125
Kuyie mbonɛ̀mɛ̀ bɛ̀ɛ̀ ĩkú ku ĩ́nkɛ̀
1 Bɛ̀ ɔ̃ ndentì fɛ̀ɛ̀ yɛ̀nfɛ̀ kɛ kɔri Kuyie ncĩ́ɛ̃̀tɛ̀.
Bɛ̀ɛ̀ ĩkú Kuyie nyĩ́nkɛ̀ bɛ̀ dònnɛ̀ Siyɔ̃ɔ̃ tɑ̃rì ndi
dìì fìíkú kɛ í nɑmpú,
dì fííkúmu sɑ̃́ɑ̃̀.
2 Yɛtɑ̃rɛ̀ fitɛ́ mɛ̀ɛ̀ botí Sedisɑdɛmmu,
ti Yiɛ̀ nKuyie mmɛ nfitɛ́ ku nìtìbɛ̀ di mmɔ̀nnì nɛ̀ sɑ̃́ɑ̃̀o.
3 Okpɑ̀ɑ̀tì yɛiwe bɑ́ɑ́ kɑri bɛ̀ɛ̀ wetí bɛ tenkɛ̀ bìtì,
bɛ̀ɛ̀ wetí bɛ̀ yɑ̀ɑ̀ bo dɔkɛ mɛyɛi mmudɔɔ̀rìmù.
4 Ti Yiɛ̀ nKuyie ndɔɔ̀ mɛsɑ̀ɑ̀ mbɛ̀ɛ̀ dɔ̀ɔ̀ri dɛ̀ɛ̀ wenni,
bɛ̀ɛ̀ yɛ̀mmɛ̀ wenni.
5 Bɛ̀ɛ̀ tũ̀ nyicɛ yɛiyi ti Yiɛ̀ nKuyie nhɑ́ bɛ̀ bɛ̀ti,
kɛ́wɛ̃nnɛ́nɛ̀ bɛyɛibɛ.
Kɛ̀ kunɑɑtí mbonɛ̀ Isidɑyɛɛribɛ.