1 Le goḻ ḻaw X̱anžo Dios, ḻe'e zoale dot yežlyó nga.

2 Le wká'n ẕen Ḻe' ḻen yeḻa' žebele chele.

Le da ḻawe' Ḻe', žoḻ-le ḻen yeḻa' žebele.

3 Batkle gaḻ ḻáže'le X̱anžon' nakkze' Dios.

Ḻe' bene' žo'o, na' nakžo chekze' Ḻe'.

Nakžo benách chie' ka', na' ẕíla'do' chie' ka'.

4 Le cho'o yodo' chie', na' ye'le-ne': “Žóx̱keno'”,

na' ḻo ẕchil chen, we ḻawle Ḻe'.

Le yi'e: “Žóx̱keno'”, na' le wká'n ẕen La la'y chie'.

5 Chawe' nak X̱anžon' na' sóateze yeḻa' ži'i ḻaže' chie'.

Yeḻa' ḻi ḻaže' chie' soan to chi'ize.