24
Ikuɔ́ nìùbɛ̀ kó yɛtĩ̀rɛ̀
1 Ntɛ Anɔɔ bí kó yɛtĩ̀rɛ̀: Anɔɔ weè pɛitɛ́ Nɑdɑbu nɛ̀ Abiu nɛ̀ Edeɑsɑɑ nɛ̀ Itɑmɑɑ.
2 Nɑdɑbu nɛ̀ Abiu kɛ̀ bɛ̀ɛ niitɛ́nɛ̀ bɛ cicɛ kɛ́kú, bɑ́ bɛ̀ í mɔ̀ɔ̀tɛ initidɑbí. Edeɑsɑɑ nɛ̀ Itɑmɑɑ kɛ̀ bɛ̀ɛ sɔɔtɛ́ bɛ tɔ̃mmú bɛ̀ do pĩ́ mmù ti Yiɛ̀ nKuyie ncĩ́ɛ̃̀tɛ̀ miɛkɛ.
3 Edeɑsɑɑ yɑɑ̀birɛ Sɑdɔki nɛ̀ Itɑmɑɑ yɑɑ̀birɛ Aimmɛdɛki bɛɛ̀ do teennɛ̀ Dɑfiti kɛ̀ bɛ̀ɛ bɛ̀ totí yɛtĩ̀rɛ̀ kɛ́ bɛ̀ duɔ́ mbɛ tɔ̃mmú.
4 Kɛ̀ Edeɑsɑɑ kó iyɑɑ̀bí nsũ kɛ́pɛ̃ɛ̃tɛ́ Itɑmɑɑ kpɛyi kɛ̀ dɛɛ̀ nte kɛ̀ bɛ̀ɛ totɛ́ Edeɑsɑɑ kó iyɑɑ̀bí kó yɛtĩ̀rɛ̀ tɛpíítɛ̀ nɛ̀ yɛ̀kuɔ̀, bɑ́ dìì tĩ̀nnì kɛ̀ dì mmɔkɛ wèè dì bɑkɛ́, kɛ́totɛ́ Itɑmɑɑ kó iyɑɑ̀bí kó yɛtĩ̀rɛ̀ yɛ̀ni bɑ́ dìì tĩ̀nnì kɛ̀ dì mmɔkɛ wèè dì bɑkɛ́.
5 Kɛ̀ bɛ̀ɛ tɑ̃ɑ̃́ tɛ́tɛ́ kɛ́ bɛ̀ totí kɛ yɛ̃́ Edeɑsɑɑ kó iyɑɑ̀bí kó yɛtĩ̀rɛ̀ do mɔkɛmɛ̀mu bɛ̀ɛ̀ kòtí ikuɔ́ tɔ̃mmú nɛ̀ bɛ̀ɛ̀ kòtí Kuyie ncĩ́ɛ̃̀tɛ̀ kɔ̃mu. Kɛ̀ Itɑmɑɑ kó iyɑɑ̀bí kó yɛtĩ̀rɛ̀ m mɔkɛ yɛ kɔbɛ.
6 Defii kó kuwuɔ nkou Nɛtɑnnɛyɛɛdi birɛ Semmɑyɑ opɑ́tíwɑ̃ɑ̃̀tì weè do wɑ̃̀ũ bɛ yètɛ̀, kɛ́ nyɛ̀ wɑ̃̀ũ kòo kpɑ̀ɑ̀tì Dɑfiti nɛ̀ o tũ̀mbɛ̀ kɛ̀ bɛ̀ bo nɛ̀ ikuɔ́ nìùbɛ̀ Sɑdɔki nɛ̀ Abiɑtɑɑ birɛ Aimmɛdɛki nɛ̀ ikuɔ́ nìùbɛ̀ Defiibɛ kó sicɛ̃́ĩ kó bɛkótíbɛ̀. Kɛ̀ bɛ̀ níí tɑ̃ũ tɛ́tɛ́ Edeɑsɑɑ kó yɛtĩ̀rɛ̀ kucɛ mɛ̀dɛ́mɛ̀ Itɑmɑɑ kó yɛtĩ̀rɛ̀ kucɛ mɛ̀mɑ́ɑ̀.
7 Kɛ̀ bɛ̀ɛ tɑ̃ũ mɛketimɛ̀, kɛ̀ tɛ́tɛ́ɛ do Yoyɑdibu ĩ́nkɛ̀, kɛ̀ bɛ̀ɛ tɑ̃ũ mɛdɛ́rímmɛ̀, kɛ̀ dɛ̀ɛ do Yedɑyɑ ĩ́nkɛ̀.
8 Kɛ̀ bɛ̀ɛ tɑ̃ũ mɛtɑ̃ɑ̃́mmɛ̀, kɛ̀ tɛ́tɛ́ do Adimmu ĩ́nkɛ̀, kɛ̀ bɛ̀ɛ tɑ̃ũ mɛnɑɑmmɛ̀, kɛ̀ dɛ̀ɛ do Seodimmu ĩ́nkɛ̀.
9 Kɛ̀ bɛ̀ɛ tɑ̃ũ mɛnummumɛ̀, kɛ̀ dɛ̀ɛ do Mɑdikiyɑɑ ĩ́nkɛ̀, kɛ̀ mɛkuɔ́mmɛ̀ɛ do Minyɑminni ĩ́nkɛ̀.
10 Kɛ̀ bɛ̀ɛ tɑ̃ũ mɛyiémmɛ̀, kɛ̀ dɛ̀ɛ do Akikoti ĩ́nkɛ̀, kɛ̀ bɛ̀ɛ tɑ̃ũ mɛniímmɛ̀, kɛ̀ dɛ̀ɛ do Abiyɑ ĩ́nkɛ̀.
11 Kɛ̀ bɛ̀ɛ tɑ̃ũ mɛwɛímmɛ̀, kɛ̀ dɛ̀ɛ do Yesuwɑ ĩ́nkɛ̀, kɛ̀ bɛ̀ɛ tɑ̃ũ mɛpíímmɛ̀, kɛ̀ dɛ̀ɛ do Sekɑnniyɑ ĩ́nkɛ̀.
12 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛ̀mɑ́ɑ̀, kɛ̀ dɛ̀ɛ do Ediɑsibu ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛdɛ́rímmɛ̀, kɛ̀ dɛ̀ɛ do Yɑkimmu ĩ́nkɛ̀.
13 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛtɑ̃ɑ̃́mmɛ̀, kɛ̀ dɛ̀ɛ do Upɑ ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛnɑɑmmɛ̀, kɛ̀ dɛ̀ɛ do Yesebɑbu ĩ́nkɛ̀,
14 kɛ̀ bɛ̀ɛ tɑ̃ũ tɛpíítɛ̀ nɛ̀ mɛnummumɛ̀, kɛ̀ tɛ́tɛ́ɛ do Bidikɑɑ ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛkuɔ́mmɛ̀, kɛ̀ dɛ̀ɛ do Imɛɛ ĩ́nkɛ̀.
15 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛyiémmɛ̀, kɛ̀ dɛ̀ɛ do Esii ĩ́nkɛ̀, kɛ̀ bɛ̀ɛ tɑ̃ũ tɛpíítɛ̀ nɛ̀ mɛniímmɛ̀, kɛ̀ dɛ̀ɛ do Apitisɛti ĩ́nkɛ̀.
16 Kɛ̀ bɛ̀ɛ tɑ̃ũ tɛpíítɛ̀ nɛ̀ mɛwɛímmɛ̀, kɛ̀ dɛ̀ɛ do Petɑyɑɑ ĩ́nkɛ̀, kɛ̀ bɛ̀ɛ tɑ̃ũ sipísìdɛ́ kɔ̃mɛ, kɛ̀ dɛ̀ɛ do Esekiɛri ĩ́nkɛ̀.
17 Kɛ̀ bɛ̀ɛ tɑ̃ũ sipísìdɛ́ nɛ̀ mɛ̀mɑ́ɑ̀, kɛ̀ dɛ̀ɛ do Yɑkinni ĩ́nkɛ̀, kɛ̀ bɛ̀ɛ tɑ̃ũ sipísìdɛ́ nɛ̀ mɛdɛ́rímmɛ̀, kɛ̀ dɛ̀ɛ do Kɑmudi ĩ́nkɛ̀.
18 Kɛ̀ bɛ̀ɛ tɑ̃ũ sipísìdɛ́ nɛ̀ mɛtɑ̃ɑ̃́mmɛ̀, kɛ̀ dɛ̀ɛ do Dedɑyɑ ĩ́nkɛ̀, kɛ̀ bɛ̀ɛ tɑ̃ũ sipísìdɛ́ nɛ̀ mɛnɑɑmmɛ̀, kɛ̀ dɛ̀ɛ do Mɑɑsiɑ ĩ́nkɛ̀.
19 Mɛm̀mɛ kɛ̀ bɛ̀ɛ tũnnɛ ti Yiɛ̀ nKuyie nyIsidɑyɛɛribɛ tũ nkù do duɔ́ nyìì tié mbɛ yɑ̀ɑ̀rì Anɔɔ, kɛ́ bɛ̀ totí yɛtĩ̀rɛ̀ kɛ́ bɛ̀ duɔ́ mbɛ tɔ̃mmú ti Yiɛ̀ nKuyie ncĩ́ɛ̃̀tɛ̀ miɛkɛ.
Defiibɛ tɔbɛ̀ kó yɛyètɛ̀
20 Defiibɛ sɔmbɛ bɛ̀ɛ̀ do kpɑɑ́ bɛ miɛkɛ bɛ̀ɛ̀ do ni bɛɛ̀ yètɛ̀ tu: Amudɑmu kó kunɑɑ̀mùnkù kɛ̀ Subɑyɛɛdi nkótí.
Kɛ̀ Yediɑ kòtí Subɑyɛɛdi kɔku miɛkɛ.
21 Kɛ̀ Isiɑ kòtí Deɑbiɑ kó kunɑɑ̀mùnkù miɛkɛ.
22 Kɛ̀ Sedomɔti kòtí Isiɑ kó kunɑɑ̀mùnkù kɛ̀ Yɑɑti kòtí Sedomɔti kó kunɑɑ̀mùnkù.
23 Ebunɔɔ nɑɑ̀mùnkù miɛkɛ kɛ̀ Yediyo nkótí kɛ̀ Amɑdiɑ ò pòkoo kɛ̀ Yɑsɛɛdi ntú otɑ̃ɑ̃́nwè kɛ̀ Yekɑmɑmmu tu onɑɑnwè.
24 Usiyɛɛdi kó kunɑɑ̀mùnkù miɛkɛ kɛ̀ Misee mbɑkɛ́. O kó ibí miɛkɛ kɛ̀ Sɑmiidi mbɑkɛ́.
25 Kɛ̀ Sɑkɑrii bɑkɛ́ Misee tebitɛ Yesiyɑ kó kunɑɑ̀mùnkù.
26 Kɛ̀ Mɛdɑdi bí ntú: Mɑdi nɛ̀ Musi nɛ̀ Yɑɑsiyɑu, kɛ̀ bɛ̀ nkótí o kó kunɑɑ̀mùnkù miɛkɛ.
27 Kɛ̀ Mɛdɑdi birɛ Yɑɑsiyɑu bí ntú: Soɑmmu nɛ̀ Yɑkudi nɛ̀ Ibidi kɛ̀ bɛ̀ nkótí o kó kunɑɑ̀mùnkù.
28 Mɑdi kó kunɑɑ̀mùnkù miɛkɛ kɛ̀ Edeɑsɑɑ kòtí. Ò í mpɛitɛ́ initidɑbí.
29 Kiisi nɑɑ̀mùnkù miɛkɛ kɛ̀ Yedɑmɛyɛɛdi mbɑkɛ́.
30 Kɛ̀ Muusi bí ntú: Mɑdi nɛ̀ Edɛɛ nɛ̀ Yedemɔti kɛ̀ bɛ̀ mbɑkɛ́ bɛ kó kunɑɑ̀mùnkù.
Defiibɛ bí nɑɑ̀mùntì kó bɛkótíbɛ̀ mbɛ.
31 Kɛ̀ bɛ̀ɛ bɛ̀ tɑ̃ũ tɛ́tɛ́ bɛ̀ dɔ̀ɔ̀mɛ̀ bɛ tebìí Anɔɔ yɑɑ̀bí, kɛ́ mbɛ̀ tɑ̃ũ kòo kpɑ̀ɑ̀tì Dɑfiti dɛ̀ bo, nɛ̀ ikuɔ́ nìùbɛ̀ Sɑdɔki nɛ̀ Aimmɛdɛki nɛ̀ ikuɔ́ nìùbɛ̀ cɛ̃́ĩ kó bɛkótíbɛ̀ nɛ̀ bɛ̀ɛ̀ bɑkɛ́ ti Yiɛ̀ nKuyie ncĩ́ɛ̃̀tɛ̀ tɔ̃mmú. Bɛ̀ dɔ̀ɔ̀mɛ̀ Mpo kó tɛcĩ́ɛ̃̀tɛ̀ kɛ́ bɛ̀ɛ mɛ ndɔɔ̀ tɛyɑ̃ɑ̃tɛ̀ kpɛtɛ.