131
Wèè dèntɛ̀ ò kɛ̃́kùnnɛmɛ̀ omɑ́ɑ̀ dɛbirɛ kɔ̃mɛ
1 Dɑfiti yɛ̀nfɛ̀ bɛ̀ ɔ̃ ndentì fɛ̀ kɛ kɔri Kuyie ncĩ́ɛ̃̀tɛ̀.
N Yiɛ̀ nKuyie, n yí mɔkɛ tɛfentɛ̀,
n yí tú tɛpɔ̀tɛ̀ yiɛ̀,
n yí bɛtì dɛdiɛrɛ̀,
n yí wɑnti dɛ̀ɛ̀ m pɛ̃ɛ̃tɛ́.
2 N dò mbɛ́u nwe, kɛ dò nsó,
dɛbirɛ dɛ̀ɛ̀ yɑ̃ɑ̃́ nkɛ sɑnnɛ̀ dɛ̀ ɔ̃ ndòmmɛ̀ dɛ yɔ̃ kpèrɛ̀ ĩ́nkɛ̀,
n yɛ̀mmɛ̀ dònnɛ̀ dɛbirɛ kɔ̃mɛ dòmmɛ̀ mmɛ.
3 Isidɑyɛɛribɛ, nyĩkúnɛ̀ di Yiɛ̀ nKuyie nyĩ́nkɛ̀,
kɛ́túótɛ́ di mmɔ̀nnì nɛ̀ sɑ̃́ɑ̃̀o.