1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །གནས་མཆོག་ནང་དུ་དཀོན་མཆོག་ཉིད་ལ༌བསྟོད། །ནུས་མཐུ་མངོན་སའི་དབྱིངས་སུ་ཁོང་ལ༌བསྟོད།། 2 མཐུ་ལྡན་འཕྲིན་ལས་རྣམས་ཕྱིར་ཁོང་ལ༌བསྟོད། །མཐའ་ཡས་ཆེ་བར་འཚམ་པའི་བསྟོད་པ༌ཕུལ།། 3 རྭ་དུང་སྒྲ་དང་བཅས་པར་ཁོང་ལ༌བསྟོད། །རྒྱུད་མངས་པི་ཝང་དང་བཅས་ཁོང་ལ༌བསྟོད།། 4 སིལ་རྔ་བྲོ་གར་མཉམ་དུ་ཁོང་ལ༌བསྟོད། །རྒྱུད་མང་དང་ནི་འཕྲེད་གླིང་གིས་ཀྱང༌བསྟོད།། 5 སྒྲ་ཆེའི་སྦུག་ཆལ་དང་བཅས་ཁོང་ལ༌བསྟོད། །སྐད་ཆེའི་སིལ་སྙན་དང་བཅས་ཁོང་ལ༌བསྟོད།། 6 དབུགས་ཐོགས་ཀུན་གྱིས་ཡ་ཝཱེར་བསྟོད་པ༌ཕུལ། །ཁྱོད་ཚོས་ཡ་ཝཱེ་ལ་ནི་བསྟོད་པར༌གྱིས།། །།