याकूब
ब्रेक्‍ब मुर: एको चिठी ब्रेक्‍ब याकूब बाक्‍ब। मेको येसु आ लोक्‍ब बाक्‍त। गलाती १:१९ मेको यरूसलेम ङा थमा सुइक्‍ब आन शेंब दुम्‍त। गलाती २:१; प्रेरित १५:१३-२१ मेको ६२ ए. डी.म फुल्‍लु आप्‍शा साइक्‍चा पुंइसाक्‍व।
गेना ब्रेक्‍शो: एको किताब ४४ ए. डी. रे ५० ए. डी. दातेमी ब्रेक्‍शो बाक्‍त।
मारदे ब्रेक्‍शो: येसु ख्रीस्‍त कली थमा सुइक्‍तीके मुर आन पशो गेयमी तांइसीब, दे रुप्‍पाइक्‍चा कली ब्रेक्‍शो बाक्‍ब। थमा सुइक्‍ब आन पतीके मार बाक्‍ब, दे शेंतीके बाक्‍ब।
1
ङोंइती ङा लोव़
गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।
थमा सुइक्‍तीके दोपा ठीक दुम्‍बा
आं लोक्‍बपुकी, इन थमा सुइक्‍तीके ठीक बाक्‍म कों, मबाक्‍म, दे थुं थाम्‍चा पुंइसाक्‍नी हना, ग्‍येरसीने। रोमी ५:३-५; १पत्रुस ४:१३ मारदे हना इन थमा सुइक्‍चा ठीक बाक्‍त हना, गेपुकी खोइली थेक्‍शा शुश फाल्‍ब दुम्‍नीनी। येसु ख्रीस्‍त कली थमा सुइश्‍शा, खोइली थेक्‍शा बाक्‍शोमी परमप्रभु यावे आ ङोंइती इन कली ठीक सेल्‍ब। मोपा परमप्रभु यावे नु बाक्‍चा कली थम रिम्‍शो नु ठीक दुम्‍शा, अरु मारेइ ममाल्‍नीनी।
तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६ परमप्रभु कली पुंइनीनु “आं पुंइशो गेब” दे थमा सुइश्‍शा पुनीन। “तुइक्‍ब थुं गेबा कों, मगेबा” दे थमा मसुइक्‍ब मुर खोदेंशो पा मपुनीन। मोदेंशो मुर फशेम नेप्‍शो समुन्‍द्र ङा ब्‍वाक्‍कु खोदेंशो बाक्‍ब। मर्कूस ११:२४; १तिमोथी २:८ मोदेंशो मुरुम मारेइ मताइब। थुं निक्‍शी पाइश्‍शो मुर आ थुं कामी परमप्रभु यावे आ लां खोइक्‍ब, थुं कामी मुर आन लां खोइक्‍ब।
प्रुङग नु क्‍येट थीब मुर
मिनु इन दातेमी सुइ प्रुङग थमा सुइक्‍ब लोक्‍ब बाक्‍त हना, मेकोमी “परमप्रभु यावेमी आं कली ठेयब मुर सेल्‍ती” दे ग्‍येरसेक्‍ल। याकूब २:५ 10 मेकेर थमा सुइक्‍ब क्‍येट थीब मुर बाक्‍त हना, मेकोमी “गो परमप्रभु यावे आ ङोंइती पुंइब दुम्‍शा, आं पुंइशो गेब” दे ग्‍येरसेक्‍ल। क्‍येट थीब मुर बोइश्‍शो फू बेक्‍शो खोदेंशो पा सोल बेक्‍नीम। १तिमोथी ६:१७; १पत्रुस १:२४ 11 नां दाप्‍शा ङा मिन शुश हुप्‍तानु, घांस नेल्‍ल सोल सुल बेक्‍नीम। मिनु आन फू सफा नेल्‍ल हेम्‍नीम। मोपा आ दार‍स जाम्‍ब। मेको खोदेंशो पा क्‍येट थीब मुर यो आ गेय पस ङा पस बेक्‍नीम। यसैया ४०:६-७
ब्रोंइतीक सिरपेच
12 सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८ 13 पाप पचा चिक्‍शो मुरुमी “परमप्रभु यावेमी आं कली पाप पपाइक्‍चा चिक्‍ताक्‍व” दे गेनायो देंचा मदुम्‍ब। मारदे हना सुइमी परमप्रभु यावे कली थुं नाक्‍शा, पाप पपाइक्‍ने मचाप्‍‍ब। आं यो सुइ कली पाप मपपाइक्‍ब। 14 मुरपुकीमी दोपा पाप पाइनीम देंशा हना, आंम दला दाक्‍स पा पाप पाइनीम। उत्‍पत्ती ३:६; रोमी ७:७-८ 15 मोपा दला दाक्‍स पामेनु, पाप ग्रूब। मेको पाप बारने थुमानु, मेको मुर नरकम लाइनीम। मेको पाप पतीके बाक्‍ब। रोमी ७:१० 16 आं दाक्‍शो थमा सुइक्‍ब लोक्‍बपुकी, दूली लां मखोतीन।
17 हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५ 18 परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३
परमप्रभु आ लोव़ नेंशा पचा
19 आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९ 20 चुरब मुरुमी परमप्रभु आ ठीक पतीके मपाइब। 21 मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१
22 गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३ 23 सु परमप्रभु यावेमी देंशो लोव़ नेंशा मपाइबा, मेको ऐना कोव़ब मुर खोदेंशो बाक्‍ब। 24 मेको मुरुमी ऐना कोव़शा, आ कुल दोदेंशो तांइसे, मेको यु प्रेंब। 25 सुमी इन कली प्रोंइने चाप्‍ब परमप्रभु यावे आ ठीक पतीके अरेशो लोव़ नेंनीमी, नेंचा ला ममाइ पना पन यो बाक्‍नीमी, मेको मुर आन पतीकेमी आसीक ताइनीम। याकूब २:१२; रोमी ८:२; यूहन्‍ना १३:१७
26 सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१० 27 मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।