Η Καινή Διαθήκη ΑΠΟΚΑΛΥΨΙΣ ΙΩΑΝΝΟΥ 2

1 Τῷ ἀγγέλῳ *τῆς †ἐν Ἐφέσῳ ἐκκλησίας γράψον, Τάδε λέγει ὁ κρατῶν τοὺς ἑπτὰ ἀστέρας ἐν τῇ δεξιᾷ αὐτοῦ, ὁ περιπατῶν ἐν μέσῳ τῶν ἑπτὰ λυχνιῶν τῶν ‡χρυσῶν· 2 Οἶδα τὰ ἔργα σου, καὶ τὸν κόπον §σου, καὶ τὴν ὑπομονήν σου, καὶ ὅτι οὐ δύνῃ βαστάσαι κακούς, καὶ *ἐπείρασας τοὺς †λέγοντας ἑαυτοὺς ‡ἀποστόλους εἶναι καὶ οὐκ εἰσί, καὶ εὗρες αὐτοὺς ψευδεῖς, 3 καὶ §ὑπομονὴν ἔχεις καὶ ἐβάστασας *διὰ τὸ ὄνομά μου †καὶ οὐκ ἐκοπίασας. 4 ‡Ἀλλὰ ἔχω κατὰ σοῦ, ὅτι τὴν ἀγάπην σου τὴν πρώτην §ἀφῆκας. 5 Μνημόνευε οὖν πόθεν *πέπτωκας, καὶ μετανόησον, καὶ τὰ πρῶτα ἔργα ποίησον· εἰ δὲ μή, ἔρχομαί σοι †ταχύ, καὶ κινήσω τὴν λυχνίαν σου ἐκ τοῦ τόπου αὐτῆς, ἐὰν μὴ μετανοήσῃς. 6 Ἀλλὰ τοῦτο ἔχεις, ὅτι μισεῖς τὰ ἔργα τῶν Νικολαϊτῶν, ἃ κἀγὼ μισῶ. 7 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. Τῷ νικῶντι δώσω ‡αὐτῷ φαγεῖν ἐκ τοῦ ξύλου τῆς ζωῆς, ὅ ἐστιν ἐν §τῷ παραδείσῳ τοῦ Θεοῦ *μου.

8 Καὶ τῷ ἀγγέλῳ †τῆς ‡ἐν Σμύρνῃ ἐκκλησίας γράψον, Τάδε λέγει ὁ πρῶτος καὶ ὁ ἔσχατος, §ὃς ἐγένετο νεκρὸς καὶ ἔζησεν· 9 Οἶδά σου *τὰ ἔργα καὶ τὴν θλίψιν καὶ τὴν πτωχείαν, †ἀλλὰ πλούσιος εἶ· καὶ τὴν βλασφημίαν ‡ἐκ τῶν λεγόντων Ἰουδαίους εἶναι ἑαυτούς, καὶ οὐκ εἰσίν, ἀλλὰ συναγωγὴ τοῦ Σατανᾶ. 10 §Μηδὲν φοβοῦ ἃ μέλλεις *παθεῖν· ἰδοὺ †δή, μέλλει ‡βαλεῖν §ὁ διάβολος ἐξ ὑμῶν εἰς φυλακήν, ἵνα πειρασθῆτε· καὶ *ἕξετε θλίψιν †ἡμερῶν δέκα. Γίνου πιστὸς ἄχρι θανάτου, καὶ δώσω σοι τὸν στέφανον τῆς ζωῆς. 11 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. Ὁ νικῶν οὐ μὴ ἀδικηθῇ ἐκ τοῦ θανάτου τοῦ δευτέρου.

12 Καὶ τῷ ἀγγέλῳ τῆς ἐν Περγάμῳ ἐκκλησίας γράψον, Τάδε λέγει ὁ ἔχων τὴν ῥομφαίαν τὴν δίστομον τὴν ὀξεῖαν· 13 Οἶδα ‡τὰ ἔργα σου καὶ ποῦ κατοικεῖς, ὅπου ὁ θρόνος τοῦ Σατανᾶ· καὶ κρατεῖς τὸ ὄνομά μου, καὶ οὐκ ἠρνήσω τὴν πίστιν μου §ἐν ταῖς ἡμέραις *ἐν αἷς Ἀντίπας ὁ μάρτυς μου, ὁ †πιστός, ὃς ἀπεκτάνθη παρ᾽ ὑμῖν, ὅπου ‡ὁ Σατανᾶς κατοικεῖ. 14 §Ἀλλ᾽ ἔχω κατὰ σοῦ ὀλίγα, ὅτι ἔχεις ἐκεῖ κρατοῦντας τὴν διδαχὴν Βαλαάμ, ὃς *ἐδίδαξε †τὸν Βαλὰκ βαλεῖν σκάνδαλον ἐνώπιον τῶν υἱῶν Ἰσραήλ, ‡καὶ φαγεῖν εἰδωλόθυτα καὶ πορνεῦσαι. 15 Οὕτως ἔχεις καὶ σὺ κρατοῦντας τὴν διδαχὴν §τῶν Νικολαϊτῶν *ὁμοίως. 16 Μετανόησον †οὖν· εἰ δὲ μή, ἔρχομαί σοι ταχύ, καὶ πολεμήσω μετ᾽ αὐτῶν ἐν τῇ ῥομφαίᾳ τοῦ στόματός μου. 17 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. Τῷ νικῶντι δώσω αὐτῷ ‡τοῦ μάννα τοῦ κεκρυμμένου, καὶ δώσω αὐτῷ ψῆφον λευκήν, καὶ ἐπὶ τὴν ψῆφον ὄνομα καινὸν γεγραμμένον, ὃ οὐδεὶς §οἶδεν εἰ μὴ ὁ λαμβάνων.

18 Καὶ τῷ ἀγγέλῳ *τῆς ἐν †Θυατείροις ἐκκλησίας γράψον, Τάδε λέγει ὁ υἱὸς τοῦ Θεοῦ, ὁ ἔχων τοὺς ὀφθαλμοὺς αὐτοῦ ὡς φλόγα πυρός, καὶ οἱ πόδες αὐτοῦ ὅμοιοι χαλκολιβάνῳ· 19 Οἶδά σου τὰ ἔργα, καὶ τὴν ἀγάπην καὶ τὴν ‡πίστιν καὶ τὴν διακονίαν καὶ τὴν ὑπομονήν σου, καὶ τὰ ἔργα σου, §τὰ ἔσχατα πλείονα τῶν πρώτων. 20 *Ἀλλ᾽ ἔχω κατὰ σοῦ †ὅτι ‡ἀφεῖς τὴν γυναῖκά §σου *Ἰεζάβελ, †ἣ λέγει ἑαυτὴν προφῆτιν, ‡καὶ διδάσκει καὶ πλανᾷ τοὺς ἐμοὺς δούλους πορνεῦσαι καὶ §φαγεῖν εἰδωλόθυτα. 21 Καὶ ἔδωκα αὐτῇ χρόνον ἵνα μετανοήσῃ, *καὶ οὐ θέλει μετανοῆσαι ἐκ τῆς πορνείας αὐτῆς. 22 Ἰδού, †βάλλω αὐτὴν εἰς κλίνην, καὶ τοὺς μοιχεύοντας μετ᾽ αὐτῆς εἰς θλίψιν μεγάλην, ἐὰν μὴ ‡μετανοήσωσιν ἐκ τῶν ἔργων §αὐτῆς. 23 Καὶ τὰ τέκνα αὐτῆς ἀποκτενῶ ἐν θανάτῳ· καὶ γνώσονται πᾶσαι αἱ ἐκκλησίαι ὅτι ἐγώ εἰμι ὁ *ἐρευνῶν νεφροὺς καὶ καρδίας· καὶ δώσω ὑμῖν ἑκάστῳ κατὰ τὰ ἔργα ὑμῶν. 24 Ὑμῖν δὲ λέγω, †τοῖς λοιποῖς τοῖς ἐν Θυατείροις, ὅσοι οὐκ ἔχουσι τὴν διδαχὴν ταύτην, ‡οἵτινες οὐκ ἔγνωσαν τὰ §βαθέα τοῦ Σατανᾶ, ὡς λέγουσιν, οὐ *βάλλω ἐφ᾽ ὑμᾶς ἄλλο βάρος. 25 Πλὴν ὃ ἔχετε κρατήσατε, ἄχρις οὗ †ἂν ἥξω. 26 Καὶ ὁ νικῶν καὶ ὁ τηρῶν ἄχρι τέλους τὰ ἔργα μου, δώσω αὐτῷ ἐξουσίαν ἐπὶ τῶν ἐθνῶν· 27 καὶ ποιμανεῖ αὐτοὺς ἐν ῥάβδῳ σιδηρᾷ· ὡς τὰ σκεύη τὰ ‡κεραμικά, §συντριβήσεται· ὡς κἀγὼ εἴληφα παρὰ τοῦ πατρός μου· 28 καὶ δώσω αὐτῷ τὸν ἀστέρα τὸν πρωϊνόν. 29 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

*2:1 της 𝔐A,C,K ¦ τω WH

†2:1 εν εφεσω 𝔐A,C,K ¦ εφεσινης TR

‡2:1 χρυσων 𝔐A,C,K ¦ χρυσεων TH

§2:2 σου 𝔐Apt,K 68.5% ¦ — 𝔐Apt,C CT PCK 30%

*2:2 επειρασας 𝔐A,C,K ¦ επειρασω TR

†2:2 λεγοντας εαυτους 𝔐A,C,K ¦ φασκοντας TR

‡2:2 αποστολους ειναι 𝔐A,C,K 84.8% ¦ ειναι αποστολους TR 5.8% ¦ αποστολους CT 4.7%

§2:3 υπομονην εχεις και εβαστασας 𝔐K ¦ εβαστασας και υπομονην εχεις 𝔐A,C BYZ PCK TR

*2:3 δια 𝔐A,C,K ¦ και δια TR

†2:3 και ουκ εκοπιασας 𝔐Apt,C,K 68.1% ¦ και κεκοπιακας 𝔐Apt 7.8% ¦ κεκοπιακας και ου κεκμηκας TR 3.9% ¦ και ου κεκοπιακες CT 1.2% ¦ και ου κεκοπιακας ANT 0.0%

‡2:4 αλλα 𝔐C,K ¦ αλλ 𝔐A BYZ NA28 TR

§2:4 αφηκας 𝔐A,C,K ¦ αφηκες CT

*2:5 πεπτωκας 𝔐K ¦ εκπεπτωκας 𝔐A,C BYZ PCK TR ¦ πεπτωκες WH

†2:5 ταχυ 𝔐A,C,K 91.8% ¦ ταχει ST 2.7% ¦ — CT 5.1%

‡2:7 αυτω 𝔐A,Κ ¦ — 𝔐C PCK

§2:7 τω παραδεισω 𝔐K ¦ μεσω του παραδεισου 𝔐A,C BYZ PCK TR

*2:7 μου 𝔐C,K ¦ — 𝔐A CT TR

†2:8 της 𝔐A,C,K ¦ τω WH

‡2:8 εν σμυρνη εκκλησιας 𝔐A,C,K ¦ εκκλησιας σμυρναιων TR

§2:8 ος 𝔐A,C ¦ — 𝔐K

*2:9 τα εργα και 𝔐A,C,K 94.1% ¦ — CT 4.3%

†2:9 αλλα πλουσιος 𝔐A,C,K ¦ πλουσιος δε TR

‡2:9 εκ 𝔐K 52.9% ¦ — 𝔐A,C BYZ PCK TR 42.7%

§2:10 μηδεν 𝔐A,C,K ¦ μη WH

*2:10 παθειν 𝔐K ¦ πασχειν 𝔐A,C BYZ CT PCK TR

†2:10 δη 𝔐C,K ¦ — 𝔐A BYZ CT TR

‡2:10 βαλειν 𝔐Apt,C,K ¦ βαλλειν 𝔐Apt CT

§2:10 ο διαβολος εξ υμων 𝔐Apt,C,K ¦ εξ υμων ο διαβολος 𝔐Apt TR

*2:10 εξετε 𝔐A,C,K ¦ εχητε WH

†2:10 ημερων 𝔐A,C ¦ ημερας 𝔐K ANT BYZ HF

‡2:13 τα εργα σου και 𝔐A,C,K 87% ¦ — CT 5.5%

§2:13 εν 𝔐A,C,K 91.8% ¦ και εν ANT CT TR 8.2%

*2:13 εν αις 𝔐A,C 47.3% ¦ αις 𝔐K ANT BYZ HF 43.4% ¦ — CT 2.7%

†2:13 πιστος 𝔐Apt,C,K 85.5% ¦ πιστος οτι πας μαρτυς πιστος 𝔐Apt 9.4% ¦ πιστος μου NA SBL WH 2.7%

‡2:13 ο σατανας κατοικει 𝔐A,C,K ¦ κατοικει ο σατανας TR

§2:14 αλλ 𝔐A,C ¦ αλλα 𝔐K ANT BYZ HF SBL WH

*2:14 εδιδαξε 𝔐K ¦ εδιδασκε(ν) 𝔐A CT TR

†2:14 τον βαλακ 𝔐Apt,C,Κ ¦ εν τω βαλααμ τον βαλακ 𝔐Apt ¦ εν τω βαλαακ 𝔐Apt ST ¦ τω βαλακ CT

‡2:14 και 𝔐K ¦ — 𝔐A,C BYZ CT PCK TR

§2:15 των 𝔐A,C ¦ — 𝔐K BYZ HF SBL WH

*2:15 ομοιως 𝔐Apt,C,K ¦ ην μισω 𝔐Apt ¦ ομοιως ο μισω 𝔐Apt ¦ ο μισω TR

†2:16 ουν 𝔐K ¦ — 𝔐A,C BYZ PCK TH TR

‡2:17 του 𝔐K ¦ φαγειν απο του 𝔐A,C BYZ PCK TR

§2:17 οιδεν 𝔐A,C,K ¦ εγνω TR

*2:18 της 𝔐A,C,K ¦ τω WH

†2:18 θυατειροις 𝔐Apt,C,Kpt ¦ θυατειρη 𝔐Kpt ¦ θυατηροις 𝔐Apt

‡2:19 πιστιν και την διακονιαν 𝔐A,C,K ¦ διακονιαν και την πιστιν TR

§2:19 τα 𝔐A,C,K ¦ και τα TR

*2:20 αλλ 𝔐A,C ¦ αλλα 𝔐K ANT BYZ HF NA27 SBL WH

†2:20 οτι 𝔐C,K ¦ πολλα οτι 𝔐Apt ¦ πολυ οτι 𝔐Apt ¦ ολιγα οτι ANT TR ¦ — 𝔐Apt

‡2:20 αφεις 𝔐Apt,C,K ¦ εας TR ¦ — 𝔐Apt

§2:20 σου 𝔐Apt,C,K 70% ¦ — 𝔐Apt CT TR 27.2%

*2:20 ιεζαβελ 𝔐A,C,K ¦ ιεζαβηλ TR

†2:20 η λεγει 𝔐C,K 71.3% ¦ την λεγουσαν 𝔐A TR 23.1% ¦ η λεγουσα CT 2.4%

‡2:20 και διδασκει και πλανα τους 𝔐A,C,K ¦ διδασκειν και πλανασθαι TR

§2:20 φαγειν ειδωλοθυτα 𝔐A,C,K ¦ ειδωλοθυτα φαγειν TR

*2:21 και ου θελει μετανοησαι εκ της πορνειας αυτης 𝔐Apt,C,K ¦ εκ της πορνειας αυτης και ου μετενοησεν 𝔐Apt TR

†2:22 βαλλω 𝔐A,C,K ¦ εγω βαλλω TR

‡2:22 μετανοησωσιν 𝔐A,C,K ¦ μετανοησουσιν WH

§2:22 αυτης 𝔐C,K ¦ αυτων 𝔐A TR

*2:23 ερευνων 𝔐A,C,K ¦ εραυνων CT

†2:24 τοις 𝔐A,C,K ¦ και TR

‡2:24 οιτινες 𝔐A,C,K ¦ και οιτινες TR

§2:24 βαθεα 𝔐C,K ¦ βαθη 𝔐A TR

*2:24 βαλλω 𝔐A,K 68.6% ¦ βαλω 𝔐C PCK TR 27.9%

†2:25 αν ηξω 𝔐A,C ¦ ανοιξω 𝔐K

‡2:27 κεραμικα 𝔐A,C,Kpt ¦ κεραμεικα 𝔐Kpt

§2:27 συντριβησεται 𝔐Apt,C,K 78.6% ¦ συντριβεται 𝔐Apt CT TR 17.1%

Public Domain