BABYOR ROK
EZEKIEL
Murung’agen e Re Ke Babyor Ney
Ezekiel ni profet e i par nib fos u m’on nge nga tomuren e ngiyal’ nni kol yu Jerusalem riy ko duw ni 586 u m’on ndawori yib Kristus. I machibnag e thin rok Got ngak e girdi’ nni fekrad nga Babylon ngar kalbusgad nge ngak e girdi’ nu Jerusalem. Babyor ni Ezekiel e nel’ guruy: 1) Pining Got Ezekiel ni nge mang ba profet. 2) Thin rok Got ngak e girdi’ nu Israel ni be yog ngorad ni bayi waer yu Jerusalem ko mael min kirebnag. 3) Thin rok Got ngak boch e nam ni yad be gafgownag e girdi’ rok nu Israel ma yad be waliyrad ni ngar meybilgad ngak yugu boch e got. 4) Thin rok Got ni be fal’eg laniyan’ e girdi’ rok nga tomuren ni waer yu Jerusalem ko mael, ma be pi’ e pagan’ ngorad ni bay ki sul e nam nga rogon nge fel’. 5) Thin rok Got nib togopluw ngak Gog. 6) Murung’agen Ezekiel nni piliyeg e changar rok nge guy e tempel nge nam nike sul nga rogon.
Ezekiel e be’ nib gel e michan’ rok ngak Got. Pire’ yay ni piliyeg Got e changar rok me dag ngak e n’en ni nge weliy ngak e girdi’ nu Israel. Bo’or ban’en ni i machibnag ngak yu Israel u fithik’ e fanathin. Ezekiel e yog ngak e girdi’ ni ngar thiliyeged lanin’rad nge pangirad, ma nge be’ ma nge pi’ keru’ ko denen ni be ngongliy, ya aram rogon me sul e nam nga rogon. Ezekiel e ir reb e prist, ma ku ir reb e profet, ma ba’adag ni nge fel’ rogon e maruwel u tempel ma nge fol e girdi’ rok Got.
Gathon e Re Ke Babyor Ney
Ezekiel nni Pining 1:1—3:27
Thin e Riya’ ni nge Aw nga Jerusalem 4:1—24:27
Got ni Gechignag e pi nam 25:1—32:32
N’en ni Micheg Got ngak e girdi’ Rok 33:1—37:28
Yi’iy nib Togopluw ngak Gog 38:1—39:29
Ezekiel ni guy e bin kabay nga m’on e Tempel nge Nam 40:1—48:35
SOM’ON NI PIG E CHANGAR ROK EZEKIEL NGE GUY GOT
1
(1:1—7:27)
Tagil’ Got
Bin lal e rran ko pul ni aningeg ko duw ni guyey e ug pired e girdi’ nu Israel ni kan fekmad u Israel nga Babylon ni kalbus, ma gamad be par u to’oben e lul’ ni Kebar. Me mab lanelang me piliyeg Got e changar rog me dag ban’en ngog. Rev 19:11 ( Ke yan i gaman lal e duw nap’an ni kan fek Jehoyakin ni Pilung nga wuru’ e nam nib kalbus.) U rom u Babylon u to’oben e lul’ ni Kebar, e gu rung’ag lungun SOMOL riy ni non ngog mu gu thamiy gelngin u fithik’ag.
Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy. Mu gguy aningeg i ban’en nib fos ni bod ya’an e girdi’ u lukngun fa gi manileng, 1:5, 18 Rev 4:6 machane ra bagayad ma aningeg owchen ni bay ma aningeg raba’ i pon. Ayrad e ba k’iy, ma rifrif u ayrad e bod rifrifen ay e garbaw. Ma be galgael rama’erad ni bod e bronze ni ka ni gichiy. Ra bagayad ma aningeg raba’ i pa’ ni bod ya’an pa’ e girdi’, nra baraba’ i pon bagayad ma bay reb e pa’ef u tanggin. Ra bagyad ma l’agruw raba’ i pow ni ka ra pithiged ka ra kahol gad u but’ ni be math taban ponrad nga ta’bang. Nap’an ni yad ra mithmith miyad yan nib kean, ni dariy bagyad ni be cheal.
10 Ra bagayad ma aningeg owchen ni bay. Bin nib sap nga m’on i owchen e bod owchen e girdi’, ma mat’aw riy e owchen e layon, ma owchen e garbaw ni pumo’on ko ba’ ni gil’ay, ma ba owchen i arche’ ni eagle nga keru’. Rev 4:7 11 Ra bagayad ma ke k’iyag l’agruw raba’ i pon ke yan i math nga taban pon e bin migid ngak, ma gal raba’ i pon nike magey e ke upunguy downgin ngay. 12 Ra bagayad ma aningeg yang ni ba changar ngay; gin yad ra finey ni ngranod ngay miyad yan ni dab ra chelgad.
13 Mu thilin e pin’em nib fos e ba’ ban’en riy ni bod ba mol’ ni be daramram ni yugu be yan u thilrad. Bayi n’en me daramram ni ba ga’ ram’en me matmat e uluch riy. Rev 4:5 14 Ma pin’em nib fos e yad be yan nga m’on ma yad be sul nga tomur ni bod machregin e uluch ni be mat.
15 Ma nap’an ni gu be changar ngorad, mu gguy aningeg i tayapyap nike math nga daken e but’, nra reb ma bay u charen reb fa pin’em nib fos. 16 Ra reb e pi tayapyap nem ma be galgal ram’en ni bod ram’en e malang nib tolang puluwon, ma aningeg ni ta’reb rogon ya’an. Ma ra reb e pi tayapyap nem ma ke yib reb i th’ab lukngun, 17 ni fan e pi tayapyap nem e rayag ni nge yan nga m’on nge nga tomur nge nga baraba’ nge nga baraba’. 18 Mirichlen e pi tayapyap nem e ba sug ko lanmit. Rev 4:8
19 Ra yan fa pin’em nib fos me un fapi tayapyap ngorad ko yan, ma yad ra yan u but’ ngalang me un fapi tayapyap ngorad. 20 Fa pin’em nib fos e demturug e gin yad ra finey ni ngranod ngay miyad yan, ma fapi tayapyap e ku yad be un ko n’en ni be rin fa pin’em nib fos, ya fa pin’em nib fos e yad be gagiyegnag e pi tayapyap nem. 21 Gubin yay nra yan fa pin’em nib fos ara rtalgad, ara ranod ngalang u fithik’ e nifeng, ma aram e n’en nra rin’ fapi tayapyap.
22 Ma puluwon lolugen e pin’em nib fos ngalang e ba’ ban’en riy ni bod ya’an ba th’ib ni kan polpoluy nni ngongliy nga bogi ban’en ni bod e melor nib galgal ram’en. 23 Ma tan e ren’em ni bod e th’ib e ra reb fa pin’em nib fos ma ke k’iyag ruw raba’ i pon nge yan ngak e gal ni migid ngak ma ke upunguy downgin ko gal raba’ i pon nike magey. 24 Mu gu rung’ag lingan porad ni yad ra changeg ma ba’aray rogon, be yan lingan ni bod lingan e day ni cham u regur, ma bod lingan baraba’ i salthaw ni pire’ ni pire’, ma bod laman Got ni Gubin ma Rayag Rok. Ma yad ra tal ko changeg miyad duguy porad, Rev 1:4–15; 19:6 25 machane kabay lingan ban’en ni be yib ko fare th’ib ni bay u puluwon lolugrad ngalang.
26 Ma puluwon fare n’em ni bod ya’an ba th’ib ni kani polpoluy ngalang e bay tagil’ be’ riy nni ngongliy nga bmit e malang ni bfel’ ya’an ma ba t’uf ni sapphire fithingan, ma en nike par ngay e bod ya’an ba girdi’. Rev 1:13; 4:2 27 Ma rogon ram’en e bod e bronze ni bay u mit e nifiy, ni be gal’ gubin yang nib ga’ ra’en 28 ni gubin e ra’en ko ragim ma bay riy. Irera’ fare ra’en nib maluplup ni be dag e gin bay SOMOL riy.
Got ni pining Ezekiel ni nge mang reb e profet
Nap’an ni gguy e ren’ey, mu gu thig nga but’ ni gu ba palpal. Ma aram mu gu rung’ag ba lam

1:1 Rev 19:11

1:5 1:5, 18 Rev 4:6

1:10 Rev 4:7

1:13 Rev 4:5

1:18 Rev 4:8

1:24 Rev 1:4–15; 19:6

1:26 Rev 1:13; 4:2