﻿Waiata.
13.
Ki te tino kaiwhakatangi. He hīmene nā Rāwiri. Kia pēhea te roa o tōu wareware ki ahau, e Ihowā? Mō ake tonu atu rānei? Kia pēhea te roa o tāu hunanga i tōu mata ki ahau? 
Kia pēhea te roa o tōku whakaaroaronga i roto i tōku wairua, o te pōuri i roto i tōku ngākau i tēnei rā, i tēnei rā? Kia pēhea te roa o te whakakake mai a tōku hoariri ki ahau? 
Titiro mai, whakahokia mai he kupu ki ahau, e Ihowā, e tōku Atua; whakamāramatia ōku kanohi, kei moe ahau i te moe o te mate. 
Kei mea mai tōku hoariri, “Kua taea ia e ahau,” kei whakamanamana ōku hoariri, ina whakakorikoria ahau. 
Ko ahau ia e whakawhirinaki ana ki tāu mahi tohu; ka whakamanamana tōku ngākau ki tāu whakaoranga. 
Ka waiata ahau ki a Ihowā, mōna i atawhai mai ki ahau. 
