﻿Karatamuai.
36.
Iso, nou ata masiro Idomu, nou ro Keineni duriomoro urubia upibusere giaremo. Nou upi dubu mere mutu neio nou e. Hiti gu rudo Ada Eroni nou gedea. Ata orobo Ohoribama nou gedea, Ana Sibioni nou abera nou Hiwi gu dubu e. 
Iso ro ina Basemati Isimere gedea, nou Nebaioti medera ie. 
Ada ro goroto Eripasi. Basemati ro goroto Reuere, 
ina Ohoribama ro giroto-ibi Ieusi Iarami Kora. Nou Iso dubu mere ie Keineni duriomoro ato gohaudiro-rimo. 
Iso imese girobai nou upi merebusere, nou urubia etio ro wirowomidirotiti nou abato, nou burumakau sirio doniki sipisipi nanigosi kemoro nou arua namabu Keineni duriomoro ato na-giwia neio mutu imese gaimai ata muso duriomoro to, nou neama Iakobo nou gemeserai. 
Iso ra Iakobo ra neitiro namabu sirio ia se ta-goi-rimo, neitiro atu moro ato komidiro modobo pua, mabu neitiro edi kiwoubua namabu sirio ro sugamoso auna se ihotiti-mo, kaupoti sugamoso modobo pua iedi duriomoro ro nato. 
Iso neama aise gemeserai, nou imese gidiai Idomu podo duriomoro to, iato imese imidirotiti. Iso ata masiro Idomu. 
Iso nou Idomu urubia neio orora ie neio Idomu podo ato wirowomidirotiti. 
Iso dubu mere aramio mutu neio masiro nou e, Eripasi nou mamu Ada, Reuere nou mamu Basemati. 
Eripasi 5 dubu mere girasomai. Neibi masiro Temani, Omara, Sepo, Gatamu, Kenasi mutu. 
Eripasi ibose ta-gedea sarupo kaubai besere masiro Timina. Timina ro goroto Amereke. Nou Iso ra Ada ra neitiro dubu aramio ie. 
Reuere 4 dubu mere girasomai-ibi, Nahata, Sera, Sama, Misa. Neibi Iso ra Basemati ra neitiro dubu aramio ie. 
Iso ata orobo Ohoribama, Ana Sibioni ro garasomai. Iso ra Ohoribama ra neitiro ro dubu mere giwia-ibirido Ieusi, Iarami, Kora. 
Nou keba eputa urubia ie Iso ro edina girasomai. Iso keba mere Eripasi. Nou aboudo eputa urubia to neio ro gorowotoi Temani, Omara, Sepo, Kenasi, 
Kora, Gatamu, Amereke. Nodi urubia ro eputa rubi to gorowotoi Eripasi ro girasomai Idomu duriomoro ato. Neio Ada aramio ie. 
Iso ata mere Reuere nou dubu mere girasomai, ina eputa rubi to neio ro gorowotoi, neio masiro nou e, Nahata, Sera, Sama, Misa. Nodi eputa urubia ro neio ro gorowotoi Reuere ro girasomai Idomu duriomoro ato. Iso ra Basemati ra neitiro dubu aramio ie. 
Iso iedi orobo ro Ohoribama Ana nou ro girotuti ina eputa rubi to neio ro gorowotoi Ieusi, Iarami, Kora. 
Nou Iso dubu mere sirio nou e, ina neio Idomu duriomoro ato eputa rubi to neio ro gorowotoi. Iso ata masiro Idomu. 
Hori urubia iato gorowomidiro Idomu duriomoro ato. Sia nou Hori gu dubu e, nou dubu mere ta-girasomai neio ie Rotani, Sobari, Sibioni, Ana, 
Disoni, Ese, Disani. Neio ro gorowomidiro Idomu duriomoro ato. Neio eputa rubi to gorowotoi Hori gu urubia sapuwo to. 
Rotani dubu mere teibo girasomai-ma Hori ra Homama ra. Timina Rotani medera ie. 
Sobari dubu mere girasomai neio ie Arawana, Manahata, Ebara, Sepoho, Onama. 
Sibioni dubu mere teibo girasomai-ma Aia ra Ana ra. Ana abera doniki sirio na-gimowotoi ota tato moro ie nou ro korosa obo boido wororuworo nato garitiai. 
Ana ro mere ra besere ra girasomai-ma Disoni ra Ohoribama ra. 
Disoni dubu mere peteibi girasomai-ibi Hemadana, Esebana, Itirani, Kerana. 
Ese dubu mere peteibi girasomai-ibi, Birihana, Sawana, Akana. 
Disani dubu mere teibo girasomai-ma Usu ra Arana ra. 
Nou neio masiro ie Hori urubia sapuwo to etio ro gorowotoi eputa rubi to, Rotani, Sobari, Sibioni, Ana, 
Disoni, Ese, Disani. Nodi urubia ro neio ro gorowotoi eputa urubia to Hori urubia sapuwo to Idomu duriomoro ato. Nedi duriomoro ro masiro teibo netewa teibo ie, Idomu ra Sia ra. 
Isiraere urubia neio na-girosuwotiti Idomi duriomoro ato, eputa urubia sirio ro Idomu duriomoro ato gorowomidiro. Neio masiro neio ie. 
Bera Beo nou ro wimidiro eputa dubu to Idomu duriomoro nou ro wiauri, nou Dinihaba auna sabowa dubu e. 
Bera na-garaburai iato Iobabi Sera ro gotobowa eputa dubu to, Bosara sabowa dubu e. 
Iobabi na-garaburai iato Husama ro gorobai nou bobo, ina eputa dubu to nou ro gotobowa, nou Temani gu abato gomidiro. 
Ina Husama na-garaburai, Hadadi Bedada gotobowa eputa dubu to. Nou ro giwota Midiani urubia Moabi duriomoro ato. Nou Awiti auna sabowa dubu e. 
Hadadi na-garaburai iato Samara ro gotobowa eputa dubu to, Masareka auna sabowa dubu e. 
Samara na-garaburai iato Sauro ro gotobowa eputa dubu to, Rehoboto sabowa dubu e Iupereitisi oromo ato owamo. 
Sauro na-garaburai Barahanane Akobo ro iato gotobowa eputa dubu to. 
Ina Barahanane Akobo na-garaburai, iato Hadada nou ro gotobowa eputa dubu to, Pau auna sabowa dubu e. Nou orobo masiro Mehetabere, ina Mehetabere mamu masiro Materedi Mesahaba. 
Ina nou e eputa urubia ie neio gu gabogabo iamo duriomoro kere gabogabo iamo imese Iso aboudo gororuwo-ro. Neio masiro neio ie Timina, Arawa, Ietete, 
Ohoribama, Eraha, Pinono, 
Kenasi, Temani, Mibisa, 
Magadiere, Irama. Nodi urubia ro neio ro worowotoi Idomu eputa urubia to. Iedi erere ipi ato na-irowomidirotiti neio simara erere gu masiro to giasoro-rimo. 
