﻿Waiata.
54.
Ki te tino kaiwhakatangi: Nekinoto. He Makiri, nā Rāwiri i te haerenga o ngā Tiwhi ki a Haora, kī ai, “He teka ianei kei a mātou a Rāwiri e piri ana?” E te Atua, kia whakaorangia ahau e tōu ingoa; kia whakawākia hoki ahau e tōu kaha. 
E te Atua, whakarongo ki tāku īnoi, tahuri mai tōu taringa ki ngā kupu a tōku māngai. 
Nō te mea kua whakatika mai ngā tāngata iwi kē ki ahau, ā, e whāia ana tōku wairua e te hunga tūkino; kāhore i waiho e rātou te Atua ki tō rātou aroaro. Hera 
Tēnei te Atua hei kaiāwhina mōku; kei roto te Ariki i te hunga e tautoko ake ana i tōku wairua. 
Māna e utu te kino o ōku hoariri; hunā rātou, he pono nei hoki koe. 
Ka kakama ahau ki te mea patunga tapu ki a koe, ka whakamoemiti ki tōu ingoa, e Ihowā, he mea pai hoki. 
Kua whakaorangia hoki ahau e ia i roto i ngā hē katoa; ā, kua titiro tōku kanohi ki te mea e hiahia ana ahau ki ōku hoariri. 
