﻿Waiata.
15.
He hīmene nā Rāwiri. E Ihowā, ko wai e noho ki tōu tapenākara? Ko wai e noho ki tōu maunga tapu? 
Ko ia he tapatahi nei te haere, he tika te mahi, he kōrero pono anō i roto i tōna ngākau. 
Kāhore nei e ngautuarā tōna arero, kāhore e kino te mahi ki tōna hoa, kāhore āna ingoa kino mō tōna hoa. 
E whakahēngia ana te tangata kino e ōna kanohi, e whakahōnoretia ana ia e ia te hunga e wehi ana ki a Ihowā. Ahakoa mate i tāna oati, kāhore e whakapaheketia e ia. 
Kāhore e tuku i tāna moni hei moni whakatupu; kāhore hoki e tango i te moni hei utu mate mō te tangata harakore. Ki te pēnei te mahi a tētahi, e kore ia e whakakorikoria ake ake. 
