149
1 ¡Le güe lá'ana Xránadxu Dios!
¡Le gul-la chee̱ Xránadxu tu da cube!
¡Le güe lá'ana Le̱' naga zaj nazraga bénneache chee̱'!
2 ¡Le be, le'e, benne' Israel, lau Bénnea' be̱ne̱' le'e!
¡Le sua xel-la' dxebé, le'e, zrale Sion, lau Bénnea' naque̱'
Wenná Bea chee̱le!
3 ¡Le güe lá'ana La Xránadxu, ne guxa'ale!
¡Le guchunchu xide ca', ne le quinne
da cun zríadi'i na du ca', dxue lá'anale Le̱'!
4 ¡Xránadxu Dios dxezaca ba lázrele̱ne̱' bénneache chee̱'!
¡Dxape̱' ba lá'ana benne' dxexruj lazre' ca', ne dxuselé̱' le̱'!
5 Dxal-la' xelebéqueze bénneache chee̱' lu da xabáa chee̱',
ne xelúl-le̱' dute̱ xel-la' dxelebé du xe̱la.
6 Dxal-la' xelebezre xe̱'e̱, xelúe lá'ane̱' Dios,
zaj nu'e̱ xia da zaj nalá dxupa la'ate̱,
7 chee̱ xelexebéaj lazre̱' benne' xe̱zr la xu ca',
ne xuludée̱' xel-la' zi' benne' xe̱zre ca',
8 ne xuluchéaje̱' benne' wenná bea chee̱' ca' du xia,
ne benne' dxelenná be'e̱ nen du xia,
9 ne xuluzría xi'e̱ benne' ca' ca ba nun Dios gaca chee̱'.
Da nigá gaca na da xabáa chee̱ bénneache chee̱ Dios.
¡Le güe lá'ana Xránadxu!