41-50 Ŋunhala † 22:41–50 JudahDjudanydja wäŋaŋura mukthurrunaŋga yana yukurrana ŋayi ‡ 22:41–50 King JehoshaphatGiŋ Djutjapattja nhinanaŋga walalaŋgu Djudapuyŋuwunydja buŋgawa. Ŋayi yukurranha ŋuli djämanydja ŋamathanha ŋunhi nhä manymak, ga malthuna ŋayi yukurranha ŋuli Godku dhärukku, ga buku‐ŋal'yuna nhanŋuway yana waŋganygu Garraywu, bitjana yana liŋgu bitjana ŋuli nhanŋu bäpa'mirriŋu § 22:41–50 AsaWatja. Yurru yaka warray ŋayi ḏaw'‐ḏawyurruna ŋunhinydja malanha goŋbuynhanydja waŋarrnha walalanha; mukthurruna yana wiripu‐guḻkuny'tja yolŋu walala yukurrana buku‐ŋal'yurruna ŋuriki wiripu‐guḻku'wunydja waŋarrwu walalaŋgu.

Yo, Djutjapattja nhinana yukurrana giŋdja ŋayi ŋunhala * 22:41–50 JerusalemDjurutjalamdja 25 dhuŋgarranydja ŋupara, bala yana ŋayi rakunydhinana, bala nhanŋu gäthu'mirriŋuna † 22:41–50 JehoramDjiyuramnha wapthurruna dharapullilinydja nhanukala, ga ŋayina yukurra yurru nhina Giŋ Djudapuyŋuwunydja.

51-53 Ga ŋulinyaramirriyu liŋgu waluyu ‡ 22:51–53 AhaziahWayatjayanydja § 22:51–53 AhabWayapku walkurnha, ŋayinydja giŋdhina walalaŋgu * 22:51–53 IsraelYitjuralpuyŋuwuna, yurru ŋayinydja wirrkina yätj wal'ŋu djäma, yätjnha mirithirrina wal'ŋu, liŋgu malthuna ŋayi ŋuli yukurranha romgu bäpa'mirriŋuwu nhanukiyingalaŋuwu yana Wayapku, ga † 22:51–53 JezebelDjitjapilwu ŋäṉḏi'mirriŋuwu, ŋunhi maṉḏa yukurranha ŋuli mel‐warryuna Yitjuralpuyŋunha ŋunhimala yätjlili. Yo, Wayatjayanydja buku‐ŋal'yuna ŋuli yukurranha ŋuriki goŋbuywu waŋarrwu ‡ 22:51–53 BaalBälwu, bitjana liŋgu bitjan nhanŋu bäpa'mirriŋu, ga Garraynydja nhanŋu wirrkina maḏakarritjthina.