36
Ezawu mavofodai
(1 Dɔlɔ Sɛʋɛi 1:34-37)
1 Ezawu nii é ga Edɔme mavofodai ɠa.
2 Ezawu anzanu saʋagɔ zeɠeni, é sei, Kanaan anzanu lointi saama: Ada, Elon Ɠɛte nui ná-doun anzanui, Wɔɠɔliɓama, Ana ná-doun anzanui, Siɓeyon Ɠeeve nui ná-dounloin,
3 Ɓasemate, Isemayɛle ná-doun anzanui, Neɓayɔte baazeelai.
4 Ada Elifaze zɔlɔɔni Ezawu ʋɛ, Ɓasemate Leyuwɛle zɔlɔɔ bɛ.
5 Wɔɠɔliɓama Yeyuse zɔlɔɔ, ta Yalame, ta Kɔla. Ezawu ná-doun zunuiti kana, é ti zɔlɔɔni Kanaan yooi zu.
6 Ezawu anzaiti seɠeni, ta ná-doun zunuiti, ta ná-doun anzanuiti, ta ná-pɛlɛ wu nuiti kpein, ta ná-togani ɓulugiti, ta ná-toganii kpein, naavoloi kpein é sɔlɔɔni Kanaan yooi zu, é li, é zei zou ɠili su, é maaɠooza deɠei Zakɔɓe ʋa.
7 Tɔɔzei naavoloi wola ɠaawɔɔlɔni, ti la ɓena zoo zeizu ʋɔɔma ada ɠila, ta zooi zu, ʋɛ ti seikɔɠɔmai ɠɛni ná, naa la mɔ ɓena kula ɠɛ ti ʋa, tɔɔzei ta-logani ɓulugiti faa ʋa.
8 Zekana Ezawu zeini la Seyiil ɠize yooi zu. Ezawu ɠa é ga Edɔme.
9 Ezawu mavofodai ná-fai ɠaa: Edɔme nuiti ti-mɛmɛwolai, é ɠɛni Seyiil ɠize yooi zu.
10 Ezawu ná-doun zunuiti ti ɠɛni ga: Elifaze, Ezawu anzai Ada ná-doun zunui, Leyuwɛle, Ezawu anzai Ɓasemate ná-doun zunui.
11 Elifaze ná-doun zunuiti ti ɠɛni ga: Teeman, Wɔmaal, Sefo, Gayetame, ta Kenaze.
12 Ezawu ná-doun zunui Elifaze anza ɠiligi ɠɛni ga Timena, nii é la ɠɛni vuluni ga zɔi ɠɛʋele, naa doun zunui zɔlɔɔni bɛ ga Amalɛke. Ezawu anzai Ada ná-dounlointi kana.
13 Leyuwɛle ná-doun zunuiti ti ɠɛni ga: Naɠate, Zeela, Sama, ta Miza. Ezawu anzai Ɓasemate ná-dounlointi kana.
14 Ezawu anzai Wɔɠɔliɓama, é ga Ana ná-doun anzanui, Siɓeyon ná-dounloin, naa ɠa é Yeyuse zɔlɔɔni bɛ, ta Yalame, ta Kɔla.
15 Bolodama ɠundiɠiiti kaa, ti ɠulani Ezawu ná-doun zunuiti saama. Ezawu ná-doun mɔungi Elifaze, ná-doun zunuiti ti ɠɛni ga: kundiɠii Teeman, kundiɠii Wɔmaal, kundiɠii Sefo, kundiɠii Kenaze,
16 kundiɠii Kɔla, kundiɠii Gayetame, ta kundiɠii Amalɛke. Elifaze nɔnɔ ma wolodama ɠundiɠiiti kana Edɔme yooi zu. Ada ná-dounlointi kana.
17 Ezawu ná-doun zunui Leyuwɛle ná-doun zunuiti ti ɠɛni ga: kundiɠii Naɠate, kundiɠii Zeela, kundiɠii Sama ta kundiɠii Miza. Leyuwɛle nɔnɔ ma wolodama ɠundiɠiiti kana Edɔme yooi zu. Ezawu anzai Ɓasemate ná-dounlointi kana.
18 Ezawu anzai Wɔɠɔliɓama ná-doun zunuiti ti ɠɛni ga: kundiɠii Yeyuse, kundiɠii Yalame, ta kundiɠii Kɔla. Ana ná-doun anzanui Wɔɠɔliɓama, Ezawu anzai nɔnɔ ma wolodama ɠundiɠiiti kana.
19 Ezawu nii é ga Edɔme ná-doun zunuiti kana, ta ma wolodama ɠundiɠiiti.
Ɠɔɔl nui Seyiil mavofodaiti
(1 Dɔlɔ Sɛʋɛi 1:38-42)
20 Ɠɔɔl nui Seyiil mavofodaiti kaa, ti ɠɛni ga sei nu mɔungiti zooi zu: Lɔtan, Sɔɓale, Siɓeyon, Ana,
21 Dison, Eseel, ta Disan. Naati ka ti ga Ɠɔɔl nuiti ta-wolodama ɠundiɠiiti, Seyiil ná-doun zunuiti, Edɔme yooi zu.
22 Lɔtan mavofodaiti ti ɠɛni ga: Ɠɔli ta Ɠeemame. Lɔtan baazeelai laaseigi ɠɛni ga: Timena.
23 Sɔɓale mavofodaiti ti ɠɛni ga: Alevan, Manaɠate, Eɓale, Sefo ta Wɔname.
24 Siɓeyon ná-doun zunuiti ti ɠɛni ga: Aya ta Ana. Ana tɛi ka é ziɛungi ɠaani teʋebai zu, nii kpadiai, siɛgi zu é ɠɛni daamianigi veezu la kɛɛɠɛ ná-soovalegiti zea, é ɗa ti makɛ.
25 Ana ná-dointi ti ɠɛni ga: ná-doun zunui Dison ta ná-doun anzanui Wɔɠɔliɓama.
26 Dison ná-doun zunuiti ti ɠɛni ga: Ɠɛmedan, Eseɓan, Yitelan ta Kelan.
27 Eseel ná-doun zunuiti ti ɠɛni ga: Ɓileɠan, Zaavan ta Akan.
28 Disan ná-doun zunuiti ti ɠɛni ga: Use ta Alan.
29 Ɠɔɔl nuiti ta-wolodama ɠundiɠiiti ti ɠɛni ga: kundiɠii Lɔtan, kundiɠii Sɔɓale, kundiɠii Siɓeyon, kundiɠii Ana,
30 kundiɠii Dison, kundiɠii Eseel ta kundiɠii Disan. Tiya ɠa ti ɠɛni ga Ɠɔɔl nuiti ta-wolodama ɠundiɠiiti Seyiil yooi zu.
Edɔme masagiti
(1 Dɔlɔ Sɛʋɛi 1:43-54)
31 Masagiti daaseigiti kaa, niiti ti masadai ɠɛɛni Edɔme yooi unda, aisa masa ge ʋa zei Izelayɛle unda.
32 Ɓeyɔɔl ná-doun zunui Ɓeela masadai ɠɛɛni Edɔme unda, ná-taai laaseigi ɠɛni ga Dinaɓa.
33 Ɓeela zaai ma, Ɓɔsela nui Zeela ná-doun zunui Yɔɓaɓe masadai ɠɛɛni potogi zu.
34 Yɔɓaɓe zaai ma, Teeman nuiti ta-you zu nui Ɠusame masadai ɠɛɛni potogi zu.
35 Ɠusame zaai ma, Ɓedade ná-doun zunui Ɠadade masadai ɠɛɛni potogi zu. Tɔun ka é vɔnini Madiyan nuiti ma Moaɓe yooi zu. Ná-taai laaseigi ɠɛni ga Avite.
36 Ɠadade zaai ma, Maseleeka nui Samela masadai ɠɛɛni potogi zu.
37 Samela zaai ma, Sayile masadai ɠɛɛni potogi zu. É ɠɛni ga Leɠɔɓɔte taa wolai zunu, ziɛ wolai laaʋɛ.
38 Sayile zaai ma, Akeɓɔɔl ná-doun zunui Ɓaale-Ɠanan masadai ɠɛɛni potogi zu.
39 Akeɓɔɔl ná-doun zunui Ɓaale-Ɠanan zaai ma, Ɠadaal masadai ɠɛɛni potogi zu. Ná-taai laaseigi ɠɛni ga Pau. Anzai laaseigi ɠɛni ga Meɠetaɓeyɛle, Mateleede ná-doun anzanui, é ga Meezaɠaɓe ná-dounloin.
40 Ezawu ná-bolodama ɠundiɠiiti daaseigiti kaa, eɠɛʋelei ti-zeizuʋɛti ti la, ta eɠɛʋelei ti-laaseigiti ti la: Timena, Aleva, Yeteete,
41 Wɔɠɔliɓama, Ela, Pinon,
42 Kenaze, Teeman, Miɓesaal,
43 Magediyɛle, ta Iilame. Edɔme ɠundiɠiiti kana, eɠɛʋelei ti-zeizuʋɛti ti la, zooi zu nii ti sɔlɔɔni. Ezawu ɠa é ga Edɔme mɛmɛwolai.