5
Kuriibē ꞉booyik biikaab Kiriistō nyēē karaam
Lēyyē, booyikaab biikaab Kiriistō, anii ꞉akeenke ām akweek. Kyaakas wōlēē kinyalilta ꞉Kāārārookiintēēt ānku +/mākēērōōbwoo nkanii wōōyinto kōōyyiin iyēēwu ꞉inee. O-ake kēēchiirēk choo kiikukōōnook ꞉Yēyiin. ‑Mōōriibē wuu nyēē /kākēēkērchook koong', nteenee ōnēmchinē keey kuu yoo māchē ꞉Yēyiin. ‑Mookany kutoortaak ꞉muchastaab beesaan, nteenee ocham ōyēchi Yēyiin yiisyēēt.+ ‑Mōōruruunyē biiko choo /kikēēkōōnook ōriib, nteenee ōyēyē kiyēē karaam sukukāsēēnook ꞉bichoo.+ Nto yoo kāchō ꞉Ākiintēēt nyoo wōō, +/mākēētuwēnēēnook kiy nyēē wōō nyēē wēētii ākookoy.+
Ōyibē keey ng'wēny ānkōōkiilchinē Yēyiin
Māchāktōōs akweek āybēēriik ōkoonyitē booyik. Ōyibē keey ꞉tukul ng'wēny, kuuyu mwooyē ꞉siruutēkaab Yēyiin kule, “‑Mēēriiku ꞉Yēyiin nyoo ng'āsē keey, nteenee ibēruurē nyoo yibē keey ng'wēny.”+ Yoo kōōyib keey ng'wēny ām wōlēē mii ꞉Yēyiintēētaab kāāmuukēy, mākōōtōrōōrook yoo kayit ꞉bēsyēēnyii.+ Ōbākookyi muyātēēng'woong' tukul Yēyiin, kuuyu riibook.+
Ōriib keey ānkōōkāsu! Miitē ꞉Kibrōkōsyoontēēt nyoo buunyoontēēng'woong' kuwooliinkēnootē ānkōōririiyootē kuu ng'ētuny kuchēēng'ē chii nyēē keereem kubēk.+ Ōkiilchinē ōkoosēē keey Yēyiin sookerekte buunyoontoonoo. Ōnkētē kule miitē mbo ꞉tuubchōōsyēkwook ām kōōrēēt tukul kubuntēē nyalilta nyēē wuu nyiitēnyi.+ 10 Yoo /kākiing'woonchook bēsyōōs chēē ng'ēri, mākōōtitiirook ꞉Yēyiin nyoo chāmook ānku nyoo kiikukuurchook wōōyinnyii nyēbo ākookoy ām Kiriistō sōōkiil ānkōōkimkimiitu.+ 11 Kubāytooyiis ꞉inee ākookoy. Kuwuuyiit nyooto.
Kāā-āmiisēēt
12 Āyookwook lōkōōywēchu ng'ēri kāsirwoo ꞉Siila, ng'eetaabiya nyēē ākoosēē keey. Āmāchē ātitiirook āmwoowook kule ōkiilchi chamateetaab Yēyiin nyoo bo manta nyoo māchāktōōs ōyyoong'unēē.+
13 Isubooyook ꞉biikaab Kiriistō ām Bābulōōn* choo /kikeekwey kuu akweek ānkōōsubooyook ꞉nkinee Māārkō nyoo kyaayey kuyēk wērinyuu.+ 14 Otorooch keey ꞉tukul ām chamateet.
Ōbuurtē ꞉biikaab Kiriistō tukul kaalyeet.
+ 5:2 Yoowa. 21:15-17; 1Tēm. 6:5 + 5:3 Mat. 20:25-28; 1Kōōr. 4:16; 2Kōōr. 1:24; 1Tēm. 4:12 + 5:4 1Kōōr. 9:24-25; 1Bēt. 1:4 5:5 Kāālēw. 3:34 + 5:5 Ēfēēs. 5:21; Yāāk. 4:6 + 5:6 Yāāk. 4:10 + 5:7 Tyēēn. 37:5; 55:22; Filib. 4:6 + 5:8 2Kōōr. 2:11; 1Tēēs. 5:5-8 + 5:9 Ēfēēs. 6:11-12; Yāāk. 4:7 + 5:10 2Tēēs. 2:17 + 5:12 Yēyuut. 15:22; 1Tēēs. 1:1 * 5:13 Kiiyēēlēē ꞉kaaynaani bo Bābulōōn nyoo bo Rooma. + 5:13 Yēyuut. 12:12