يِ كِتَابُي قِندِشِ بَتَاشّ سِنفٍ نَن نَ عَلَ شَ شّيرَ ثْلُ نُن عَ وَلِبٌورٍيٍ نَشَن سّبّ دَنشَنِيَتْي حَمَ مَ نَشٍيٍ نُ سَبَتِشِ تّسَلٌنِكِ.

بٍينُن عٍ شَ يِ بَتَاشّ سّبّ، ثْلُ نُن سِلِقَنُ نُ بَرَ كَوَندِ تِ تّسَلٌنِكِ. عَلَ تٌ عٍ شَ وَلِ بَرَكَ، نَا مِشِ وُيَشِ نَشَ فبِلٍن كُيٍ بَتُقٍ قْشْ رَ، عٍ دَنشَنِيَ عَلَ مَ نَشَن عَ شَ مِشِ سُفَندِشِ شّيشِ دُنِحَ رَكِسِدٍ. كْنْ ثْلُ نُن سِلِقَنُ مُ نْ بُدٍ تّسَلٌنِكِ تَا كُي، عٍ فِ كْي نَن نَ بَرِ مَ مِشِ كٌبِ ندٍيٍ نُ بَرَ حَمَ بْحّ رَتٍ عٍ شِلِ مَ. يِ قٍ بِرِن تَفِ رَبَشِ عِسَ شَ شّيرَيٍ شَ تَرُشُي كِتَابُي كُي، سٌرَ ١٧.

ثْلُ نُن سِلِقَنُ تٌ عَتّن لِ، عٍ نَشَ كْنتْقِلِ تّسَلٌنِكِ دَنشَنِيَتْييٍ بّ بَرِ مَ عٍ مُ نُ عَ كٌلٌن شَ عٍ شَ دَنشَنِيَ سَبَتِشِ. نَ كُي، عٍ نَشَ تِمٌتٍ شّي عَلَكٌ عَ شَ تّسَلٌنِكِ دَنشَنِيَتْييٍ حَنِفٍ كٌلٌن، عَ شَ عٍ رَلِمَنِيَ عٍ شَ دَنشَنِيَ كُي. تِمٌتٍ تٌ فبِلٍن، عَ نَشَ دّنتّفّ سَ ثْلُ نُن سِلِقَنُ بّ. عَلَ شَشِلِ سّنِيّنشِ نَشَ مَسٍنيِ قِ عٍ مَ تّسَلٌنِكِكَيٍ بّ، عٍ نَشَ يِ بَتَاشّ سّبّ.

يِ كِتَابُي تِدٍ تٌ بَرَ مِنِ تّسَلٌنِكِ دَنشَنِيَتْييٍ بّ، عَ لْننِ قِ عٍ مَ، عَ عٍ رَلِمَنِيَ، عَ تِدٍ نَ وٌن قَن بّ. عَ عَ مَسٍنمَ وٌن بّ عَ عَلَ وٌن شِلِشِ نّ وٌن شَ وٌن حّرّ سّنِيّنيِ كُي، وٌن شَ فبِلٍن سّنِيّنتَرٍحَ قْشْ رَ. عَ مَن عَ مَسٍنمَ عَ وَلِ تِدٍ فبٌ دَنشَنِيَتْي بّ. عَ لَنمَ وٌن شَ بَلٌ وٌن يِلٍنقُرٍ نَن نَ. يِ كِتَابُي مَن لِمَنِيَ قِمَ وٌن مَ بَرِ مَ عَ عَ مَسٍنمَ وٌن بّ عَ عَلَ شَ مِشِ سُفَندِشِ عِسَ قَمَ نّ عَ شَ دَنشَنِيَتْييٍ قْشْ رَ، عٍ حِحّ نُن عَ لَاشِرَشِ، عَ عٍ شَنِن عَلَ شْنيِ عٍ سَ لُمَ دّننَشّ عَبَدَن.

تّسَلٌنِكِ دَنشَنِيَتْييٍ قِندِشِ مِسَالِ نَن نَ وٌن بّ بَرِ مَ هَلِ عٍ تٌ حَشَنكَتّ فبٍفبٍ سْتْ، عٍ شَن نّ دَنشَنِيَ كُي، عٍ عٍ شَشِلِ تِ عَلَ رَ. عَلَ شَ وٌن مَلِ وٌن مَ دَنشَنِيَ شَ تِلِن، وٌن شَ وٌن تُننَبّشِ عَلَ شَ كِرَ قَنيِ شْن مَ. عَلَ شَ وٌن نَتَنفَ سّنِيّنتَرٍحَ مَ، وٌن نَشَ قَ يَافِ مَرِفِ فبِلٍن لْشْي. عَلَ شَ وٌن مَلِ عَرِيَننَ كِرَ شْن مَ. عَمِنَ.