಲುಕಾನಾ ಎ ಬೆ ಪುಸ್ತಕೊ ರ‍್ಹಯಲ ಲಿಂಗತ ಅಪೊಸ್ತಲ ಕೃತ್ಯ ವರಿ ಲುಕಾನಿ ಸುವಾರ್ತೆ ಗ್ರಿಕವಾಲೊ ರ‍್ಹಯಲ ಥಿಯೊಫಿಲನ "ಕವಾನು ಬರ್ದ್ಯೊಸ. ವಿಸ್ವಾಸಿಯೊನೆ ಉದ್ದೆಶ ಕರಿನ ಬರ್ದ್ಯೊಸ. 1:1 ಯೆಸು ಕ್ರಿಸ್ತತ ಹುಟ್ಟಲ ಕಮ್ಸಿ ಕಮ್ಮ 60-64 ವರಕ್ಹ ಥಯಲ್ಪರ ಬರ್ದಲ ಛೆ. ಪೌಲ ಜೆಲಮಾತೊ ಬಿಡುಗಡೆ ಥಾವಾನಿ ವಿಶಯ ಧರಿನ ಖಲಾಸ ಥಾವಸ. ಕಾಕದ್ಯಾಮ ಪೌಲಾನೆ ಜೆಲ್ಮಾತಾ ಛೊಡಲ್ಪರ ಅಂತ್ಯ ಥಯುಸ. ಲುಕಾಬಿ ಪೌಲಾನಾ ಕ್ಹಾತೆ ಪ್ರಯಾಣ ಕರ‍್ಯೊಸ. ಎ ಅಪೊಸ್ತಲ ಕೃತ್ಯ ಪುಸ್ತಕ ಅಂತ್ಯಯೊಕ್ಯ ಗಾಮ್ಮಾ ಬರ್ದ್ಯೊಸ. ಅಪೊಸ್ತಲ ಪುಸ್ತಕ, ಲುಕಾ ಬರ್ದಲ ಸುವಾರ್ತೆ ಅಗು ಬಡಲ ಪುಸ್ತಕ ವ್ಹೈ. ಕಾಕದ್ಯಾಮ ಎ ಪುಸ್ತಕ ಯೆಸು ಪರಲೊಕೆ ಜಾ಼ವಾನಿಯೊ ಸಂಗತಿಯೊ ಶುರು ಥಯುಸ. ಲುಕಾ ಬರ್ದಲ ಎ ಪುಸ್ತಕನು ಉದ್ದೆಶ ಬರ್ದಲ ಲುಕ ಸುವಾರ್ತೆನು ಉದ್ದೆಶ ಯಕ್ಕಜ಼ ವ್ಹೈ. ತೆ ಥಿಯೊಫಿಲನೆ ವರಿ ಆಗಾ ಬಡ್ತಾ ರ‍್ಹಯಲ ವಿಸ್ವಾಸಿಯೊನೆ ಬಲಾಯಲ ಹುತಿ ವರಿ ಯೆಸುನು ಜಿವನ ವರಿ ಕ್ರೈಸ್ತತ್ವ ಕಿಮ ಫೈಲ್ಯು ಕೈನ ಕವಾನಾ ಹುತಿ ಶಿಕ್ಲಾವಾನಾ ಹುತಿ ಬರ್ದ್ಯೊಸ. ಅಪೊಸ್ತಲೊ ಕೃತ್ಯ ಪುಸ್ತಕ ಪೈಲಾನಿ ಸಭೆನೆ ಉದಾಹರಣೆ ದಿವಸ. ವರಿ ಕೈ ತರಾಮಾ ಯೆಸುಪರ ಬರೊಕ್ಹೊ ಮ್ಹೆಲ್ಯಾ ಕಿಮ ರ‍್ಹೌ ಕವಾನು ದೆಕಾಡಿನ ದಿವಸ. ಸುವಾರ್ತೆನು ಸಂದೆಶ ಬಿಜಾ಼ವೊನೆ ಪವಿತ್ರ ಆತ್ಮಾಪರ ಅವಲಂಬನೆ ಥೈನ ಸುವಾರ್ತೆ ಕಿಮ ಫೈಲ್ಯು ಕೈನ ದೆಕಾಡಿನ ದಿವಸ.
ಅಪೊಸ್ತಲ ಕೃತ್ಯ ಪುಸ್ತಕ ಸಭೆ ಕಿಮ್ಮ ಶುರು ಥಯು ವರಿ ಸಭೆ ಕೈ ತರಾಮಾ ಯೆರುಸೆಲಿಮತಿ ಯುದಾಯ, ಸಮಾರ್ಯಾ, ವರಿ ತಿನಾ ಆಜು಼ ಬಾಜು಼ಮಾ ಫೈಲಿಸ ಕವಾನು ಕ್ಹರಿ ರ‍್ಹಯಲ ಕಾನಿನಾ ಹುತಿ ಇಮಾ ಬರ್ದಲ ಛೆ. ಯೆಸು ಪರಲೊಕೆ ಜಾ಼ವಾತಿ ಅಗ್ದುರ ಕದಲ ತರಿಕಾಮಾ 1:8 ಎ ಪುಸ್ತಕ ಲುಕಾ ಬರ್ದ್ಯೊಸ. ವರಿ ಲುಕಾನಿ ಸುವಾರ್ತೆ ಪುಸ್ತಕಬಿ ಬರ್ದ್ಯೊಸ. ಎ ಡಾಕ್ಟರ ವ್ಹತ್ತೊ. ವರಿ ಘನ್ನಿ ಹುಶಾರಕಿ ಕ್ಹು ದಾಖಲೆ ಕರೆಟ್ಟ ಕರಿನೆ ದಿದ್ಯೊಸ. ಲುಕಾನಾ ಎ ಬೆ ಪುಸ್ತಕೊ ರ‍್ಹಯಲಲಿಂಗತ ಅಪೊಸ್ತಲ ಕೃತ್ಯ ವರಿ ಲುಕನಿ ಸುವಾರ್ತೆ ಗ್ರಿಕವಾಲೊ ರ‍್ಹಯಲ ಥಿಯೊಫಿಲನ "ಕವಾನು ಬರ್ದ್ಯೊಸ. ವಿಸ್ವಾಸಿಯೊನೆ ಉದ್ದೆಶ ಕರಿನ ಬರ್ದ್ಯೊಸ. 1:1 ಯೆಸು ಕ್ರಿಸ್ತತ ಹುಟ್ಟಲ ಕಮ್ಸಿ ಕಮ್ಮ 60-64 ವರಕ್ಹ ಥಯಲ್ಪರ ಬರ್ದಲ ಛೆ. ಪೌಲ ಜೆಲಮಾತೊ ಬಿಡುಗಡೆ ಥಾವಾನಿ ವಿಶಯ ಧರಿನ ಖಲಾಸ ಥಾವಸ. ಕಾಕದ್ಯಾಮ ಪೌಲಾನೆ ಜೆಲ್ಮಾತಾ ಛೊಡಲ್ಪರ ಅಂತ್ಯ ಥಯುಸ. ಲುಕಾಬಿ ಪೌಲಾನಾ ಕ್ಹಾತೆ ಪ್ರಯಾಣ ಕರ‍್ಯೊಸ. ಎ ಅಪೊಸ್ತಲ ಕೃತ್ಯ ಪುಸ್ತಕ ಅಂತ್ಯಯೊಕ್ಯ ಗಾಮ್ಮಾ ಬರ್ದ್ಯೊಸ. ಅಪೊಸ್ತಲ ಪುಸ್ತಕ, ಲುಕಾ ಬರ್ದಲ ಸುವಾರ್ತೆ ಅಗು ಬಡಲ ಪುಸ್ತಕ ವ್ಹೈ. ಕಾಕದ್ಯಾಮ ಎ ಪುಸ್ತಕ ಯೆಸು ಪರಲೊಕೆ ಜಾ಼ವಾನಿಯೊ ಸಂಗತಿಯೊ ಶುರು ಥಯುಸ. ಲುಕಾ ಬರ್ದಲ ಎ ಪುಸ್ತಕನು ಉದ್ದೆಶ ಬರ್ದಲ ಲುಕ ಸುವಾರ್ತೆನು ಉದ್ದೆಶ ಯಕ್ಕಜ಼ ವ್ಹೈ. ತೆ ಥಿಯೊಫಿಲನೆ ವರಿ ಬೆಳತ್ತಾ ರ‍್ಹಯಲ ವಿಸ್ವಾಸಿಯೊನೆ ಬಲಾಯಲ ಹುತಿ ವರಿ ಯೆಸುನು ಜಿವನ ವರಿ ಕ್ರೈಸ್ತತ್ವ ಕಿಮ ಫೈಲ್ಯು ಕವಾನು ಕವಾನಾ ಹುತಿ ಶಿಕ್ಲಾವಾನಾ ಹುತಿ ಬರ್ದ್ಯೊಸ. ಅಪೊಸ್ತಲೊ ಕೃತ್ಯ ಪುಸ್ತಕ ಪೈಲಾನಿ ಸಭೆನೆ ಉದಾಹರಣೆ ದಿವಸ. ವರಿ ಕೈ ತರಾಮಾ ಯೆಸುಪರ ಬರೊಕ್ಹೊ ಮ್ಹೆಲ್ಯಾ ಕಿಮ ರ‍್ಹೌ ಕವಾನು ದೆಕಾಡಿನ ದಿವಸ. ಸುವಾರ್ತೆನು ಸಂದೆಶ ಬಿಜಾ಼ವೊನೆ ಪವಿತ್ರ ಆತ್ಮಾಪರ ಅವಲಂಬನೆ ಥೈನ ಸುವಾರ್ತೆ ಕಿಮ ಫೈಲಾಯಾ ಕೈನ ದೆಕಾಡಿನ ದಿವಸ.
ಪಿಠಿಕೆ
1) ಪೈಲಾ ಪವಿತ್ರ ಆತ್ಮಾ ಶಿಶ್ಶಾವೊಪರ ಆವಸ ವರಿ ಬೆಳವಣಿಗೆ ಥಾವಸ 1:1-8
2) ಪಾಚಾ಼ತು ಸಭೆನೆ ತ್ರಾಸ ಕರಸ ವರಿ ಯೆರುಸಲೆಮ್ನಾ ಆಜು಼ ಬಾಜು಼ಮಾ ಶುರು ಥಾವಸ 8:2; 12:23
3) ಪಾಚಲ್ತೊ ಪೌಲಾ ಪಸ್ಟಲಿ ಸೆವೆನಾ ಹುತಿ ಪ್ರಯಾಣಕರಾನಾ ಹುತಿ ಜಾ಼ವಸ 12:24—14:28
4) ಯೆರೊಸಲಿಮಾ ಮಳಿನ ನವಾ ವಿಸ್ವಾಸಿಯೊನೆ ಸು ಜ಼ರುರತ್ತ ಛೆ ಕೈನ ನಿರ್ಧಾರ ಕರ‍್ಯಾ 15:1-35
5) ಪಾಚಲ್ತೊ ಪೌಲಾ ಬೆವಾ ಸೆವೆನಾ ಹುತಿ ಪ್ರಯಾಣ ಕರಸ 15:36—18:22
6) ಪಾಚಲ್ತೊ ಪೌಲಾ ತನ್ವಾ ಮಿಶನರಿನೆ ಪ್ರಯಾಣ ಕರಸ 18:23—20:38
7) ಪಾಚಲ್ತೊ ಪೌಲಾ ಯೆರುಸಲಿಮಮಾ ಬಂದಿ ಥಯೊ 21—26
8) ಲಾಸ್ಟಮಾ ಪೌಲಾನೆ ರೊಮನೆ ಮೊಕ್ಲಿಪಾಡಸ 27—28
1
1 ಮಯಾನಾ ಥೆಯೊಫಿಲ, ಯೆಸು ಕರಲ ಕಾಮೊನಾ ಹುತಿ ವರಿ ದಿದಲ ಬೊಧನೆನಾ ಹುತಿ ಹರಿಯಕ್ಕ ಮಿ ಮಾರಾ ಪೈಲಾನಾ ಬುಕ್ಮಾ ಬರ್ದ್ಯೊಸ.
2 ಮಿ ಯೆಸುನಾ ಪುರಾ ಜಿವ್ನಾನಾ ಹುತಿ ಕದ್ಯಾಮ ತೆ ಸ್ವರ್ಗನೆ ಗಯೆ ಲಕ್ಕಾ ಥಯಲ ಕ್ಹಾರಿ ಸಂಗತಿಯೊ ಬರ್ದ್ಯೊ. ಯೆಸು ಸ್ವರ್ಗನೆ ಜಾ಼ವಾತಿ ಪೈಲಾ, ತೆ ಇನಿಲಿದಲ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ; ತ್ಯುನೆ ಸು ಕಾಮ ಕರಾನು ಹೊತ್ತು ಪವಿತ್ರ ಆತ್ಮಾನಿ ಮದತಕ್ಹು ತ್ಯುನೊನೆ ತಿಳಶ್ಯೊ.
3 ಎ ತಿನಿ ಮೌತ ಥಯಲ್ಪರ ಥಯಲ ಸಂಗತಿಯೊ ವ್ಹೈ. ತೆ ಜಿವ್ತೊ ರ‍್ಹಯಲ ತೆ ಅಪೊಸ್ತಲೊನೆ ದೆಕಾಡಿನ ದಿದ್ಯೊ ವರಿ ತಿನಿ ತಾಕತಕ್ಹು ಘನ್ನಾ ಅದ್ಭುತ ಕಾಮೊ ಕರಾಕ್ಹು ತೆ ದೆಕಾಡಿನ ದಿದ್ಯೊ. ಯೆಸು ಜಿವ್ತೊ ಥೈನ ಉಟಿನ ಆಯಲ್ಪರ ಚಾ಼ಳಕ್ಹ ದಿನ್ನ ಲಕ್ಕಾ ಅಪೊಸ್ತಲೊ ತಿನೆ ಘನ್ನಿ ಸಲಾ ದೆಕ್ಯಾ. ಯೆಸು ಕ್ಹುದಾನಾ ರಾಜ್ಯನಾ ಹುತಿ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ.
4 ಯಕ್ಕ ಸಲಾ, ಯೆಸು ತ್ಯುನಾ ಕ್ಹಾತೆ ಅನ್ನ ಖಾತಾಮ, ಯೆರುಸಲೆಮ ಛೊಡಿನ ಜೌ಼ ನೈ ಕೈನ ತ್ಯುನೊನೆ ಕದ್ಯೊ" ಬಾ ತುಮೊನೆ ಯಕ್ಕ ವಾಗ್ದಾನ ಕರ‍್ಯೊಸ. ಮಿ ಪೈಲಾಜ಼ ತಿನಾ ಹುತಿ ತುಮೊನೆ ತಿಳ್ಸಾಯೊಸ. ಎ ವಾಗ್ದಾನನು ವರ್ದಾನ ಲಿವಾನಾ ಹುತಿ ಯೆರುಸಲೆಮಮಾ ಕೈದತ್ತಾ ರ‍್ಹವೊ.
5 ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ಹಜು಼ನ ದಕ್ಹಾ ದಿನೊಮಾ ತುಮೊನೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಥಾವಸ" ಕದ್ಯೊ.
6 ಅಪೊಸ್ತಲೊ ಕ್ಹಾರಾ ಮಳ್ತಾಮಾ, ತ್ಯುನೆ ಯೆಸುನೆ"ಪ್ರಭು, ತು ಇಸ್ರಾಲಯನಾ ಮನಕ್ಹೊನೆ ತ್ಯುನಿ ರಾಜ್ಯ ಫರಿನ ದಿವಾನು ಎಜ಼ ಟೈಮಮಾ ವ್ಹೈಸು? ಕೈನ ಪುಚ಼್ತಾಮಾ.
7 ಯೆಸು ತ್ಯುನೊನೆ, ಕೆಳೆ ಕಿನೆ ಸು ದ್ಯು ಕಯಾ ಟೈಮಮಾ ದ್ಯು ಕವಾನಾ ಅದಿಕಾರ ರ‍್ಹಯಲ ಬಾನೆ ಯಕ್ಕಜ಼ ವ್ಹೈ. ತುಮೆ ತೆ ಕ್ಹಾರು ತಿಳ್ದಿಲಿವಾನೆ ನೈ ಥಾತು.
8 ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.
9 ಯೆಸು ಎ ಸಂಗತಿಯೊ ಅಪೊಸ್ತಲೊನೆ ಕದಲ್ಪರ ಅಪೊಸ್ತಲೊ ದೆಕ್ತಾ ರ‍್ಹತಾಮಾಜ಼ ಹಬಾಳ ಪರ ಯೆಸುನೆ ಉಚೈ ಲಿದ್ಯಾ. ಮ್ಹಾಡ ತಿನೆ ಜಾ಼ಕಿಪಾಡಲ ಹುತಿ ತ್ಯುನೆ ತಿನೆ ದೆಕ್ಯಾ ನೈ.
10 ಯೆಸು ಜಾ಼ತಾಮಾ ಅಪೊಸ್ತಲೊ ಹಬಾಳನೆಜ಼ ದೆಕ್ತಾ ಹುಬ್ರಯಾತಾ. ತೆಳಾಮಾ, ಧೊಳಾ ವಣ್ಣಾ ಘಾಲ್ಲಿದಲ ಬೆ ಜ಼ನಾ ದಾಣ್ಗಾ ತ್ಯುನಾಕ್ಹು ತ್ಯುನೆ ತಿನಾ ಬಾಜು಼ಮಾ ಹುಬ್ರೈನ,
ಯುದನಿ ಜ಼ಗಾ ವರಿ ಯಕ್ಲೊ
11 "ಗಲಿಲಾಯವಾಲಾ ಕಾ ಹಬಾಳನೆಜ಼ ದೆಕ್ತಾ ಹುಬ್ರಯಾಸ? ಯೆಸು ತುಮಾರಾ ಡೊಳಾವೊನಾ ಕ್ಹಾಮೊ ಸ್ವರ್ಗನೆ ಕಿಮ್ಮ ಗಯೊ ತಿನಾ ಲಿಂಗತಜ಼ ವಾಪಸ ಆವಸ" ಕೈನ ಕದ್ಯಾ.
12 ಪಾಚಾ಼ತಾ ಅಪೊಸ್ತಲೊ ಆಲಿವ ಝಾಡೊನಾ ಡೊಂಗರತಾ ಯೆರುಸಲೆಮನೆ ವಾಪಸ ಗಯಾ.
13 ಅಪೊಸ್ತಲೊ ಗಾಮಮಾ ಐನ ತ್ಯುನೆ ರ‍್ಹಯಲ ಜ಼ಗಾಯೆ ಗಯಾ. ತೆ ಉಪ್ಪರಲ್ಯಾ ಮಹಡಿ ಪರ ವ್ಹತ್ತು. ತೆ ಅಪೊಸ್ತಲೊ ಕುನ್ನ-ಕುನ್ನ ವ್ಹೈ ಕದ್ಯಾಮ; ಪೆತ್ರಾ, ಯೊಹಾನ, ಯಾಕೊಬ, ಅಂದ್ರೆಯ, ಫಿಲಿಪ್ಪ, ತೊಮ, ಬಾರತೊಲೊಮಾಯ, ಮತ್ತಾಯ, ಯಾಕೊಬ (ಅಲ್ಫಾಯನೊ ದಿಕ್ರೊ) ದೆಶನೊ ಮಯಾ ಥಯಲ ಸಿಮೊನ ವರಿ ಯಾಕೊಬ್ನೊ ದಿಕ್ರೊ ಯುದ.
14 ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ.
15 ದಕ್ಹಾ ದಿನ್ನ ಥಯಲ್ಪರ ವಿಸ್ವಾಸಿಮಾ ಭಾಯೊ ಥಯಲ ಸಭೆ ಥೈನ ಮಳ್ಯಾತಾ. ತ್ಯಾ ಕಮ್ಸಿ ಕಮ್ಮ ಯಕ್ಹೊನ ಇಕ್ಹ ಜ಼ನಾ ವ್ಹತ್ತಾ. ಪೆತ್ರಾ ಉಟಿನ ಹುಬ್ರೈನ ಅಮ್ಮ ಕದ್ಯೊ;
16 "ಭಾಯೊ ಭೆನೊ, ಪವಿತ್ರ ಆತ್ಮಾ ದಾವಿದನಾ ಮುಲಕ ಪವಿತ್ರ ಗ್ರಂಥಮಾ ಪೈಲಾಜ಼ ಕದಲ ಸಂಗತಿಯೊ ಪುರಾ ಥಾವಾನು ವ್ಹತ್ತು. ಅಪ್ನಾ ಸ್ವಂತ ಗುಂಪಮಾನೊ ಯುದನ ಹುತಿ ದಾವಿದ ಕದ್ಯೊಸ.
17 ಯುದ ಅಪ್ನಾ ಕ್ಹಾತೆ ಸೆವೆ ಕರ‍್ಯೊ. ಯೆಸುನೆ ಧರೆಲಕ್ಕಾ ಯುದ ವಾಟ ದೆಕಾಡಾಲೊ ಥಾವಸ ಕೈನ ಪವಿತ್ರ ಆತ್ಮಾ ತಿಳಸಾಯೊತೊ"
18 ಎ ಮೊಸನು ಕಾಮ ಕರಾನೆ ಯುದನೆ ದೊಕ್ಡಾ ದಿದ್ಯಾತಾ. ತೆ ದೊಕ್ಡಾಕ್ಹು ಯಕ್ಕ ಖೆತರ ತಿನಾಹುತಿ ಲಿದ್ಯಾ. ತೆನೈಸೊ ಯುದ ಮಾತು ಹೆಟು ಕರಿನ ಪಡಲ್ಪರ ತಿನು ಪೆಟ ಫುಟಿ ಗೈಯು. ತಿನಾ ಕ್ಹಾರಾ ಅತ್ತೊಡಾ ಭಾರಾ ಆಯಾ.
19 ಆ ಕ್ಹಾರು ಯೆರುಸಲೆಮನಾ ಕ್ಹಾರಾ ಮನಕ್ಹೊನೆ ಗ್ವತ್ತ ಥೈಯು. ತಿನಾಹುತಿ ತ್ಯುನೆ ತೆ ಖೆತರನೆ ಅಕೆಲ್ದಮಾ ಕೈನ ನಾಮ ಮ್ಹೆಲ್ಯಾ. ತ್ಯುನಾ ವಾತೊಮಾ ಅಕೆಲ್ದಮಾ ಕದ್ಯಾಮ ‘ರಗತನು ಹೊಂಡ’ ಕದಲ ಲಿಂಗತ ವ್ಹೈ.
20 ತಿನು ಘರ ಹಾಳ ಥಾವಾದೆ! ತ್ಯಾ ಕುನ್ನಜ಼ ರ‍್ಹಯಲ ನೈಸೊ ಥಾವಾದೆ. ಕಿರ್ತನೆ. 69:25 ಕೈನ ಕಿರ್ತನೆನಾ ಪುಸ್ತಕಮಾ ಯುದನಾ ಹುತಿ ಲಿಕ್ಕಲ ಛೆ ತೆನೈಸೊ ಬಿಜೆಕ್ಲೊ ತಿನು ಕಾಮ ಲಿವಾದೆ’ ಕಿರ್ತನೆ. 109:8 ಕೈನ ಬರ್ದಲ ಛೆ.
21 ತಿನಾಹುತಿ ಬಿಜೆಕ್ಲೊ ಹಮಾರಾ ಕ್ಹಾತೆ ಮಳಿನ, ಯೆಸುನು ಪುನರುತ್ಥಾನನೆ ಸಾಕ್ಷಿ ಥೌ. ಪ್ರಭು ಥಯಲ ಯೆಸು ಅಪ್ನೊಕನ ರ‍್ಹತಾಮಾ ತೆ ಅಪ್ನಾ ಗುಂಪಮಾ ರ‍್ಹಯಲ ವಾಲಾವೊಮಾನೊ ಯಕ್ಲೊ ರ‍್ಹೌ.
22 ಯೊಹಾನ ಬಾಪ್ತಿಸ್ಮ ದಿವಾನಾ ಶುರು ಕರಲ ದಿನ್ನತೊ ಧರಿನ ಯೆಸು ಅಪ್ನೊಕಂತೊ ಸ್ವರ್ಗನೆ ಗಯಲ ದಿನ್ನ ಲಕ್ಕಾ ಅಪ್ನಾ ಕ್ಹಾತೆ ರ‍್ಹಯಲವಾಲೊ ರ‍್ಹೌ"
23 ಅಪೊಸ್ತಲೊ ಬೆ ಜ಼ನಾವೊನೆ ಸಭೆನಾ ಕ್ಹಾಮಾ ಹುಬ್ರಾಡ್ಯಾ. ಯಕ್ಲೊ ಬಾರಸಬ ಕವಾಲೊ ಯೊಸೆಫ. ಅನೆ ಯುಸ್ತ ಕೈನ ಬಲಾತಾತಾ. ವರಿ ಯಕ್ಲೊ ಮತ್ತೀಯ.
24 ಮತ್ತಿಯವಾವೊನೆ ಬೆ ಜ಼ನಾವೊ ಹುಬ್ರಾಡಿನ ಪ್ರಾರ್ಥನೆ ಕರತ್ತೊ,ಕರ್ತಾ ಕ್ಹಾರಾವೊನಾ ಮನಸ್ಸ ವಳಾಕಾವಾಲೊ ಯುದ ಅಪೊಸ್ತಲ ಕವಾಲೊ ತೆ ಸೆವಾ ಜ಼ಗಾಕ್ಹು ಹಾಳ ಥೈನ ತೆ ನೈಜಾ಼ವಾನು ಜ಼ಗಾಕನ ಗಯೆಲಕ್ಹು ತೆ ಸ್ಥಾನ ಹೊಂದಾನಾಹುತಿ ತೆ ಬೆಜ಼ನಾವೊಮಾ ತು ಇನಿಲಿದಲ ದೆಕಾಡಿನ ದ್ಯುಕೈನ ಪ್ರಾರ್ಥಾನಾ ಕರ‍್ಯಾ.
25 ತೆಳಾಮಾ ತ್ಯುನೆ ಅಮ್ಮ ಪ್ರಾಥನಾ ಕರ‍್ಯಾ" ಪ್ರಭು ತು ಕ್ಹಾರಾ ಮನಕ್ಹೊನು ಮನಸ್ಸ ತಿಳ್ದಿಲಿದ್ಯೊಸ. ಎ ಕಾಮ ಕರಾನಾ ಹುತಿ ಎ ಬೆ ಜ಼ನಾವೊಮಾ ತು ಕಿನೆ ಇನಿಲಿದ್ಯೊಸ ಕವಾನು ಹಮೊನೆ ದೆಕಾಡ. ಯುದ ಎ ಕಾಮನೆ ವಿರುದ್ದ ಥೈನ ತೆ ಕಿಜಾ಼ ಜಾ಼ವಾನು ವ್ಹತ್ತು ತ್ಯಾ ಗಯೊ. ಪ್ರಭು, ತಿನಿ ಜ಼ಗಾಪರ ಅಪೊಸ್ತಲ ಕುನ್ನ ಥೌ ಕೈನ ಹಮೊನೆ ದೆಕಾಡ"
26 ಪಾಚಾ಼ತಾ ಅಪೊಸ್ತಲೊ ತ್ಯುನಾ ಬೆ ಜ಼ನಾವೊಮಾ ಇನಿಲಿವಾನೆ ಚಿಟಿ ಘಾಲ್ಯಾ. ಚಿಟಿ ಮತ್ತಿಯನೆ ಆಯಲ ಹುತಿ ಗ್ಯಾರಾ ಜ಼ನಾವೊನಾ ಕ್ಹಾತೆ ತೆಬಿ ಅಪೊಸ್ತಲ ಥಯೊ.