4
1 ⴹⵗ ⴹⵢ ⴾⵜ ⴹⵢ ⴹ ⵜⵍⴰ ⵔⴾⵓⵍ ⵏⵎⵛⵏⴰ ⵓⵏ ⴹ ⵏⴶⵤ ⴾⵍ ⵏ⵿ⵜⵙⵏ⵿ⴼⵓⵜ ⵓⴰ ⵎⵍ ⵏ⵿ⴾⴹⵜ ⵓⵍⵏ ⴾⵓⵏⵓⵔⴶⵤ ⵓⴹⵏ ⵓⵍⵢⵏ ⴶⵏ ⴹⴼ ⵏⵙ ⵀⵙ ⴶⵤ ⵓⵍⴰ⵰
2 ⴼⵍⵙ ⴶⵎⴹ ⵛⴾ ⵙ ⵙⵍⵏ ⵏⵍⵏ⵿ⵌⵍ ⵏⴶⵙⵏ ⴶⵔⵓ ⵤⵏ ⵓⴰ ⴹⵙⵏⴶⵏ ⴹⵗ ⵜⵏⵔⵢ⵰ ⵎⵛⵏ ⵓⵍ ⵓⵙ ⵙⵙⵎⵏ ⵓⵔ ⴹⵙⵏⴾⵏⴰ ⵓⵍⴰ ⴼⵍⵙ ⵓⵔ ⴶⵏ ⵤⴶⵤⵏ ⵓⴰ ⴶⵏ ⵢⵜⴹⵏ ⵓⵏ ⵜⵆⵀⵍⵏⵏ⵰
3 ⵏⴾⵏⵢ ⵓⵏ ⵙⵔⵙ ⵤⴶⵤⵏⵏ ⴹ ⵏⴶⵤ ⴾⵍ ⵏ⵿ⵜⵙⵏ⵿ⴼⵓⵜ ⵓⵙ ⵏⴰ ⵎⵛⵏⴰ ⴹⵗ ⵀⵜⵏⵜ «ⴶⵤⵢ ⵍⵂⵎⵏⵙⵏ⵰ ⵍⵂⵎⵏ ⴹⵗ ⵙⵔⵢ ⴹⵓⵢⵏ ⵜⵂⴹⵢ ⵏⵙ ⵓⵔ ⵍⴾⵎ ⴹ ⴶⵤⵏ ⴾⵍ ⵓⴰ ⵙⵎⵜⴶⵗ ⵢ ⵜⵙⵏ⵿ⴼⵓⵜⵏⵙⵏ⵰» ⵙ ⵜⴶⵓ ⵓⵏ ⴹⴰ ⵎⵛⵏⴰ ⵗⵔⴹ ⵔⵜ ⴾⵍ ⵂⵔⵓⴰ ⵗⵔ ⵏⵜⵢ ⵏⴹⵏⵜ⵰
4 ⴼⵍⵙ ⵍⵢ ⴹⴶ ⴹⵗ ⵏⴰ ⴹⵗ ⵀⵜⵓ ⵏⵤⵍ ⵓⵏ ⵙⴰ ⵜⵤⵔ ⵤⵔⵤ ⵎⵛⵏⴰ ⵛⵗⵍⵏⵜ ⴾⵍ ⵓⵏ ⵈⵍⴾ ⵏ⵿ⵌⵏⵓⵏ ⴹⵎⴹⵍ ⵤⵍ ⵓⵏ ⵙⴰ⵰
5 ⵏⵏ ⴹⵗ ⵍⴾⵜⵀⵏ ⴶⵎⴹ ⵛⴾ ⵙ ⵓⵔ ⵤⴶⵤⵏ ⴾⵍ ⵏ⵿ⵜⵙⵏ⵿ⴼⵓⵜ ⵜⴰ ⵂⴾⴰ⵰
6 ⴹⵗ ⴹⵢ ⴹⴹ ⵤⵎⵙ ⴶⵔⵓⵏ ⵓⵢⴹ ⴶⵤ ⵏ⵿ⵜⵙⵏ⵿ⴼⵓⵜ ⵜⵏ ⵎⵔⵏ ⵓⵏ ⵙⵍⵏⵏ ⵙⵍⵏ ⵏⵍⵈⵔ ⵙ⵿ⵜⵤⵔⵜ ⵓⵔ ⴶⵔⵓⵏ ⴶⵤ ⵏⴾⵍ ⵏ⵿ⵜⵙⵏ⵿ⴼⵓⵜ ⵓⵏ ⴼⵍ ⵜⵛⵜⵏⵙⵏ ⵏⵎⵤⵔⵢ
7 ⴾⵙ ⵎⵛⵏⴰ ⵤⵍ ⵢⵏ ⵢⵏⵢⵏ ⴹⵗ ⵀⵜⵓ ⵜⵏ ⵜⵎⵙⵏ ⵤⵍⴹ ⵙ ⵜⵏⴰ ⵜⴰ ⴶⴰ ⴹⴼⵔ ⵓⵏ ⵓⵍⵏ ⵙ ⵜⵔⵢⵜ ⵏⵏⵀⵢ ⴹⵓⴹ ⵙⵎⴾ ⵓⵙ ⵜⵏⴰ ⴹⵜ ⵓⵏ ⵤⵍⴹⴰ ⵙ ⵜⵙⵍⵎ ⵢⵓⵍⵏⵜ ⴹ ⵓⵔ ⵜⵙⴶⵔⵎⵎⵎ ⵓⵍⵏⵓⵏ⵰
8 ⵓⵍⴰ ⵏⵔ ⴹⵓ ⵌⵙⵓ ⴹⵜⵎⵜⵢ ⵜⵏ ⵂⵔ ⵜⵜⵛⵛⵓⴹ ⴹⴶ ⵏ⵿ⵜⵙⵏ⵿ⴼⵓⵜ ⵓⵏ ⵓⴹⵢ ⵓⵔ ⵤⵎⴶⵔⴹ ⵎⵛⵏⴰ ⴹⵗ ⵀⵜⵓ ⵏⵤⵍ ⵢⵏ ⵏ⵿ⵜⵙⵏ⵿ⴼⵓⵜ ⴹⴼⵔ ⵓⵏ⵰
9 ⵍⵎⵗⵏⴰ ⵏⵓⵏ ⵙ ⵂⵔⵓⴹⴰ ⵜⵍⵢ ⵜⵙⵏ⵿ⴼⵓⵜ ⵢ ⵜⵎⵜⵢ ⵏⵎⵛⵏⴰ ⵜⵍⵜ ⴹⵤⵍ ⵓⵏ ⵙⴰ ⵙⵏ⵿ⵜⴰ ⴹⵗ ⵤⵔⵤ ⵎⵛⵏⴰ ⵛⵗⵍⵏⵜ ⴾⵍ ⵓⵏ ⵈⵍⴾ ⵏ⵿ⵌⵏⵓⵏ ⴹⵎⴹⵍ⵰
10 ⵎⵔⵏ ⵓⴹⵏ ⵓⴰ ⴶⵤⵏ ⴹⴶ ⵏ⵿ⵜⵙⵏ⵿ⴼⵓⵜ ⵜⴰ ⵂⴾⵓ ⵎⵛⵏⴰ ⵓⴹⵢ ⴹ ⵙⵏ⵿ⴼⵓ ⴹⵗ ⵛⵗⵍⵏⵜ ⵤⵏ ⵓⴰ ⴶⴰ ⵎⵛⵏⴰ ⴹⵗ ⵓⵏⵜ ⵎⵏⵜ⵰
11 ⴹⵗ ⴹⵢ ⴹⴶⵤⵜⵏⴰ ⵓⵍⵏ ⴹⵗ ⴶⵤ ⵏⴹⴶ ⵏ⵿ⵜⵙⵏ⵿ⴼⵓⵜ ⵜⴰ ⴼⵍ ⴹ ⵓⵔ ⵈⵔⴾ ⵓⵍⵢⵏ ⴹⵗⵏⴰ ⵓⴰ ⴶⵏ ⵎⵔⵓⵏⵏⴰ ⵎⵤⵔⵢⵏⵏ ⵎⵛⵏⴰ⵰
12 ⴼⵍⵙ ⵓⵍ ⵏⵎⵛⵏⴰ ⴹⵔ ⵍⴰ ⵜⵔⵏⴰ ⵎⵔⵏ ⵜⵓⵍⵏⵜ ⵜⴶⵔ ⵜⵏ ⵜⴾⵀⴰ⵰ ⵜⴶⵤ ⵎⵏ ⵏⵢⵜⴹⵏ ⴹⵓⵍⵏⵙⵏ ⴶⵍⵓ ⵂⵔ ⵙⵎⵗⵔⵙ ⴹⴾⵍⴾⵍ ⵏ⵿ⵗⵙⵏ⵰ ⵎⵔⵏ ⵓⵍ ⵏⵎⵛⵏⴰ ⵏ⵿ⵜⴰ ⵈⴾⵎⵏ ⵢⵓⵙ ⴼⵔⵢ ⵓⴹⵏ ⴹⵗ ⵎⵏⵜ ⴹⵓⴰ ⵙⵎⴹⵔⵏ ⴹⵗ ⵓⵍⵏⵜ⵰
13 ⵓⵔ ⵜⵜⵍⴰ ⵜⵈⵍⴾ ⵙ ⵓⵔⴶⵗ ⵂⵏⵢⵜⵜ ⵎⵛⵏⴰ⵰ ⵔⵜ ⴾⵍ ⵎⵏⵙ ⵏⴼⵍⵢ ⴹⵗⵙ⵰ ⵎⵔⵏ ⵏ⵿ⵜⴰ ⴹⵜ ⵤⴰ ⵏⵀⴹⴹ ⴼⵍ ⵎⵤⵍⵏⵏⴰ⵰
ⵓⴰ ⴹⵔ ⴶⴹⴰ ⵍⵎⵆⵎ ⵏⵀⵔⵔ ⵏⵎⵛⵏⴰ ⵎⵙⵏ ⵍⵎⵎⵏⵏⴰ ⵓⴰ ⵤⵓⵔⵏ ⴹⵗ ⵀⵜⵓ ⵏ⵿ⵜⴾⵜⵓⵏ
ⵏⵍⴰ ⵍⵎⵎ ⵓⴰ ⵤⵓⵔⵏ ⴾⵎⵍⵏ ⵂⵏ ⵌⵏⵓⵏ
14 ⴹⴹ ⵤⵎⵙ ⵏⵍⴰ ⵍⵎⵎ ⵓⴰ ⴶⵔⵏ ⵍⵎⵎⵏ ⴾⵍ ⵂⵏ ⵌⵏⵓⵏ ⵜⵎⵙⵏ ⵗⵢⵙⴰ ⵀⵔⵔ ⵏⵎⵛⵏⴰ ⵓⴹⵢ ⵤⵤⵓⵜⵜⵏⴰ ⴹⵗ ⵤⴶⵤⵏⵏⴰ⵰
15 ⴼⵍⵙ ⵍⵎⵎⵏⵏⴰ ⵓⴰ ⵤⵓⵔⵏ ⵏ ⴼⵔⴶ ⴹⵏⵗⴾⵀⵍ ⴹⵗ ⵔⴾⵎⵏⵏⴰ ⴹ ⴶⵔⵓⵏ⵿ⵜⵓ ⵌⵔⵀⵜⵏ ⵤⵏ ⵓⵏ ⴹⵏⵗⴶⵔⵓⵏⵏ ⴹⵗ ⵏⵎⴹ ⴾⵍ ⴶⵙ ⴾⵍⴰ ⵓⵔ ⴶⴰ ⵀⴾⴹ⵰
16 ⴹⵗ ⴹⵢ ⵂⵤⵜⵏⵗⵏ ⵎⵏⴾⵍⵏⵏⴰ ⵜⵎⵙⵏ ⵎⵛⵏⴰ ⴹⵢ ⵏⵎⴶⵢ ⵏⵔⵈⵎⵜ ⵏⴶⴰ ⵓⵏ ⵙ ⵜⴼⵍⵙ⵿ⵜ ⴼⵍ ⴹ ⵏⴶⵔⵓ ⵂⵏⵜⴰ ⵏⴶⵔⵓ ⴹⵗ ⵔⵈⵎⵜ ⵙⵏ⵿ⵜⴰ ⴹⵏⵤⵜⴾⴼⵜ ⵜⵍⵍ⵿ⵜ ⴹⵗ ⵍⵓⵆ ⵓⴰ ⴹⵗ ⵏⴹⵔⵔ ⵙⵓⵏ⵰