5
مَرِفِ قَ لْشْي
1 ﭑ نفَشَكٍرٍنيِيٍ، هَلِ ﭑ مُ سٍسٍ قَلَ وٌ بّ وَشَتِ نُن لْشْييٍ شَ قٍ رَ يِ قٍيٍ سَ رَبَمَ تّمُي نَشّ.
2 وٌ قَن يَتِ عَ كٌلٌن عَ قَنيِ رَ، عَ مَرِفِ شَ لْشْي قَمَ نّ عَلْ مُحّتِ قَمَ كْي رَ كِ نَشّ.
3 مِشِيٍ نّ لَنيِ نُن بْحّسَ شَ قٍ قَلَمَ تّمُي نَشّ، فبَلٌي دُ سُمَ عٍ شُن مَ نَ تّمُي نّ، عَلْ قُرُفِنّ دِقُرِ نَ كٍلِ عَ رَ. عٍ مُ تَنفَمَ عَ مَ مُكُ.
4 كْنْ وٌ تَن، نفَشَكٍرٍنيِيٍ، وٌ مُ نَ دِ مِ شَ كُي. نَ لْشْي مُ لَنمَ عَ شَ وٌ تّرّننَ عَلْ مُحّتِ.
5 وٌ بِرِن قِندِشِ نَءِيَلَنيِ نُن يَنيِ دِيٍ نَن نَ. كْي نُن دِ مِ دِيٍ شَ مُ وٌن نَ.
6 نَ كُي، وٌن نَشَ شِ عَلْ بٌورٍيٍ. وٌن شَ قٍيٍ رَ سَشَ عَ قَنيِ رَ، وٌن نَشَ يَنقَ.
7 نَشٍيٍ شِمَ، عٍ شِمَ كْي نَن نَ. نَشٍيٍ سِيسِمَ، عٍ سِيسِمَ كْي نَن نَ.
8 وٌن تَن نَشٍيٍ قِندِشِ يَنيِ مِشِيٍ رَ، وٌن شَ مّينِ وٌن يّتّ مَ. وٌن شَ دَنشَنِيَ نُن شَنُنتٍيَ رَ سَبَتِ، وٌن شَ وٌن شَشِلِ تِ كِسِ رَ. نٍيٍ تِدٍ لُمَ نّ وٌن بّ عَلْ كَنكٍ مَكَنتَسٍ نُن شُن مَكَنتَسٍ تِدٍ لُمَ فٍرٍ سٌي بّ كِ نَشّ.
9 عَلَ مُ عَ رَفِرِشِ وٌن مَ، عَ شَ شْنّ شَ وٌن لِ. عَ عَ رَفِرِشِ نّ وٌن تَن شَ كِسِ نَن سْتْ مَرِفِ عِسَ سَابُي رَ، عَلَ شَ مِشِ سُفَندِشِ
10 نَشَن قَشَ وٌن مَ قٍ رَ. نَ نَن عَ تٌشِ، شَ مُشُ حِحّ نَن عَ رَ، شَ مُشُ قَشَشِ نَن عَ رَ، مُشُ قَمَ نّ سَبَتِدٍ عَ عِ.
11 نَ كُي، وٌ شَ وٌ بٌرٍ رَلِمَنِيَ، وٌ شَ وٌ بٌرٍ سّنبّ سٌ عَلْ وٌ دَرِشِ عَ رَبَ رَ كِ نَشّ.
مَرَ سِ نُن شّيبُي دْنشْي
12 ﭑ نفَشَكٍرٍنيِيٍ، مُشُ بَرَ وٌ مَيَندِ وٌ شَ مِشِيٍ بِنيَ نَشٍيٍ نَ وَلِقٍ وٌ تَفِ، وٌ رَ سِقٍ نُن وٌ رَحّرّقٍ رَ مَرِفِ شَ قٍ كُي.
13 وٌ شَ عٍ بِنيَ عَ قَنيِ رَ شَنُنتٍيَ كُي عٍ شَ وَلِ شَ قٍ رَ.
لَنيِ نَن شَ لُ وٌ شَ دَنشَنِيَتْي حَمَ تَفِ.
14 ﭑ نفَشَكٍرٍنيِيٍ، مُشُ مَن بَرَ وٌ مَشَندِ، وٌ شَ تُننَشْنّيٍ رَ سِ، وٌ شَ لِمَنِيَتَرٍيٍ رَلِمَنِيَ، وٌ شَ سّنبّتَرٍيٍ مَلِ، وٌ دِحّ مِشِ بِرِن بّ.
15 وٌ شَ عَ مَتٌ عَ قَنيِ رَ مِشِ يٌ نَشَ قٍ كٌبِ حْشْ قٍ كٌبِ رَ. وٌ شَ نُ قٍ قَنيِ نَن تُن نَبَ وٌ بٌرٍ بّ، عَ نُن مِشِ بِرِن بّ.
16 وٌ شَ سّيوَ تّمُي بِرِن.
17 وٌ شَ عَلَ مَشَندِ وَشَتِ بِرِن.
18 وٌ شَ عَلَ تَنتُ قٍ بِرِن كُي. نَ قِندِشِ عَلَ سَفٌ نَن نَ وٌ بّ، وٌ تَن نَشٍيٍ دَنشَنِيَشِ عَ شَ مِشِ سُفَندِشِ عِسَ مَ.
19 وٌ نَشَ عَلَ شَشِلِ سّنِيّنشِ شْلْن نَفٌرٌ.
20 وٌ نَشَ وٌ تُلِ شْرْشْ نَمِحْنمّيٍ شَ مَسٍنيِيٍ مَ،
21 كْنْ وٌ شَ قٍ بِرِن مَتٌ عَ قَنيِ رَ.
شَ قٍقٍ قَن، وٌ شَ نَ سُشُ فبٍن.
22 شَ قٍقٍ كٌبِ، وٌ شَ وٌ مَكُيَ نَ رَ ثٌن!
23 عَلَ شَ وٌ رَ سّنِيّن عَ كِ نُن عَ كّحَ مَ، عَ تَن عَلَ نَشَن بْحّسَ قِمَ. عَلَ شَ وٌ شَشِلِ نُن وٌ نِي نُن وٌ قَتٍ رَتَنفَ، مَرَكْرْ سِ يٌ نَشَ لُ وٌ مَ وٌن مَرِفِ عِسَ قَ تّمُي.
24 نَشَن وٌ شِلِشِ، عَ نَ عَ شُي شَنبِ رَ، عَ قَمَ نّ عَ رَبَدٍ.
25 ﭑ نفَشَكٍرٍنيِيٍ، وٌ عَلَ مَشَندِ مُشُ بّ.
26 وٌ شَ نفَشَكٍرٍنيِيٍ بِرِن شّيبُ سُنبُي سّنِيّنشِ رَ.
27 ﭑ بَرَ وٌ يَمَرِ مَرِفِ شِلِ رَ وٌ شَ يِ بَتَاشّ شَرَن نفَشَكٍرٍنيِيٍ بِرِن بّ.
28 عَلَ شَ هِننّ قِ وٌ مَ وٌن مَرِفِ عِسَ سَابُي رَ، عَ شَ مِشِ سُفَندِشِ.