Endagano Empia YAKOOBO 1
Ebaruwa eya
YAKOOBO
Amangʼana ku owuimpi
Ebaruwa eya Yakoobo yajojwa ni Yakoobo, owawanga omukulu ku wamwawu Yesu wandi, agati eya emiaka egia 45–48. Awandi waingirizia mbwe yajojwa mu emiaka egia 50 okugia emberi. Yakoobo yawanga omukangasi omunene otiirwe agati eya *awagaaka awa ekaniisa eya Awakristo eya Yerusaleemu. Yajoja ebaruwa eno ku Awakristo *Awayaudi awaatanyika mu ewialo ewingi, andi ni warumuka eminyako-nyaako egia-amba Awakristo Yerusaleemu. Ebaruwa eno elagana mbwe Yakoobo ajojera Awayaudi kandi awa-ambia amaani na awalaga mbwe wasikie emioyo namba mu eminyako-nyaako egia wawona.
Yakoobo ajoja na awagerera kiomo Omukristo asugaane amenye na awula okuitumbula, okuisemerezia mu amiiso aga awantu, okuiluguuzia, olusa oluwiiwi, okuagala okungi, okuisemerezia, enkola ezia ekialo, okusoolana no okuwoola awantu. Awoola mbwe Owukristo owulootu wugolola amangʼana amawiiwi gano aeniki okuganya okuwula enkola endootu, kuri okuganya okufwire. Omuntu oganyire no okuganya okuri kuwuene, awa no owulamu owulootu mala kiomo omuti omulootu guama ensaafu endootu. Amangʼana gaae galondorezia engerera eya Yesu yagerera ku ekigiri (Math 5—7), na asiwrania alala okuganya ne enkola, mbwe ne ekintu ekilala ekitaesa okugawulwa. Okugaluka okwa owulamu owua Omukristo paka kuilagane mu enkola kiomo okuiorezia, owuolu, okusawa, owueru, okurindirra, olugonzi alala no owusiza.
1
Ni inze Yakoobo *omutumwa owa Katonda no *Omwami Yesu *Kristo.
Mbajojera inywe ewiriango ikumi ni wiwiri ewia Israeli, ewitanyiike mu ewialo.* Yakoobo awoola mbwe awantu awari no okuganya ku Omwami Yesu wari ki ewiriango ikumi ni wiwiri ewia Awaisraeli ewiataanyiwua mu ewialo wiona na awazigu waawu.
Mutuukre amakeezio gange. Mari 6:3; Awat 21:18; 1Kori 15:7; Gala 2:9
Waamwifu, mutoole okugeezaniwua okwa mugeezaniwua mu engira enyingi no owusangaavu, aeniki mumanyire mbwe okuganya kwinyu ni kugeezaniwua muwa no olutuunyo. Awaru 5:3–5; 1Pet 1:6–7; 4:13 Mureke olutuunyo lumale emirimo, nikwo muuza okuwa awantu awakomere kandi awatuufu awatakeeyirwe ne ekintu-ukintu. Omuntu na akeeyire amaganga asugaane asawe Katonda, oesania ku awantu woona no owusiza na atagawuule omuntu, kandi Katonda aaza okumu-aa. Emfu 2:6 Ni na asawa, paka awe no okuganya okuwulamo kaoozi, aeniki omuntu ori ni kaoozi afwana amasiira aga enyanza agawuutwa ni gairwa eno ne eno no omuyaga. Math 7:7; Efee 4:14; Yako 5:13 Omuntu oyo ngasugaane aingirizie mbwe aesa yatuukra ekintu-ukintu ku Omwami Katonda. Agawuuke kawiri mu amaingirizio kandi aluga-luga mu ewintu wiona ewia akola.
Omukristo ori ansi mu amiiso aga wa awa ekialo, asugaane awe omusangaavu aeniki emberi wa Katonda ari kungulu ino. Yako 2:5 10 No omunyazi asugaane awe omusangaavu ku okuisiwua kwae ansi ni Katonda, aeniki aaza okuteeka ki amauwa aga isuwi eria mu isaka. Yako 5:1 11 Aeniki enyanga ne efumre no owuyu wuayo, wusamba owusuwi nawuno amauwa gaagwa ansi kandi owulootu wuawuo wuaoneka. Mu engira endala eyo, omunyazi aaza okuteeka namba na akiakola emirimo giae. Isaa 40:6–8; 1Pet 1:24 Ayub 14:2; Zabu 103:15–16
12 Kuwuene omuntu okola olutuunyo mu eminyako-nyaako asereekwe, aeniki na amiire okukira okugeezaniwua, aaza okutuukra ekigudu ekia owulamu ekia Katonda amiire okuifuuwira awantu awamugonziizie. 1Kori 9:24–25; Yako 5:11
13 No omuntu ageezaniwua, ngasugaane awoole mbwe, “Katonda angeezaania” yaaya aeniki Katonda ngaesa okugeezaniwua okukola owuoni yaaya, lwona ngageezaania omuntu. 1Kori 10:13 14 No omuntu ki omuntu ageezaniwua no, okuagala okuwiiwi okwa ari nakwo iye omwene kumukulula kandi yasemereziwua. 15 Okuagala okuwiiwi ni kumiire okuamba isaai, kuiwula owuoni. No owuoni ni wumiire okukoma, wuiwula olumbe. Awaru 6:19–21; Gala 5:16–21; 1Yow 2:16–17
16 Mutaaza mwasemereziwua waamwifu awa ngonziizie. 17 Okufumia okulootu ne empanwa ewulako embala wiona wiema ku igulu ni wiika ansi okuema ku Soifu owaluka ewimuri ewimurika ku igulu wiona, otagaluka-galuka ki ekiiruuzia. Emba 23:19; Mala 3:6; Math 7:11 18 Ku okuagala kwae, yatuiwula ni kuwitra ku amangʼana gaae agari kuwuene, kugere ifwe tuwe ki ensaafu ezisookere Awantu awatengeekrwe Katonda wari ki ensaafu ezisookere ezia *Awayaudi waatengekranga Katonda. ku ewintu ewia yaluka wiona. Yowa 1:13; Awaru 8:19–23; 1Pet 1:23
Okutegerezia no okukola
19 Wamwifu awa ngonziizie, muwe no okumanya mbwe omuntu ki omuntu asugaane awe omwangu okutegerezia amangʼana, ogia mpola okugamba-gamba kandi ogia mpola okuyia enda. Yako 3:2–12 20 Ee, aeniki okuyia okwa enda ngakureeta owulamu owuigoloole owua Katonda aagala mbwe awantu wamenye, yaaya. 21 Kutio murekane ilala ne ewintu ewimwamu ewitasugaane wiona alala na amawi agaizuule ekialo kandi mutoole amangʼana amalootu agamiire okusimbwa mu owulamu wuinyu, ni muisiizie ansi. Kolo 3:8; Efee 4:20–24
22 Mutaaza mwawa mala awantu awawurra-uwurra amangʼana aga Katonda, aeniki okukola otio no okuisemerezia wusaasa. Mukole ekia amangʼana ago gawoola. Math 7:21–27; Yako 2:14–20 23 Omuntu-umuntu owurra amangʼana aga Katonda ni yareka okukola ekia amangʼana ago gawoola afwana omuntu owarra ekieni kiae mu ekiyoo 24 ni, na amiire okuiwona, afuma kandi yalawira che kiomo omwene afwanana. 25 No omuntu owarra amangʼana agari mu *ensikirra endamu ezia Katonda enyinga ziona, ensikirra ezisiwula awantu waawa owuyanga, kandi na akola ekia amangʼana ago gawoola aa atalawiire ewia awuriire, Katonda aaza okumusereka iye, mu ewintu ewia akola wiona. Yowa 8:32; 13:34; Gala 2:4; 6:2; Yako 2:12, 24
26 No omuntu aiwona mbwe asawa Katonda mu engira eri kuwuene, ni kandi ngarindre olurimi lwae wukalu, aisemerezia wusaasa kandi okusawa okwa asawa Katonda kuwula emirimo. Zabu 141:3; Yako 3:2, 8–10 27 Okusawa Katonda okwa Soifu Katonda aganyire nakwo ki okweru kandi okuwulamo embala kuri kutino: okurinda awaana awawisa na awakazi awafwire mu eminyako-nyaako giawu kandi omuntu okuirinda ekialo kitamumwamia. Zabu 10:14, 18; Isaa 1:17; 1Yow 2:15–17

*1:1 Yakoobo awoola mbwe awantu awari no okuganya ku Omwami Yesu wari ki ewiriango ikumi ni wiwiri ewia Awaisraeli ewiataanyiwua mu ewialo wiona na awazigu waawu.

1:1 Mari 6:3; Awat 21:18; 1Kori 15:7; Gala 2:9

1:3 Awaru 5:3–5; 1Pet 1:6–7; 4:13

1:5 Emfu 2:6

1:6 Math 7:7; Efee 4:14; Yako 5:13

1:9 Yako 2:5

1:10 Yako 5:1

1:11 Isaa 40:6–8; 1Pet 1:24

1:11 Ayub 14:2; Zabu 103:15–16

1:12 1Kori 9:24–25; Yako 5:11

1:13 1Kori 10:13

1:15 Awaru 6:19–21; Gala 5:16–21; 1Yow 2:16–17

1:17 Emba 23:19; Mala 3:6; Math 7:11

1:18 Awantu awatengeekrwe Katonda wari ki ensaafu ezisookere ezia *Awayaudi waatengekranga Katonda.

1:18 Yowa 1:13; Awaru 8:19–23; 1Pet 1:23

1:19 Yako 3:2–12

1:21 Kolo 3:8; Efee 4:20–24

1:22 Math 7:21–27; Yako 2:14–20

1:25 Yowa 8:32; 13:34; Gala 2:4; 6:2; Yako 2:12, 24

1:26 Zabu 141:3; Yako 3:2, 8–10

1:27 Zabu 10:14, 18; Isaa 1:17; 1Yow 2:15–17