कलस्‍सी
ब्रेक्‍ब मुर: एको चिठी पावलमी ब्रेक्‍शो बाक्‍ब।
गेना ब्रेक्‍शो: पावल रोम सहरम ग्‍याइक्‍चा पुंइसीशा ६२ ए. डी. थुम्‍ची ना कि ६३ ए. डी. गोची ना ब्रेक्‍शो बाक्‍ब।
मारदे ब्रेक्‍शो:
१. येसु ख्रीस्‍त प्रभु बाक्‍ब। कलस्‍सी १:१३-२९
२. थमा सुइक्‍ब आन ग्रुम्‍तीक खिं दोदेंशो दुम्‍चा माल्‍ब। कलस्‍सी २:१-२३
३. थमा सुइक्‍ब दोपा बाक्‍चा माल्‍नीमी नु नोले ङा लोव़। कलस्‍सी ३:१-४,६ नु ४:१८ सम्‍म
1
ङोंइती ङा लोव़
गो परमप्रभु यावे आ दाक्‍शो पा, ख्रीस्‍त येसु आ सोइश्‍शो पावल नङ। इं लोक्‍ब तिमोथी गो नु बाक्‍ब।
गो कलस्‍से सहर ङा परमप्रभु यावे कली थमा सुइक्‍ब नु ख्रीस्‍तमी बाक्‍शो लोक्‍ब इन कली चिठी ब्रेक्‍ताक्‍ङ। इं आफ परमप्रभु यावेमी इन कली शिशी पा थुं नाइक्‍चा गेवल।
कलस्‍सी आन पर्बम प्रार्थना
गो निक्‍शीमी इन पर्बम प्रार्थना पस्‍कुनु, इं प्रभु येसु ख्रीस्‍त आ आफ परमप्रभु यावे कली “गे रिम्‍शो पाइतीनी” देंनस्‍कु। मारदे हना गेपुकी ख्रीस्‍त येसु कली थमा सुइक्‍तीनी। मिनु थमा सुइक्‍ब नेल्‍ल आन कली दाक्‍नीनी, देंशो नेंतस्‍कु। स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४ इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।
इपाफ्रास आंस दाक्‍शो लोक्‍ब, गो निक्‍शी नु गेय पाइब। मेको रिम्‍शो पा ख्रीस्‍त आ लोव़ इन कली शेंब दुम्‍त। कलस्‍सी ४:१२; फिलेमोन २३ मेकोमी आंस कली गे परमप्रभु यावे आ सोक्‍तीम पतीके मुर आन कली दाक्‍नीनी, दे इन पर्बम तुइक्‍पाइक्‍तस्‍की।
मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७ 10 इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७ 11 इन छेङछेङ ङा सक्ति खोदेंशो पा मेको आन कली सक्ति पाइश्‍शो, बोल्‍यो सेलीन। मिनु सक्ति पाइश्‍शो बोल्‍यो दुम्‍शा, मारेइ मारेइ फाल्‍ने चाप्‍नीम” दे प्रार्थना पाइतस्‍कु। 12 इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४ 13 मेकोमी इं कली छिङछिङ ङा राज्‍य ङा अधिकार रे ग्रुंइशा, आ दाक्‍शो तौ आ राज्‍यमी ओंइताक्‍व। कलस्‍सी २:१५ 14 मेकोमी इं कली मरिम्‍शो रे प्रोंइशा, इं पाप क्‍याम्‍ताक्‍व। एफिसी १:७
येसु ङोंइती ङा बाक्‍ब
15 सुइमी तने मचाप्‍शो परमप्रभु यावे खोदेंशो येसु ख्रीस्‍त रागी सेल्‍चा ङोंइती रेन बाक्‍त। हिब्रू १:३; प्रकाश ३:१४ 16 सरीङ नु रागीमी बाक्‍ब, तांइसीब नु मतांइसीब नेल्‍ल, पिपपुकी, मान पचा पुंइसीबपुकी, हुकुम पाइबपुकी, अधिकार पाइब नेल्‍ल नु मार मार सेल्‍शो बाक्‍मा, मेको नेल्‍ल येसु ख्रीस्‍तमी आंम कली सेल्‍तु। यूहन्‍ना १:३,१०; हिब्रू १:२ 17 मोपा मेको नेल्‍ल आन क्‍येङा ङोंइती ङा बाक्‍ब। मिनु नेल्‍ल आन कली बाक्‍चा गेब यो बाक्‍ब। 18 थमा सुइक्‍बपुकी रां का बाक्‍तेक्‍म हना, येसु ख्रीस्‍त मेको रां आ पिया बाक्‍ब। मेको नेल्‍ल आन क्‍येङा ङोंइती ङा दुम्‍शा, ङोंइती बेक्‍शो रे सेंसीब यो बाक्‍ब। मोपा नेल्‍ल आन क्‍येङा ठेयब बाक्‍ब। एफिसी १:२२; प्रेरित २६:२३; १कोरिन्‍थी १५:२०; प्रकाश १:५
19 मिनु परमप्रभु यावेमी “आं सक्ति नेल्‍ल मेको आगामी बाक्‍शो दाक्‍नुङ” दे ग्‍येरसाक्‍व। २कोरिन्‍थी ५:१०; कलस्‍सी २:९; यूहन्‍ना १:१६; एफिसी १:२३ 20 परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२
परमप्रभु आ नेक्‍था दुम्‍पाइश्‍शो
21 ङोंइती गेपुकी परमप्रभु यावे क्‍येङा ङोन दुम्‍शा, इन थुंमी मेको कली ममिम्‍थु, मरिम्‍शो पना पन बाक्‍तीनी। एफिसी २:१२-१३; एफिसी ४:१८; रोमी ५:१० 22 मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७ 23 गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।
पावल आ श्‍येत नु गेय
24 मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१० 25 परमप्रभु यावे आ पतीकेमी मेको आन कली शेंब दुम्‍ती। परमप्रभु यावेमी आ लोव़ नेल्‍ल मेको आन कली शेंतीक गेय गेती। मोपा आ लोव़ खाप्‍चा कली शेंब सेल्‍ती। 26 साइ ङोंइती रे परमप्रभु यावे आ मिम्‍शो ख्रुइश्‍शो बाक्‍त। मुल चहिं मेको आ मुर आन कली कोंइशो बाक्‍त। रोमी १६:२५; एफिसी ३:३-६ 27 परमप्रभु यावेमी मेको आन कली “आं ङोंइती ख्रुइश्‍शो लोव़ अर्को रागी ङा मुर आन कली गिश रिम्‍शो, गिश ठेयब बाक्‍ब” दे तुइक्‍पाइक्‍तु। मेको ख्रुइश्‍शो लोव़ मार बाक्‍ब देंशा हना, ख्रीस्‍त इन आगामी बाक्‍ब। मिनु इन कली परमप्रभु यावे आ छेङछेङम बाक्‍चा गेब आस यो ख्रीस्‍तम बाक्‍ब। १तिमोथी १:१ 28 गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी। 29 मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।