126
Gate Xránadxu Dios bselé̱' dxi'u lu na' benne' zitu' ca',
ne begu'e̱ dxi'u lu xe̱zre Sión, gúquedxu dxenne̱dxu xe̱la.
Nadxa bzrízredxu, ne be̱ lá'anadxu Xránadxu Dios.
Nadxa gulenná benne' xe̱zr la xu ca':
“Da zrente̱ ca' be̱n Dios, Xrana benne' ca', chee̱'.”
Da zrente̱ ca' be̱n Xránadxu Dios chee̱dxu dxi'u,
na' zúadxu lu da ba neza zrente̱.
Bselá Xránadxu dxi'u lu na' benne' zitu' ca',
na' bezrindxu lu xe̱zr la xu chee̱dxu
ca dxezrín nisa guba'u lu xe̱gu bizre ca'.
Benne' ca' dxelebezre̱' tie̱' dxelaze̱',
nen xel-la' dxelebé xelexezi'e̱ lina.
Dxebezre tie̱' zéaje̱' nu'e̱ binne cháwe'du ca',
na' dute̱ xel-la' dxebé dxezrine̱' zeajnu'e̱ lina chee̱'.