120
1 Ko e lau ʻa Tevita ʻi he fai kovi ʻa Toeki. 3 ʻOku ne valoki ki hono ʻelelo. 5 ʻOku ne mamahi koeʻuhi ko ʻene nonofo mo e angahala.
Ko e Hiva ʻae ʻalu hake.
1 Naʻaku tangi kia Sihova ʻi heʻeku mamahi,
pea naʻa ne ongoʻi au.
2 ʻE Sihova, fakahaofi hoku laumālie mei he loungutu loi,
pea mei he ʻelelo kākā.
3 Ko e hā ʻe ʻatu kiate koe?
He ko e hā ʻe fai kiate koe, ʻa koe ko e ʻelelo kākā?
4 ʻAe ngaahi ngahau māsila ʻae tangata mālohi,
mo e ngaahi malalaʻi afi ʻoe sunipa.
5 ʻOku ou malaʻia, ko e meʻa ʻi heʻeku ʻāunofo ʻi Meseki,
koeʻuhi ko ʻeku nofo ʻi he ngaahi fale fehikitaki ʻo Keta!
6 Kuo nofo ʻo fuoloa ʻa hoku laumālie
fakataha mo ia ʻoku ne fehiʻa ki he melino.
7 ʻOku ou loto ki he melino:
ka ʻi heʻeku lea ʻoku nau fie tau.