13
Onìtì dɔ́mɛ̀ Kuyie nhò dɛɛtɛ́ kɛ̀ dɛ̀ ò ɔɔtí
1 Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀.
2 Kuyie ndɛ yó nkɑ̃́ɑ̃́kɛ́ dɛ kɑ̀ɑ dentɛní n kpɛ́í?
Dɛ̀ yó nkɑ̃́ɑ̃́kɛ́ dɛ kɑ̀ɑ yóu kɛ̀ n dɑ yɑ̀?
3 Dɛ̀ yó nkɑ̃́ɑ̃́kɛ́ dɛ kɛ̀ iyĩ̀ɛ̃̀kɛ nɛ̀ mɛyɛǹcɑɑ̀rìmɛ̀ yɛwe yɛmɔu kɔ̃mɛ kɛ̀ dɛ̀ɛ deè m miɛkɛ?
Dɛ̀ yó nkɑ̃́ɑ̃́kɛ́ dɛ kɛ̀ n nɑ n dootitɔbɛ̀?
4 N yiɛ̀ nKuyie nwéntɛ́ní kɛ́keè n tú mù,
kɛ́ n yíɛ́ muwɛ̃rímú,
n yɑ̀ɑ̀ bo kú.
5 Kɛ̀ n dootitɔbɛ̀ bɑ́ɑ́ yĩ́ bɛ̀ n nɑ,
dɛ̀ yɑ̀ɑ̀ bo nɑrikɛ n dootitɔbɛ̀ n yĩɛ̃kɛmɛ̀.
6 N yɛ̃́mu ɑ túmɛ̀ mɛsɑ̀ɑ̀ nyiɛ̀,
kɛ̀ n yɛ̀mmɛ̀ nɑɑti ɑ n dɛɛtɛ́mɛ̀.
N Yiɛ̀ nKuyie, n yó ndiè nkɛ dɑ sɑ̃ntímu,
ɑ n dɔ̀ɔ̀ mɛ̀ɛ̀ sɑ̀ɑ̀ nkpɛ́í.