5
Adam aboudo wororuwo Noa to
1-2 Godi ro urubia na-gisioidiro dubu ra orobo ra nou ia sosoro gisioidiro-ma, ina nou ro korosa iato gimia-ma. Nou ro urubia to giapoi-ma.
Masiro sirio nou e, Adam aboudo idaibo sosoro gororuwo-ro Noa aboto.
3 Adam Godi ro na-gosioidiro nou ta-gomidiro 130 kisimisi to, ina iato gowea nou ia sosoro ata dubu mere, masiro Seti.
4 Ina iato na-gomidiro, nou ro arua merebusere nato girasomai,
5 nou ido garaburai 930 kisimisi ato.
6 Seti ta-gomidiro 105 kisimisi to, ina dubu mere iato gowea, masiro Inosi.
7 Ina nou na-gomidiro, nou ro nato girasomai arua merebusere,
8 nou ido garaburai 912 kisimisi ato.
9 Inosi ta-gomidiro 90 kisimisi to, ina nou ro a-garasomai dubu mere, masiro Kenan.
10 Ina nou na-gomidiro, nou ro nato girasomai arua merebusere,
11 nou ido garaburai 905 kisimisi ato.
12 Kenan ta-gomidiro 70 kisimisi to, ina nou ro a-garasomai dubu mere, masiro Mahararere.
13 Ina nou na-gomidiro, nou ro nato girasomai arua merebusere,
14 nou ido garaburai 910 kisimisi ato.
15 Mahararere ta-gomidiro 65 kisimisi to, ina nou ro a-garasomai dubu mere, masiro Iaredi.
16 Ina nou na-gomidiro, nou ro nato girasomai arua merebusere,
17 nou ido garaburai, 895 kisimisi ato.
18 Iaredi ta-gomidiro 162 kisimisi to, ina nou ro a-garasomai dubu mere, masiro Inoki.
19 Ina nou na-gomidiro, nou ro nato girasomai arua merebusere,
20 nou ido garaburai, 962 kisimisi ato.
21 Inoki ta-gomidiro 65 kisimisi to, ina iato a-garasomai dubu mere, masiro Metusara.
22 Inoki Godi mutu idabutititi. Ina iato na-gomidiro, nou ro iato girasomai arua merebusere,
23 nou a-wimidirotiti 365 kisimisi to.
24 Inoki Godi mutu idabutititi, iato Godi ro keremiro se gowatateai, nou araburai pua.
25 Metusara ta-gomidiro 187 kisimisi to, ina iato girasomai dubu mere, masiro Rameke.
26 Ina iato na-gomidiro, nou ro nato girasomai arua merebusere,
27 nou ido garaburai, 969 kisimisi ato.
28-29 Rameke na-gomidiro nou umoro ta-iamotiti Godi ro beda sosoro gedea mibo nedi sopu ro nato. Nou umoro mutu gomidiro mibo woko na-gisioidiro, idaibo ohona kiosora, nou ro dubu mere nato garasomai, 182 kisimisi ato, ina nou ro masiro a-giduti Noa to. Noa masiro Hiburu owera to owamo ibo ‘Sipere komidiro mibo tanaro patu aboudo’. Rameke ro na-gowea Noa bamuai, nou ro a-gutura ibo, ‘Nedi dubu mere ro nou ro nimo beda mibo woko maumo ato na-norowomidiro, mabu nedi sopu goto gebari ro Godi ro ubauba ta-gowai, ina nimo toutou nedi mere ro nou ro anama-iwaititi-ri.’
30 Ina iato na-gomidiro, nou ro nato girasomai arua merebusere,
31 nou ido garaburai, 777 kisimisi ato.
32 Noa ta-gomidiro 500 kisimisi to, ina iato girasomai-ibi netewa didi dubu mere peteibi, neibi masiro Sem, Iapeti, ina Ham.