1 مَلٍكّ ندٍ نَشَ سٍ مَنِيَسٍ وُرِ دَاشِ سٌ ﭑ يِ رَ، عَ نُ قَ عَ قَلَ، «كٍلِ، عِ شَ عَلَ شَ هْرْ مْبَنشِ نُن سّرّشّبَدٍ مَنِيَ، عِ مَن شَ بَتُلَيٍ كْنتِ. 2 عِ نَشَ يِرٍ مَنِيَ نَشَن نَ تَندٍ، بَرِ مَ سِ فبّتّيٍ قَمَ مّننِ نَن تٌنفٌدٍ، عٍ قَ تَا سّنِيّنشِ كَنَ كِكٍ تٌنفٌ نَانِ نُن قِرِن بُن مَ. 3 ﭑ مَسٍنيِ سٌمَ ﭑ مَ سٍيدٍ قِرِنيِيٍ نَن يِ رَ، عٍ نَشَن تِمَ ﭑ شِلِ رَ شِ وُلُ كٍرٍن شِ كّمّ قِرِن نُن شِ تٌنفٌ سٍننِ بُن مَ، سُننُن دٌنمَ رَفٌرٌشِ عٍ مَ. 4 نَ سٍيدٍ قِرِنيِيٍ مِسَالِشِ عٌلِوِ وُرِ قِرِن نَن نَ، عَ نُن لَنثُي قِرِن نَشٍيٍ تِشِ دَالِ مَرِفِ يَ عِ. 5 شَ مِشِ ندٍ قَ وَ قٍ حَاشِ رَبَقٍ عٍ رَ، تّ نَن مِنِمَ عٍ دّ كُي، عَ عٍ يَشُييٍ شَ قٍ كَنَ. عِيٌ، شَ مِشِ ندٍ وَ مَ عٍ تْورْقٍ، نَ كَنيِ قَشَمَ نَ مْولِ نَن نَ. 6 سّنبّ نَ عٍ بّ كٌورٍ بَلَنقٍ رَ، عَلَكٌ تُنّ نَشَ قَ عٍ شَ نَمِحْنمّ وَلِ رَبَ تّمُي. سّنبّ نَ عٍ بّ يٍ مَسَرَقٍ وُلِ رَ، عَ نُن قُرٍ حَاشِ مْولِ وُيَشِ رَ مِنِقٍ دُنِحَ مَ عٍ وَ مَ عَ شْن مَ تّمُي نَشّ.»

7 نَ سٍيدٍ قِرِنيِيٍ نَ فّ عٍ شَ سٍيدٍحْشْيَ رَ، نَ سُبٍ نَشَن مِنِشِ يِلِ تِلِنشِ كُي، نَ نَن عٍ فٍرٍ مَ، عَ نْ عٍ رَ، عَ عٍ قَشَ. 8 عٍ قُرٍيٍ سَمَ نّ تَا بٍلٍبٍلٍ مَلَندٍ، عٍ مَرِفِ بَنبَن وُرِ مَفَلَنبُشِ مَ دّننَشّ. نَ تَا مَنِيَشِ سٌدٌ مَ نَن نَ، شَ نَ مُ عَ رَ مِسِرَ. 9 مِشِيٍ كٍلِمَ سِ، بْنسْي، شُي، نُن حَمَنّ بِرِن نَن مَ، عٍ قَ عٍ قُرٍ مَتٌدٍ شِ سَشَن نُن عَ تَفِ بُن مَ. عٍ مُ تِنمَ مِشِ شَ عٍ رَفَتَ.

10 مِشِيٍ قَمَ سّيوَدٍ دُنِحَ مَ نَ مِشِ قِرِنيِيٍ نَن قَشَقٍ رَ، بَرِ مَ نَ نَمِحْنمّ قِرِنيِيٍ نُ بَرَ مِشِيٍ تْورْ. عٍ سٍ ندٍيٍ قِ عٍ بٌورٍيٍ مَ نَ سّيوّ شَ قٍ رَ.

11 نَ شِ سَشَن نُن عَ تَفِ تٌ دَنفِ، عَلَ نَشَ نِي رَ سٌ عٍ قَتٍ، عٍ مَن شَ تِ عٍ سَنيِيٍ شُن نَ. نَشَن بِرِن عٍ تٌ، عٍ نَشَ فَاشُ كِ قَنيِ رَ. 12 نَ سٍيدٍيٍ نَشَ شُي سّنبّمَ ندٍ مّ كٍلِقٍ كٌورٍ مَ عَ قَلَقٍ رَ، «وٌ شَ تٍ هَن بٍ.» عٍ نَشَ تٍ كٌورٍ مَ نُشُي كُي عٍ يَشُييٍ يَ شْرِ. 13 نَ تّمُي، بْشِ نَشَ سّرّن. تَا عِتَشُنشِ قُ رَ، نَ دْشْدٍ قُ ندٍ نَشَ بِرَ. نَ بْشِ شَ سّرّنيِ نَشَ مِشِ وُلُ سٌلٌقٍرٍ قَشَ، مِشِ دْنشْييٍ نَشَ كَابَ، عٍ قَ عَلَ مَتْشْ، نَشَن نَ كٌورٍ مَ.

14 حَشَنكَتّ قِرِن ندٍ بَرَ دَنفِ، عَ فبٍ مُ لُشِ عَ سَشَن ندٍ قَن شَ قَ.

15 مَلٍكّ سٌلٌقٍرٍ ندٍ تٌ سَرَ قٍ، شُي عِتٍشِيٍ نَشَ مِنِ كٌورٍ مَ عَ قَلَقٍ رَ، «مَنفّيَ نَشَن نُ نَ دُنِحَ مَ، نَ بَرَ قِندِ مُشُ مَرِفِ نُن عَ شَ مِشِ سُفَندِشِ فبٍ رَ. عَ شَ مَنفّيَ بُمَ نّ عَبَدَن.»

16 نَ قٌرِ مْشْحّن نُن نَانِ، نَشٍيٍ نُ مَفٌرٌشِ كِبَنيِيٍ كُي عَلَ يَ عِ، عٍ نَشَ عٍ قٍلٍن بْشِ مَ، عٍ عَلَ بَتُ. 17 عٍ نَشَ عَ قَلَ، «مُشُ بَرَ مُشُ مَرِفِ عَلَ سّنبّ كَنيِ تَنتُ، نَشَن نُ نَ سِنفٍ هَن تٌ، بَرِ مَ عِ بَرَ عِ سّنبّ مَفَاشُشِ رَ مِنِ، عِ شَ مَنفّيَ شَ تِ دُنِحَ. 18 حَمَنّيٍ نُ بَرَ شْنْ، كْنْ عِ شَ شْنّ بَرَ عٍ لِ، كِيتِ وَشَتِ بَرَ قَ. نَ كُي، مِشِ قَشَشِيٍ مَكِيتِمَ نّ، عِ شَ كٌنيِ نَمِحْنمّيٍ عٍ سَرٍ سْتْمَ نّ، عَ نُن سّنِيّنتْييٍ، نُن نَشٍيٍ فَاشُمَ عِ شِلِ يَ رَ، دِ مّدِيٍ نُن قٌرِيٍ. نَشٍيٍ بَرَ دُنِحَ كَنَ، عٍ قَن شُن نَكَنَمَ نّ.» 19 عَلَ شَ هْرْ مْلِنفِرَ نَشَن نَ كٌورٍ مَ، عَ نَشَ رَبِ، بِرِن نَشَ عَلَ شَ سَاتّ كَنكِرَ تٌ نَشَن نَ هْرْ مْلِنفِرَ كُي. نَ تّمُي سٍيَمَكْنيِيٍ، فَلَنيِ شُييٍ، بْشِ سّرّنيِ، نُن بَلَبَلَنيِ بٍلٍبٍلٍ نَشَ مِنِ سّنبّ رَ.