﻿Waiata.
61.
Ki te tino kaiwhakatangi: Nekina. Nā Rāwiri. Whakarongo, e te Atua, ki tāku karanga; tahuri mai ki tāku īnoi. 
Ka karanga ahau ki a koe i te pito o te whenua, ina pēhia tōku ngākau. Ārahina ahau ki te kōhatu e tiketike ake ana i ahau. 
He piringa hoki koe mōku; he pā kaha i te hoariri. 
Ka noho ahau ki tōu tapenākara ake ake, ka okioki ki ōu pākau hei piringa. Hera 
Kua rongo nei hoki koe, e te Atua i āku kupu taurangi, kua hōmai e koe te wāhi o te hunga e wehi ana ki tōu ingoa. 
Ka whakaraneatia e koe ngā rā o te kīngi; ōna tau ki ngā whakatupuranga katoa. 
E noho ia i te aroaro o te Atua ake ake; whakaritea mai he aroha, he pono, hei tiaki i a ia. 
Pēnei ka hīmene ahau ki tōu ingoa ake ake; ka whakamanā e ahau āku kupu taurangi i tēnei rā, i tēnei rā. 
