136
1 ¡Le güe lá'ana Xránadxu Dios, Benne' xrlátaje!
¡Chadía chacanna dxexache lazre̱' dxi'u!
2 ¡Le güe lá'ana Dios, naque̱' szrénte̱dxa ca zaj naca dios
chee̱ xe̱zr la xu ca'!
¡Chadía chacanna dxexache lazre̱' dxi'u!
3 ¡Le güe lá'ana Xránadxu, naque̱' szrénte̱dxa ca zaj naca
xrana xe̱zr la xu ca'!
¡Chadía chacanna dxexache lazre̱' dxi'u!
4 ¡Le güe lá'ana Dios na', dxune̱' xel-la' waca zri'a ca'!
¡Chadía chacanna dxexache lazre̱' dxi'u!
5 ¡Le güe lá'ana Dios na', be̱ne̱' xabáa dute̱ xel-la' sina chee̱'!
¡Chadía chacanna dxexache lazre̱' dxi'u!
6 ¡Le güe lá'ana Dios na', bzue̱' xe̱zr la xu lawe' nísadau'!
¡Chadía chacanna dxexache lazre̱' dxi'u!
7 ¡Le güe lá'ana Dios na', be̱ne̱' gubizra ne beu'!
¡Chadía chacanna dxexache lazre̱' dxi'u!
8 ¡Be̱ne̱' gubizra chee̱ gusení na te zra!
¡Chadía chacanna dxexache lazre̱' dxi'u!
9 ¡Be̱ne̱' beu' ne belaj ca' chee̱ xulusení na chizrela!
¡Chadía chacanna dxexache lazre̱' dxi'u!
10 ¡Le güe lá'ana Dios na', be̱tie̱' bi biu nedxu chee̱
benne' Egipto ca'!
¡Chadía chacanna dxexache lazre̱' dxi'u!
11 ¡Le güe lá'ana Dios na', bebéaje̱' benne' Israel ca'
lu xe̱zr la xu Egipto na'!
¡Chadía chacanna dxexache lazre̱' dxi'u!
12 ¡Beche̱'e̱ le̱' dute̱ xel-la' waca zren chee̱'!
¡Chadía chacanna dxexache lazre̱' dxi'u!
13 ¡Le güe lá'ana Dios na', be̱ne̱' chupa la'a nísadau'
da nazí le̱ na Xrna!
¡Chadía chacanna dxexache lazre̱' dxi'u!
14 ¡Bdee̱' benne' Israel ca' laduj nísadau' na'!
¡Chadía chacanna dxexache lazre̱' dxi'u!
15 ¡Bgacue̱' nísadau' na' Faraón, benne' wenná bea chee̱ Egipto,
ne benne' zeje̱' wedil-la chee̱' ca'!
¡Chadía chacanna dxexache lazre̱' dxi'u!
16 ¡Le güe lá'ana Dios na', beche̱'e̱ benne' chee̱' ca'
le̱'e̱ xixre' lawe' lataj!
¡Chadía chacanna dxexache lazre̱' dxi'u!
17 ¡Le güe lá'ana Dios na', be̱tie̱' wenná bea blau ca'!
¡Chadía chacanna dxexache lazre̱' dxi'u!
18 ¡Be̱tie̱' wenná bea wal-la ca'!
¡Chadía chacanna dxexache lazre̱' dxi'u!
19 ¡Be̱tie̱' Sehón, wenná bea chee̱ benne' amorreo ca'!
¡Chadía chacanna dxexache lazre̱' dxi'u!
20 ¡Be̱tie̱' Og, wenná bea chee̱ xe̱zr la xu Basán!
¡Chadía chacanna dxexache lazre̱' dxi'u!
21 ¡Bnézruje̱' xe̱zr la xu chee̱ benne' ca' chee̱ gaca na
chee̱ benne' chee̱' ca'!
¡Chadía chacanna dxexache lazre̱' dxi'u!
22 ¡Be̱nne̱' na chee̱ benne' Israel ca', benne' we̱n zrin chee̱' ca'!
¡Chadía chacanna dxexache lazre̱' dxi'u!
23 ¡Naque̱' Dios na', quebe gul-la lazre̱' dxi'u
gate buluzetja benne' ca' dxi'u!
¡Chadía chacanna dxexache lazre̱' dxi'u!
24 ¡Le̱' bselé̱' dxi'u lu na' benne' ca' guledíl-lale̱ne̱' dxi'u!
¡Chadía chacanna dxexache lazre̱' dxi'u!
25 ¡Naque̱' Dios na', dxugawe̱' xúgute̱ da zaj naca ban!
¡Chadía chacanna dxexache lazre̱' dxi'u!
26 ¡Le güe lá'ana Dios chee̱ xabáa!
¡Chadía chacanna dxexache lazre̱' dxi'u!