﻿Waiata.
52.
Ki te tino kaiwhakatangi. He Makiri nā Rāwiri, i a Roeke Ēromi i haere, i whakaatu ki a Haora, i mea ki a ia, “Kua tae a Rāwiri ki te whare o Ahimereke.” He aha koe ka whakapakari ai ki te kino, e te tangata nui? He pūmau tonu te atawhai o te Atua. 
E whakatakoto ana tōu arero i ngā mea nanakia, e mahi hīanga ana, ānō he heu koi. 
E arohaina rawatia ana e koe te kino i te pai, te teka i te kōrero tika. Hera 
E te arero hīanga, e arohaina ana e koe ngā kupu horomiti katoa. 
Ka whakangaro hoki te Atua i a koe ake tonu atu; ka tangohia atu koe e ia, ka tākiritia atu i tōu nohoanga, ka hūtia atu hoki koe i te whenua o te ora. Hera 
E kite hoki te hunga tika, ā, ka wehi; ka kata hoki ki a ia, ka mea, 
“Inanā, ko te tangata tēnei kīhai nei i waiho e ia te Atua hei kaha mōna; otiia, whakawhirinaki ana ki te tini o āna taonga, whakapakari ana i runga i tāna mahi kino.” 
Ko ahau ia, e rite ana ki te ōriwa matomato i roto i te whare o te Atua; ka whakawhirinaki ahau ki te mahi tohu a te Atua ake ake. 
Ka whakamoemiti tonu ahau ki a koe, nāu hoki tēnei i mea; ka tūmanako anō ki tōu ingoa; he mea pai hoki, ki te aroaro o tāu hunga tapu. 
