DJESUWALAŊUWUY DHÄWU MATHUYUWUŊ WUKIRRIWUY
Dhuwal nhe dhu ŋurruŋuny nhäma
Mathuyuynydja gan ŋunhi dhäwu wukirri bala walalaŋ Djuw bäpurruw. Ga gämurruwnydja ŋayi ŋunhi wukirriny dhuwal dhäwuny, märr ŋayi dhu maŋutji-wurrupan walalaŋgal ŋunhi Djesuny dhuwal Maŋutji-dhunupayanhawuy, ga Walŋa-wiyinŋumirr Buŋgawa Ŋurru-warryunayŋu.
Ga ŋurruyirr'yundja ŋayi dhuwal Manymaktja Dhäwu lakaram ŋunha ŋathil mala-ŋurrkanhayŋuny yolŋuny walalany, märr ŋayi ga ŋunhi dhiyaŋiyiny warraŋulkuman lakaram ŋunhi Djesuny dhuwal mala-bunhawuy Geŋ-Daybitkuŋ ga Yipurayimguŋ ŋunhi ŋayi gan ŋäthil ŋunha Ŋäthiliŋuy Dhuyuy Djorray' lakaraŋal. Ga yaka ŋayi ŋunhi Djesu maḻŋ'thuna dhiyal dhuḏi-dhäwumiriwnydja, bili walalnydja ŋunhi wäyin-djägamirrnydja mala ga gaḏamandja yolŋu walal marrtjin muka nhanŋu buku-ŋal'yunarawnydja. Ga walalawuynydja gan ŋunhi Djuw bäpurruny yolŋu walal galkurr nhanŋun ŋunhi Maŋutji-dhunupayanhawuywun yolŋuw. Yurr ŋunhi ŋayi Djesuny dhawal-guyaŋan, walalnydja ŋanya ŋunhi Djuw bäpurruynydja yakan dharaŋana nhänha, bili walalnydja gan ŋunhi gatjpu'yurr wiripuŋuw warray Buŋgawaw Ŋurru-warryunayŋuw.
1
Djesuny dhuwal yarraṯaŋur dhiyakuwurruŋgal
The Ancestors of Jesus
Mathuyu 1.1-17
(Luk 3.23-38)
1 Dhuwandja yarraṯaŋur wäwa'mirriŋuwal, ga yan bili ga gäthu'mirriŋuwal, ga yan bili ga märi'mumirriŋuwal, ga yan bili ga yuṯawalnha bäpa'mirriŋuwal.
Dhuwandja Djesuny yarraṯaŋur, ŋunhi ŋayi Maŋutji-dhunupayanhawuy God-Waŋarrwuŋ, ŋunhi ŋayi mala-bunhawuynydja Daybitkuŋ,* David ga ŋayiny Daybittja mala-bunhawuy Yipurayimguŋun.* Abraham
2 Ga ŋayiny Yipurayimdja bäpa'mirriŋu Yitjakkun,* Isaac
ga ŋayiny Yitjaktja bäpa'mirriŋu Djaykupku,* Jacob
ga Djaykuptja bäpa'mirriŋu Djudaw,* Judah ga wäwa'mirriŋuw walalaŋ nhanukalaŋaw,
3 ga Djudany bäpa'mirriŋu Beratjku* Perez ga Djeraw* Zerah ŋunhi maṉḏaŋ ŋäṉḏi'mirriŋuny Dayma,* Tamar
ga Yitjurundja bäpa'mirriŋu Rämgu,* Ram
4 ga Rämdja bäpa'mirriŋu Minadapku,* Amminadab
ga Minadaptja bäpa'mirriŋu Nätjungu,* Nahshon
ga Nätjundja bäpa'mirriŋu Djalmangun,* Salmon
ga ŋayiny Bawatjtja bäpa'mirriŋu Wopitku* Obed ga ŋäṉḏi'mirriŋuny nhanŋu Ruth,
ga Wopittja bäpa'mirriŋu Djitjiw,* Jesse
6 Djitjiny bäpa'mirriŋu Daybitkun,* David ŋunhi ŋayi Ŋurruḏawalaŋu buŋgawa.
Ga Daybittja ŋunhi bäpa'mirriŋu Djalamangun,* Solomon ga ŋäṉḏi'mirriŋuny nhanŋu Djalamangu yäku Bätjiba* Bathsheba ŋunhi ŋäthilnydja ŋayi ŋunhiyiny miyalk ḏirramuw yäkuw Yuriyaw.* Uriah
7 Ga Djalamandja bäpa'mirriŋu Riyapawamgu,* Rehoboam
ga ŋayiny Riyapawamdja bäpa'mirriŋu Yabitjaw,* Abijah
ga Yabitjany bäpa'mirriŋu Yätjaw,* Asa
8 ga Yätjany bäpa'mirriŋu Djutjapatku,* Jehoshaphat
ga Djutjapattja bäpa'mirriŋu Djoramgu,* Jehoram
ga Djoramdja bäpa'mirriŋu Yutjayaw,* Uzziah
9 ga Yutjayany bäpa'mirriŋu Djothamgu,* Jotham
ga Djothamdja bäpa'mirriŋu Yayatjku,* Ahaz
ga Yayatjtja bäpa'mirriŋu Yitjakayaw,* Hezekiah
10 ga Yitjakayany bäpa'mirriŋu Manatjaw,* Manasseh
ga Manatjany bäpa'mirriŋu Yämungu,* Amon
ga Yämundja bäpa'mirriŋu Djawtjayaw,* Josiah
11 ga Djawtjayany bäpa'mirriŋu Djiyawtjingu* Jehoiachin ga wäwa'mirriŋuw mala nhanukalaŋaw, ga balanyamirriyyin ŋunhi Djotjiya ga nhanŋu gäthu'mirriŋu walal gan nhinan ŋunhili Yitjural* Israel bala yan miriŋun walalaŋ bunan, bala bumarnha Yitjuralnhany bäpurruny, yindin dhika mari malŋ'thurr, ga wiripuwurrunhany gan ŋunhi yolŋuny walalany djaw'-djawyurra balan bitjarra wäŋalil yäkulil Babilunlila.* Babylon
12 Ga beŋuryiny dhurrwaraŋur, walalnydja ŋunhi Yitjuralpuynhany yolŋuny walalany gan ŋaŋ'ŋaŋ'thurra balan Babilunlila wäŋalil yäkulil. Dhiyaŋuwurruyiny ga mala-ŋurrkanhayŋuy maŋutji-lakaram ŋanyanhan Djesu-Christnhan dhawal-guyaŋanhawuynha.
Yo, manymak ŋayiny Djiyawtjiny* Jehoiachin bäpa'mirriŋu Djiyalṯiyalwu,* Shealtiel
ga ŋayiny Djiyalṯiyalnydja bäpa'mirriŋu Djirabaybulwu,* Zerubbabel
13 ga Djirabaybulnydja bäpa'mirriŋu Yabiyutku,* Abiud
ga Yabiyuttja bäpa'mirriŋu Yiliyakimgu,* Eliakim
ga Yiliyakimdja bäpa'mirriŋu Yätjuw,* Azor
14 ga ŋayiny Yätjuny bäpa'mirriŋu Djädukku,* Zadok
ga Djäduktja bäpa'mirriŋu Yaykimgu,* Achim
ga Yaykimdja bäpa'mirriŋu Yiliwutku,* Eliud
15 ga Yiliwuttja bäpa'mirriŋu Yiliyatjaw,* Eleazar
ga ŋayiny Yiliyatjany bäpa'mirriŋu Mathan'ku,* Matthan
ga Mathan'tja bäpa'mirriŋu Djaykupkun.* Jacob
16 Ga ŋayiny Djaykuptja bäpa'mirriŋu Djawutjipkun,* Joseph ŋunhi ŋayi Meriwnha* Mary dhuway'mirriŋu, ga Meriny ŋäṉḏi'mirriŋu nhanŋu Djesuwnha, ŋunhi ŋayi Maŋutji-dhunupayanhawuynha.
17 Ga 14-mirr walal mala-ŋurrkanhamin nhanŋuny Yipurayimguny djamarrkuḻi', ga yan bili-i-i ga Daybitkal wapthurr, ga beŋur Daybitkalnydja walal bulu 14-mirryi yan mala-ŋurrkanhamin, yan bili-i-i ga ŋunhi walu ŋayathaŋal ŋunhi walalany Yitjuralnhan bäpurruny miriŋuynha mala djaw'-djawyurr balan wäŋalil yäkulil Babilunlila. Ga bulu beŋuryiny muka walal dhurrwaraŋur 14-mirryi yan mala-ŋurrkanhamin, ga yan bili ga ŋayin Garraynha dhawal-guyaŋan Djesu-Christnha ŋunhi ŋayi Maŋutji-dhunupayanhawuynha.
Dhiyaŋuny ga dhukarryu lakaram Djesu-Christnhan dhawal-guyaŋanhawuy
The birth of Jesus
Mathuyu 1.18-25
(Luk 2.1-7)
18 Ga ŋäṉḏi'mirriŋuny nhanŋu ŋunhi Djesuw Meriny,* Mary miyalktja ŋayi ŋunhi dhawu'mirrnydja ḏirramuw yäkuw Djawutjipku,* Joseph ga yurrnha maṉḏa ŋunhi märranhaminany, ŋayiny ŋunhi Meriny ŋäthil yan marŋgithinany ŋunhi ŋayi yothumirriyinany Dhuyu-Birrimbirrwuŋ. 19 Ga ŋayiny ŋunhi Djawutjiptja dhuway'mirriŋuny nhanŋu Meriw, dhuwurr-dhunupa balanya yolŋu ga bitjarra ŋayi gan ŋunhi guyaŋanany ŋayi dhu yaka gora gurrupan ŋanya Meriny bukmakkal nhakun yolŋuwal walalaŋgal bala ganarrthaman ŋanya, bala ŋayi balaŋ gayulnha ŋunhi djämany bitjanayiny.
20 Ga ŋunhi ŋayi gan bitjarryiny guyaŋan, God-Waŋarrwuny dhäwu-gänhamirrnydja bunanan nhanŋu Djawutjipkuny mäwa'wurra, ga bitjarr ŋayi ŋunhi nhanukal waŋanany, “Djawutjip mala-bunhawuy Daybitkuŋ, yaka barrari märranharaw Meriwnydja. Märranhamirra maṉḏa, märr nhuŋu ŋayi dhu miyalknha, bili ŋunhiyiny yothu ŋayi ga gäma beŋur Dhuyu-Birrimbirrwuŋ gurrupanawuy. 21 Ga Meriwuŋuny dhu dhawal-guyaŋany yothuny ḏirramun, ga yäku-gurrupananawuynydja dhu ŋayi ŋunhi Djesu. Ga ŋayin dhu ga ŋunhi Djesuynha walŋakumany yolŋunhany walalany nhanŋuwuy ŋayi beŋurnydja ŋunhi walalaŋgiyingal dhuwurr-yätjŋurnydja romŋur,” bitjarra ŋayi gan ŋunhi ŋuriŋiyiny dhäwumirriynydja lakaraŋal Djawutjipkuny.
22 Ga bitjarrnydja dhuwal maḻŋ'thurr, märr walalnydja dhu yolŋuynydja walal dharaŋana dhuwali yuwalkkuman yan, ŋunhi ŋäthil gan God-Waŋarr waŋan ŋuliwitjarr djawarrkmirriwal bitjarr, 23 “Ga yuṯa dhu ḻuni miyalk yothumirriyirr, ga ḏirramun nhanukuŋ dhu ŋunhi yothuny dhawal-guyaŋi, ga yäku-lakaramany walal ŋanya dhu ga Yimannyuwal,* Immanuel mayali' God-Waŋarrnydja dhuwanna limurruŋgal.”
24 Ga ŋunhi ŋayi Djawutjip rur'yurrnydja yakurrŋurnydja, bala ŋayi märraŋal Merinhany wäŋalila nhanukiyingal ŋayi, bitjarr yan bili nhakun ŋunhi God-Waŋarrwal dhäwu-gänhamirriymirriy gan lakaraŋal nhanukal. 25 Yo, ŋunhi maṉḏa märranhaminany, yurr ŋäthilnydja maṉḏa ŋunhi bäyŋu ŋula ŋorranha waŋganyŋurnydja ga ŋula galŋa-ŋayathanhaminya, yan bili ga yothu nhanŋu ḏirramu dhawal-guyaŋan. Bala Djawutjipthuny ŋanya yäku-nhirrparnydja Djesun.
*1:1 David
*1:1 Abraham
*1:2 Isaac
*1:2 Jacob
*1:2 Judah
*1:3 Perez
*1:3 Zerah
*1:3 Tamar
*1:3 Perez
*1:3 Hezron
*1:3 Ram
*1:4 Amminadab
*1:4 Nahshon
*1:4 Salmon
*1:5 Boaz
*1:5 Rahab
*1:5 Obed
*1:5 Jesse
*1:6 David
*1:6 Solomon
*1:6 Bathsheba
*1:6 Uriah
*1:7 Rehoboam
*1:7 Abijah
*1:7 Asa
*1:8 Jehoshaphat
*1:8 Jehoram
*1:8 Uzziah
*1:9 Jotham
*1:9 Ahaz
*1:9 Hezekiah
*1:10 Manasseh
*1:10 Amon
*1:10 Josiah
*1:11 Jehoiachin
*1:11 Israel
*1:11 Babylon
*1:12 Jehoiachin
*1:12 Shealtiel
*1:12 Zerubbabel
*1:13 Abiud
*1:13 Eliakim
*1:13 Azor
*1:14 Zadok
*1:14 Achim
*1:14 Eliud
*1:15 Eleazar
*1:15 Matthan
*1:15 Jacob
*1:16 Joseph
*1:16 Mary
*1:18 Mary
*1:18 Joseph
*1:23 Immanuel