10
Noa mere peteibi neibi aramio merebusere nou e
1 Noa ro edi mere peteibi ro na-girasomai-ibi Sem ie Iapeti ie Ham ie, neibi ro abata saro gabo ato dubu mere sirio girasomo-birimo.
Iapeti aramio merebusere
2 Ina Iapeti ro na-girasomo dubu mere sirio, neio masiro nou e, Goma, Magoga, Madai, Iabeni, Tubara, Meseki, saro mere Tirasi.
3 Iapeti keba mere Goma, nou ro girasomai-ibi dubu mere peteibi, neibi masiro Asakenasi, Ripa, ina Togama.
4 Ina Iabeni ro girasomai-bi 4 dubu mere peteibi, neibi masiro nou e, Erisa, Tarasisi, Kitimi, saro mere Rodanimi.
5 Neio Mediterenien oromo bara ato irowomidirotiti. Erere gu simara owera to na-iremowautiti-mo, erere goto kere to ibo gororoburutai-rimo, sipu neio ro auna nato gowai-rimo.
Ham aramio merebusere
6 Ina nou Ham dubu mere neibi masiro ie Kusa, Misiraim, Putu, Keineni.
7 Ina ibose Kusa dubu mere neibi masiro ie Seba, Habira, Sabata, Rama, Sabateka. Ina Rama netewa teibo mere teibo ie, Seba ra Dedani ra.
8 Kusa ata mere masiro Nimorodi, nou auna boso eputa dubu e,
9 ibose nedi sopu duriomoro ro nato auna ometa koroho dubu e Iawe sosoro gabo ato. Ina noudo ie, urubia ro ibo karo, ‘Urubia dubu Iawe sosoro gabo ato nou auna ometa koroho dubu e, Nimorodi beda sosoro irohotiti.’
10 Ina Nimorodi ro awawo sabowa iaurititi Babironia duriomoro ato, sabowa masiro neio ie, Babironi, Ereki, Akada, ata Karene.
11 Ina Nimorodi Babironia duriomoro na-gemeserai, taie nou imese gou ata duriomoro to, masiro Asiria. Nou ro iato awawo sabowa gisioidiro, sabowa masiro neio ie Niniba, Rehobotiri, Karaha mutu.
12 Ina nou ro auna negere sabowa, Reseni, iato gosioidiro, Niniba ra Karaha ra turituri ato.
13 Isipi, nou ata masiro Misiraim, nou nasaio ibo ie, Ruda urubia, Anam urubia, Rehaba urubia, Naputu urubia,
14 Paturusi urubia, Kasuru urubia, ina Kiriti urubia. Pirisitia urubia neio Kasuru urubia aboudo orobu-die.
15 Keineni ro netewa teibo dubu mere teibo girasomai-ma, keba mere Sidoni, saro mere Hiti.
16 Ina nou nasaio ie Iebusi urubia, Amore urubia, Girigase urubia,
17 Hiwi urubia, Aki urubia, Sini urubia,
18 Awadi urubia, Demari urubia, Hamati urubia. Keineni urubia gu gabogabo aise gororoburutai-rimo
19 womu tato Keineni duriomoro gebari ti-girobai-rimo. Neio ro nedi duriomoro gebari ro nou gorobai-rimo, Iodeni oromo bara rido womu tato koriri duriomoro ti-gorobai-rimo. Sidoni sabowa koriri duriomoro ato ata sapuwo ato na-owamo, womu tato Gasa sabowa, Gera sabowa mutu, imese neio ro ta-gorobai-rimo. Ina Iodeni oromo bara iedi duriomoro ro Keineni urubia ro imese ta-gorobai-rimo. Iato nedi sabowa ro neio ro giamo, Sodom, Gomora, Adima, Seboimi, Rasa mutu. Ina iedi duriomoro gebari ro koriri ra Iodeni oromo ra turituri ato na-gowamo, Keineni urubia ro aise gorobai-rimo.
20 Nedi urubia ro imese Ham urubia ie. Neio erere gu, erere owera, duriomoro gabogabo gorowomidiro.
Sem aramio merebusere
21 Sem Iapeti naramu e, nou nasa Eberu, Hiburu urubia abera ie.
22 Sem ro dubu mere girasomai, nu neio masiro ie Erama, Asura, Apakisadi, Rudi, ina Arama.
23 Arama ro dubu mere girasomai Usa, Huri, Getere, Meseki.
24 Apakisadi ro Sera garasomai, ina Sera ro garasomai Eberu.
25 Eberu ro girasomai-ma Perege Iokatani mutu. Perege na-gomidiro, urubia iato duriomoro gabogabo aise gorohodowa-rimo. Ina noudo ie nou abera ro masiro a-gapoi Perege, maumo owamo ibo Korohodowa.
26 Iokatani sirio dubu mere girasomai nu neio masiro ie, Aromodati, Serepe, Hasamaweti, Dera,
27 Hadorama, Usara, Dikara,
28 Obara, Abimaeri, Seba,
29 Opiri, Habira ina Dobabi. Neio imese Iokatani dubu mere ie,
30 neio ta-gorowomidiro podo duriomoro ato saiki boido idiawado-die Mesa ra Sepa ra turituri ato.
31 Nedi urubia ro imese Sem urubia ie. Neio erere gu, erere owera, duriomoro gabogabo gorowomidiro.
32 Nedi sipu ro Noa edi mere peteibi ro neibi aboudo orobu-die, ina nato gororoburutai-rimo imese duriomoro gabogabo to.