ଏଫିସୀୟ ମଣ୍ତଳୀ ନିକଟକୁ ପାଉଲଙ୍କ ପତ୍ର
ଏପିସିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ
ମୂଲୁ ହା଼ଡା
ଏପିସିୟ କୁଲମିତି ଆ଼କୁ ପା଼ୱୁଲ ରା଼ଚାମାନେସି, ଜୀସୁ କ୍ରୀସ୍ତ ଜାର୍ନାଆ଼ତି ୬୦ ବାର୍ସା ଡା଼ୟୁ କଲସିୟ କୁଲମିତାକି ରା଼ଚିତି ବେ଼ଲା ରା଼ସ୍କି ଆ଼ହାମାଚେ । ରା଼ଚିନାସି ତା଼ନୁଏ ପାଣ୍ତ୍ୱିଆ଼ହାମାନି ପା଼ୱୁଲ ଇଞ୍ଜିମାନେସି ୧:୧ । କଲସିୟ ଆ଼କୁତା ତାନି ଜହରା ହିଲାଆତି ଜିକେଏ ବୁଦିଗାଟାରି ଏପିସିୟ ଆ଼କୁ ପା଼ୱୁଲ ରା଼ଚାମାନେସି ଇଞ୍ଜିଁ ଇନେରି । ଅ଼ଡ଼େ ବାରେ କୁଲମିକା ତାକି ଆ଼କୁ ହା଼ସାଲି ରା଼ସ୍କି ଆ଼ହାଡ଼ୟିନେ । ପା଼ୱୁଲ ଈଦାଆଁ ଜିକେଏ ୱେସାମାନେସି ଈ ଆ଼କୁ ରା଼ଚିନି ବେ଼ଲାତା ଏ଼ୱାସି କାୟିଦିତା ମାଚେସି ୩:୧–୪:୧ ଅ଼ଡ଼େ ୬:୨୦ । ପା଼ୱୁଲ ତୁକିକଇଁ ଏପିସିୟ କୁଲମିତା ପାଣ୍ତାନା ଏ଼ୱାଣି କେୟୁତା ଈ ଆ଼କୁ ହୀହାମାଚେସି ୬:୨୧-୨୨ ।
ଏପିସିୟ ଏସିୟା ରା଼ଜିତି ର଼ କାଜା ଗା଼ଡ଼ା ମାଚେ । ଏପିସିୟ ଗା଼ଡ଼ାତି ଗ୍ରିକ୍ ପେ଼ନୁ ଆର୍ତେମି ଅ଼ଡ଼େ ଏ଼ଦାନି ଦେ଼ୱୁଡ଼ି ୱେ଼ଙ୍ଗିତାୟି ମାଚେ, କାମା ୯:୨୩-୩୧ । ଏପିସିୟ କୁଲମି ନ଼କେଏ ବା଼ଡ଼୍ୟୁ ଗାଟାୟି ମାଚେ ଡା଼ୟୁ ରିହାଲି ମା଼ଟ୍ହେ ୱେ଼ ବ଼ଲୁ ୨:୧-୭ ।
ପା଼ୱୁଲ ତାନି ଆଦା ଆ଼କୁତା ମାହାପୂରୁ ଏ଼ନିକିଁ ତାନି ଲ଼କୁଣି ଆ଼ଚିତେସି, ଅ଼ଡ଼େ ଏ଼ନିକିଁ ଜୀସୁ ତା଼ଣାଟି ପା଼ପୁଟି ଗେଲ୍ପିତେସି ଏ଼ଦାଆଁ ୱେସିମାନେସି । ପା଼ୱୁଲ କୁଲମିତି ଆଙ୍ଗା ତଲେ ତୂକ୍ହାନା କ୍ରୀସ୍ତ ଏ଼ଦାନି ତା଼ର୍ୟୁଁ ଅ଼ଡ଼େ କନତି ମୂଲୁ ୱାଲି, କୁଲମି ର଼ ଡକ୍ରି ଲେହେଁ କ୍ରୀସ୍ତଏ ଡକ୍ରା । ଆ଼କୁତି ଡା଼ୟୁ ବା଼ଗାତା ପା଼ୱୁଲ ପ଼ଡ଼ୱି ଆ଼ନାରାଇଁ କ୍ରୀସ୍ତ ତା଼ଣା ରଣ୍ତିଏ ଆ଼ହାଁ ଆଣ୍ତାମାନି ଲ଼କୁ ଲେହେଁ ନୀଡାଲି ବାତିମା଼ଲି ମାନେସି ।
ପତିତା ମାନାୟି
୧. ପା଼ୱୁଲ ଜହରା କିହାନା ପୁଣ୍ମ୍ବି କିହା କଡିନାୟି । ୧:୧-୨
୨. କ୍ରୀସ୍ତ ତଲେ କୁଲମିତି ତୂକ୍ନାୟି । ୧:୩–୩:୨୧
୩. କ୍ରୀସ୍ତ ତା଼ଣା ଏ଼ନିକିଁ ନୀଡିନାୟି । ୪:୧–୬:୨୦
୪. ଜହରା କିହାନା ଆ଼କୁତି ରା଼ପ୍ନାୟି । ୬:୨୧-୨୪
୧
୧ ✡ ୧:୧ କାମା ୧୮:୧୯-୨୧; ୧୯:୧ପା଼ୱୁଲ, ମାହାପୂରୁତି ଅଣ୍ପୁ ତଲେ କ୍ରୀସ୍ତ ଜୀସୁତି ପାଣ୍ତ୍ୱି ଆ଼଼ହାମାନାତେଏଁ, ଏପିସିୟତା ମାନି ମାହାପୂରୁ ଲ଼କୁ ଇଞ୍ଜାଁ କ୍ରୀସ୍ତ ଜୀସୁ ତା଼ଣା ନାମୁତା ମାନି ଲ଼କୁତାକି ଈ ଆ଼କୁ ରା଼ଚିମାଇଁ ।
୨ ମା଼ ଆ଼ବା ମାହାପୂରୁ ଇଞ୍ଜାଁ ପ୍ରବୁ ଜୀସୁ କ୍ରୀସ୍ତ ତା଼ଣାଟି କାର୍ମାମେହ୍ନାୟି ଅ଼ଡ଼େ ହିତ୍ଡ଼ି ଜୀୱୁ ମିଙ୍ଗେତାକି ଆୟାପେ ।
ସୁଦୁଜୀୱୁତି ବ଼ର ପା଼ଣ୍ନାୟି
୩ ମା଼ ପ୍ରବୁ ଜୀସୁ କ୍ରୀସ୍ତତି ମାହାପୂରୁ ଅ଼ଡ଼େ ଆ଼ବାଇଁ ଜହରା ଆ଼ପେ । ଏ଼ୱାସି କ୍ରୀସ୍ତ ତା଼ଣା ମାଙ୍ଗେ ବାରେ ଜୀୱୁତି ବ଼ର ତଲେ ଲାକପୂରୁ ବ଼ର ହୀହାମାଞ୍ଜାନେସି । ୪ ମା଼ର ଏ଼ନିକିଁ ମାହାପୂରୁ ନ଼କିତା ସୁଦୁ ଅ଼ଡ଼େ ଦ଼ହ ହିଲାଆଗାଟାତାୟି ଆ଼ନାୟି ଏ଼ଦାଆଁତାକି ଏ଼ୱାସି ଦାର୍ତି ଗା଼ଡ଼ି ଆ଼ଆ ନ଼କେଏ ତାନି ତା଼ଣା ମାଙ୍ଗେ ଆ଼ଚାମାଞ୍ଜାତେସି । ୫ ଅ଼ଡ଼େ ଏ଼ୱାସି ମାଙ୍ଗେ କ୍ରୀସ୍ତ ଜୀସୁ ତା଼ଣାଟି ତାଙ୍ଗେତାକି ମୀର୍କା ମା଼ସ୍କା କିୟାଲି ତା଼ନୁଏ ତଲିଏ ତୀରି କିତେସି; ଈଦି ଏ଼ୱାଣି ରା଼ହାଁ ଅ଼ଡ଼େ ଅଣ୍ପୁ । ୬ ମାହାପୂରୁତି କାର୍ମାମେହ୍ନାଣି ତାକି ଇଞ୍ଜାଁ ତାନି ମୀର୍ଏଣାଇଁ ଉଜେଏ ବେଟାଆ଼ନି ଦା଼ନା ଲେହେଁ ବେଟାଆ଼ହାମାନାକି, ମା଼ର ମାହାପୂରୁଇଁ ଜହରା କିହିମାନାୟି । ୭ ✡ ୧:୭ କଲସି ୧:୧୪କ୍ରୀସ୍ତ ହା଼ତି ତା଼ଣାଟି ମା଼ର ଗେଲ୍ପି ଆ଼ହାମାନାୟି, ଇଚିହିଁ ମା଼ ବାରେ ପା଼ପୁ ମେଣ୍ଙ୍ଗାମାନେ, ମାହାପୂରୁତି କାର୍ମା ଏଚେକା କାଜାୟି ।
୮ ଏ଼ୱାସି ଏ଼ କାର୍ମାମେହ୍ନାଣି ବାରେ ବୁଦି ଅ଼ଡ଼େ ଅଣ୍ପୁ ମାଙ୍ଗେ ହା଼ରେକା ହୀହାମାଞ୍ଜାନେସି । ୯ ନ଼କେଏ ଅଣ୍ପାମାନି ତାନି କାର୍ମାତଲେ ଏ଼ୱାସି ମାଙ୍ଗେ ତାନି ଅଣ୍ପୁ ତଲେ ଡ଼ୁଗାମାନି ଅଣ୍ପୁତି ତ଼ସାମାଞ୍ଜାନେସି । ୧୦ ଏ଼ନିକିଁ କା଼ଲାତି ତାନି ଅଣ୍ପୁ ତଲେ ଲାକପୂରୁ କି ଦାର୍ତିତା ମାନାଣି ବାରେ ଏ଼ୱାସି ତାଙ୍ଗେତାକି କ୍ରୀସ୍ତ ତା଼ଣା ରଣ୍ତେଏ କିନେସି ।
୧୧ ମା଼ର ଜିକେଏ ଏ଼ୱାଣି ତା଼ଣା ଅଦିକାରା ଲେହେଁ ଆ଼ହାମାନାୟି, ଇଚିହିଁ ଏମିନି ମାହାପୂରୁ ତାନି ମ଼ନତି ଅଣ୍ପୁ ତଲେ ବାରେ କାତା ତୀରି କିନେସି, ଇଞ୍ଜାଁ ଏ଼ୱାସି ତଲିଟିଏ ମ଼ନତା ତୀରି କିହାମାଚିଲେହେଁ ମା଼ର ନ଼କେଏ ଆ଼ଚ୍ୱି ଆ଼ତାୟି ୧୨ ମା଼ର ଏ଼ନିକିଁ କ୍ରୀସ୍ତ ତା଼ଣା ନ଼କେଏ ବା଼ର୍ସୁ କିହା ମାଚାୟି, ମା଼ର ବାରେତାୟି ମାହାପୂରୁ ଗାୱୁରମିତି ଜହରା କିନାତାୟି ଆ଼ନ ।
୧୩ ଏ଼ୱାଣି ତା଼ଣାଟି ମୀରୁ ଜିକେଏ ସାତା ବ଼ଲୁ ଇଚିହିଁ ମିଙ୍ଗେ ଗେଲ୍ପାନି ନେହିଁ କାବ୍ରୁ ୱେଞ୍ଜାନା ନାମାହାଁ ଆ଼ଞ୍ଜାମାନି ସୁଦୁଜୀୱୁ ତଲେ ବୁଟୁ ମୁଦ୍ରା ଆ଼ହାମାଞ୍ଜେରି; ୧୪ ମାହାପୂରୁ ତାନି ଲ଼କୁତାକି ଏ଼ନାଆଁ ହୀହାଲି ଆ଼ଞ୍ଜାମାନେସି ଏ଼ ବାରେ ମା଼ର ବେଟାଆ଼ନାୟି ସୁଦୁଜୀୱୁ ତାନି ବା଼ୟିଦା ଲେହେଁ । ମାହାପୂରୁ ତାନି ଲ଼କୁତାକି ଗେଲ୍ପି ଆ଼ନାଣି ହୀନେସି ଈ ବାରେତାକି ମାହାପୂରୁତି ଗାୱୁରମି କିନ ।
ପା଼ୱୁଲତି ପ୍ରା଼ତାନା
୧୫ ଈଦାଆଁତାକି, ପ୍ରବୁ ଜୀସୁ ତା଼ଣା ମୀ ନାମୁ ଇଞ୍ଜାଁ ବାରେ ମାହାପୂରୁ ଲ଼କୁତାକି ଜୀୱୁନ଼ନାୟି ମାନେ, ୧୬ ଏ଼ କାତା ୱେଞ୍ଜାନା ମିଙ୍ଗେତାକି ନା଼ ପ୍ରା଼ତାନାତା ମାହାପୂରୁଇଁ ଜହରା କିହିମାଇଁ । ୧୭ ମା଼ ପ୍ରବୁ ଜୀସୁ କ୍ରୀସ୍ତତି ମାହାପୂରୁ, ଗାୱୁରମିଗାଟି ଆ଼ବା, ଏ଼ୱାସି ମିଙ୍ଗେ ସୁଦୁଜୀୱୁତି ହିୟାନେସି ଏ଼ ଜୀୱୁ ମିଙ୍ଗେ ବୁଦି ହିୟାନେ, ଅ଼ଡ଼େ ମାହାପୂରୁଇଁ ମୀ ତା଼ଣା ତ଼ଞ୍ଜି କିୟାନେ, ଆତିହିଁ ମୀରୁ ଏ଼ୱାଣାଇଁ ପୁଞ୍ଜେରି । ୧୮ ଏମ୍ବାଟିଏ ମୀ ହିୟାଁତି କାଣ୍କା ଦେପି ଆ଼ତିସାରେ, ତା଼ନୁ ହା଼ଟାମାଞ୍ଜାନି ବା଼ର୍ସୁ ଏ଼ନାୟି, ମାହାପୂରୁ ଲ଼କୁତା଼ଣା ତାନି ଅଦିକାରାତି ଗାୱୁରମିଗାଟି ଦ଼ନ ଏ଼ନାୟି, ୧୯ ତାନି ଲ଼କୁତାକି ତାନି ଆ଼ଞ୍ଜାମାନାୟି ହା଼ରେକା କାଜା ବ଼ର ଅ଼ଡ଼େ ନାମିମାନାତାୟି ମା଼ର, ତାନି ବା଼ଡ଼୍ୟୁତି କାମା କିନାତାୟି, ଇଞ୍ଜାଁ ମାଙ୍ଗେତାକି ତାନି ବା଼ଡ଼୍ୟୁ ଏଚେକା କାଜାୟି ଈ ବାରେ ପୁଞ୍ଜାଲି ଆ଼ଡିଦେରି; ୨୦ ଏ଼ ବା଼ଡ଼୍ୟୁ କ୍ରୀସ୍ତ ତା଼ଣା ତ଼ସାନା ଏ଼ୱାଣାଇଁ ହା଼ତାରି ତା଼ଣାଟି ନିକ୍ହାନା ଲାକପୂରୁ ତାନି ଟିଃନି ଟଟତା କୁଗି କିହାମାନେସି । ୨୧ କ୍ରୀସ୍ତ ଲାକପୂରୁ ବାରେ ସା଼ଲୱି କିନାସି, କାଜାପା଼ଣା, ବା଼ଡ଼୍ୟୁ, ମୁସ୍ତାଦାରିୟାଁ ଲାକ ସା଼ଲୱି କିନାସି, ଈ ଜୁଗୁତା ଅ଼ଡ଼େ ଏ଼ ଜୁଗୁତା ଏଚେକା ଦ଼ର୍କା ୱେ଼ଙ୍ଗା ମାନୁ, ଏ଼ ବାରେତି ମୁହେଁ ଏ଼ୱାଣି ପା଼ଣା କାଜାୟି । ୨୨ ✡ ୧:୨୨ କଲସି ୧:୧୮ମାହାପୂରୁ ବାରେ କ୍ରୀସ୍ତତି କଡାୟାଁ ଡ଼଼ଇ ଇଟିତେସି, ଇଞ୍ଜାଁ ଏ଼ୱାଣାଇଁ ବାରେତି କିହାଁ କାଜାସି କିହାନା କ୍ରୀସ୍ତାନା କୁଲମିକା ହେର୍ପା ମାନେସି । ୨୩ ଏ଼ କୁଲମିକା କ୍ରୀସ୍ତତି ଆଙ୍ଗା ଲେହେଁ, ଇଚିହିଁ ଆମ୍ବାଆସି ବାରେ କାମାତି ବାରେ ତା଼ଣା ପୂରା କିନେସି ।